افهمو#بعض
قبل ما تحبيه افهميه و خليه يفهمك
و قبل ما تحبها افهمها و خليها تفهمك
هيا القصه مش صبلي و نشرب
قبل لا تديرو علاقه خودو فتره اقعدو فيها صحاب يعرف طبعك و تعرفي طبعه
لانه غير هكي بتتعبو هلبا
ما تخلوش حد يلعب في افكاركم و يفكر عليكم
ماتاخدوش بكلام حد
ما تحكيش عليه لصحباتك بالتفصيل يقعدو يلعبو في دماغك و يقعدو يفسرولك في كلامه بمزاجهم
ما تحكيش عليها لامك بالتفصيل تقعد تعاتب فيك عالعفسه
انتم يلي بتعيشو مع بعض و هما مش حيعيشو معاكم
هما مش حيقعدو معاكم في وقت الحزن و الفرح و الهم و السعد و الضيق و الفرج
انتم بتقعدو مع بعضكم بروحكم
لازم تفهمو بعضكم بروحكم
الحب يبي تضحيه من الطرفين
يبي حد حتى لما يتعفلق من التاني يقله انا متعفلق منك خاطر هكي و هكي و تخليه يشرحلك
ما تتسرعوش و تختفو فجأه عن الانضار على ابسط شي
افهمو بعض و فهمو بعض و ما حد ليه علاقه بحياتكم
الناس لما تدخل بين شخصين يفسدو بينهم بس حتى لو كانت نيتهم صافيه
افهمو بعض و ماحد ليه علاقه بيكم و الحب يبي تضحيه من الطرفين
افهمو#بعض
ش.يويويو
2018/1/16
