اي انا قصيره لكن زيكم عادي راه
ما نقدرش نلف روحي في البطنيه خمسه مرات زي البراكه 😏
و ما يقيسوش في طولي ب خيط شحن 😊
يطيح تلفوني و يتكسر عادي😢
و نلحق في الحاجات العاليه زيكم(لما ننقز)😅
~~~¤~~~
ماتعطيش رايك في حد من اول ما تعرفه ⛔
حتى الفالصو يلمع لما يقعد جديد💫
~~~¤~~~
اصلا عادي مايهمنيش لو باقي عمري فات صدمات
الضربه على صدر ميت ما توجعش🙄
~~~¤~~~
مايسبك غير المقهور منك 😣
و مايسيبك غير الغيران منك 😒
مايفوتك غير الكداب 😈
و ما يبيعك غير المصلحجي 😏
التعلق بدايه الصداقه 🤗
الغيره بدايه الحب😍
طول الحديث بدايه الاعجاب 💙
الحديث عن مواضيع غبيه دليل على الرغبه في اطاله الحديث 💚
يلي يبيك عمره ما يبيعك ولا يفوتك 💜
لكن
الاهمال بدايه قصه عنوانها ارحل💔
~~~¤~~~
لما بتفكري تحبي و تكلمي شاب
فكري في بوك يلي من الصبح للضهر و هوا يخدم
باش ما ينقصك شي
فكري في خوتك يلي يخافو عليك من دقه الشوكه و يغارو عليك من ضلهم
فكري في امك يلي متأكده منك و تقول بنتي مستحيل تدير العيبه
فكري في اهلك
فكري في الثقه يلي عاطيينهالك ^_^
لما بتفكر نبعت لبنت
فكر في يلي قال ان يلي بتديره في بنات الناس يولي في خواتك
فكر لو مره لقيت اختك تدوي مع ولد شن ممكن تدير
شن يكون ردك و كيف بتكون صدمتك
لو تحبها جديات كون راجل و كلم يلي رباها^_^
(يلي يبيك يمشي للراجل يلي مربيك)
#ش.يويويو
~~~¤~~~
