احم احم
مره جيت المدرسه الصبح متعفلقه هلبا خاطر
(حاجه دخلكمش فيها)
المهم كانت الحصه الاولى فيزياء امتحان
كنت قاريه هلبا المهم بديت نكتب بعدين قعدت نبكي بالعبره😭😭
جتني الابله خيرك خيرك
و شهد شي ماتبيش تتكلم
المهم بعدين قلتلها نبي ننزل لوطا انا و بنت صاحبتي
قعدت تدير في الجو لالا ممنوع و انا قريييييب نموت
قعدت مقعمزه نبكي
بعدين البنات قعدو يقولولي خيرك خيرك و و و درهت كبدي و معش فيها
مشي درتلهم مشهد درامي 😢😳
نضت دفيت الطاوله و طلعت نجري من الفصل نبكي
نسمع فيهم يقولو بترجع بترجع😷
نزلت قعدت ندور في الممر فاضي قريب ربع ساعه💔
بعدين دخلت لحجره الاخصائيه فاضيه
قعدت نبكي المهم دخلت الاخصائيه 😶
عرسسسسس😳
خيرك علاش تبكي و من كلمك؟ ،ماجاوبتيش؟،باهي متعاركه مع حد؟،باهي خيرك ؟
و انا معبرتني الخنقه بنموووت 🙇و نضرب على رجليا و نقوللها جيبيلي الاء ، نبي الاء ، توا جيبولي الاء
_خيرك متعاركه مع الاء
_جيبولي الااااء😭
المهم الابله مشت لفصلي و جابتلي الاء
نضت نجري تضبطت الاء و نبكي و البنت مصدومه تسحابني نودع😔
طلعت الابله و دويت مع الاء و نزلو صحباتي كلهم لوطا يسكتو فيا 😯🤐
المهم في الاخير الموضوع طلع مافيش منه بكل و التفليم يلي درته كله عالفاضي😂
مستحيل ننساه الموقف بكلللل😂
لكن خساره الامتحان جبت فيه درجه حتى الشيطان يغطي منها وجهه😂😈
