انا شوشو بسلامتي 🤗زمان مره في حوش جدي كساد انا و بنات عمي ندادي نهدرزو شويه و جونا الصغار يناشبو مشي هزبناهم و وحده منهم بنت عمي مببيه هلبا 😣مشت تجري تبكي لامها و امها دايره راسها من راسي مش متحمله في بنتها دقه الشوكه 😒و حتى انا مش مقصره الحق نحب نحرقلها دمها 😅المهم جتني و كان فيه ضيوف فحوش جدي هزبتني قدامهم و قلبتها دراما انا و قعدت نبكي😭
متحشمه زعمني🙈
المهم جوني بنات عمي يسكتو فيا و هما ف خاطرهم بيموتو مالضحك 🐸
مرت عمي وقتها راجلها كان يبني فحوش مشي وحده من البنات قالت هي نمشو نهيجو في حوشها و نديرو يلي نبوه ما يندري علينا حد و نقلبوه مدام هيا 24 ساعه و هيا حوشي حوشي 😖
المهم مشينا للحوش لعبنا و هيجنا و درنا جو
بعدين انا لقيت حكه صغيره فيها حاجه صفره زي المستكه مش عارفه شن هيا المهم من مواد البناء
مشي انا من الهبال يلي فيا 😌 خديتها و قعدت نخربش بيها عالحيط انا و البنات و كتبنا كلام اخيه على مرت عمي 🙃
بعدين شويا و نسمعو صوت ورانا :شن تديرو هني😶😖😨
لوحنا الحكه و هربنا و جي عمي و قرا يلي عالحيط و مشي قال ل اهلنا على كل شي
كانت ليله زريفه غير ان حبسونا في دار و هزبونا لن شبعو و معش خلونا نباتو مع بعض بكل و خدو التلفونات ☺☺☺
