لقيت واحد منزلها قصه ضحكت عليها بدموعي 😂😂😂😂
ﻓﻲ ﻳﻮﻡ ﺧﺸﻴﻨﺎ ﻟﻠﺠﺎﻣﻊ ﻧﺎﺍ ﻭﻭﻟﺪ ﺻﺎﺣﺒﻲ ﻭﺍﻻﻣﺎﻡ ﻗﺎﻋﺪ ﻣﺎ ﻗﺎﻣﺶ
ﺍﻟﺼﻼﺓ ﻭﺧﺶ ﺭﺍﺟﻞ ﺑﻄﻨﻪ " ﻛﺮﺷﺘﻪ " ﻛﺒﻴﺮﺓ
ﻭﻗﻌﺪ ﺃﻳﺼﻠﻲ ﻓﻲ ﺭﻛﻌﺘﻴﻦ ﺍﻟﺴﻨﺔ ﺍﻟﺮﺍﺟﻞ ﻣﻦ ﻛﺜﺮ ﻣﺎ ﻛﺮﺷﺘﻪ ﻛﺒﻴﺮﺓ ﻣﺎ
ﻳﻘﺪﺭﺵ ﻳﺮﻛﻊ ﻛﻮﻳﺲ
ﻛﻤﻞ ﺍﻟﺼﻼﺓ ﻣﻦ ﻫﻨﺎ ﻭ ﺟﺎﻩ ﻭﺍﺣﺪ ﺍﻣﺪﺍﻳﺮ ﻟﺤﻴﺔ ﻭﻧﻔﺎﺥ
ﻭﻗﺎﻟﻪ ﻳﺎ ﺣﺎﺝ ﺭﻛﻮﻋﻚ ﻏﻠﻂ ﻭﺍﻻﻣﺎﻡ ﺍﺑﻦ ﺗﻴﻤﻴﺔ ﻛﺎﻥ ﻳﻘﻮﻝ ﺃﻥ ﺍﻟﺮﺳﻮﻝ
ﻟﻤﺎ ﻛﺎﻥ ﺑﻴﺮﻛﻊ ﻛﺎﻥ ﻇﻬﺮﻩ ﻣﺴﺘﻘﻴﻢ ﺑﺤﻴﺚ ﻟﻮ ﺣﻄﻴﺖ ﻃﺎﺳﺔ ﻟﺒﻦ ﻋﻠﻴﻪ
ﻣﺎ
ﺍﻃﻴﺤﺶ ﻭﻗﻌﺪ ﻳﻨﻔﺨﻠﻪ ﻓﻴﻬﻢ
ﺍﻟﻤﻬﻢ ﺍﻟﺼﻼﺓ ﺃﻗﻴﻤﺖ ﻭﻧﻀﻨﺎ ﺑﻨﺼﻠﻮﺍ ﻭﻗﻒ ﻋﻠﻰ ﺍﻳﻤﻴﻨﻲ ﺻﺎﺣﺒﻲ
ﻭﻏﺎﺩﻱ ﻣﻨﻪ ﺍﻟﺮﺍﺟﻞ ﺑﻮﻛﺮﺷﻪ ﻭﺟﻨﺐ ﺍﻟﺒﻮﻛﺮﺷﻪ ﻭﻗﻒ ﺍﻟﻨﻔﺎﺥ ﺻﺎﺣﺒﻪ
ﺑﺪﺕ
ﺍﻟﺼﻼﺓ ﻭﺍﻻﻣﺎﻡ ﺭﻛﻊ ﺍﻟﺮﺍﺟﻞ ﺑﻮﻛﺮﺷﻪ ﺟﻲ ﺑﻴﺮﻛﻊ ﻣﺎ ﻋﺮﻓﺶ ﻳﺠﻴﺐ
ﺍﻟﺮﻛﻮﻉ
ﻣﺰﺑﻮﻁ ﻣﻦ ﺍﻭﻝ ﻣﺮﺓ..
ﻧﺎﺽ ﺑﺎﺵ ﺍﻳﺴﺎﻭﻱ ﺭﻭﺣﻪ ﻭﻳﺮﻛﻊ ﻣﻦ ﺟﺪﻳﺪ ﻭﻫﻴﻴﻼﺍ ﻫﻮﻭﻭﻭﻭﺏ
ﻛﻐﻐﻐﻐﻐﻐﻴﺖ
ﺍﻟﺴﺮﻭﺍﻝ ﺍﻧﺸﺮﻙ ﻣﻦ ﺍﻟﺤﺪ ﻟﻠﺤﺪ ..
ﺍﻧﻲ ﺷﺪﻳﺖ ﺭﻭﺣﻲ ﺷﻮﻱ ﻟﺤﻈﺘﻬﺎ ﻟﻌﻨﺪ ﻣﺎ ﺍﻟﺮﺍﺟﻞ ﻃﻠﻊ ﻣﻦ ﻧﺺ
ﺍﻟﺼﻼﺓ
ﻭﻗﺎﻝ ﺑﺼﻮﺕ ﻋﺎﻟﻲ ﺍﻥ ﺷﺎﺀﺍﻟﻠﻪ ﻏﻴﺮ ﺍﺑﻦ ﺗﻴﻤﻴﺔ ﺭﺍﺿﻲ ﻋﻠﻴﻨﺎ ﺗﻮﺍ !..
ﺷﻔﺖ ﺻﺎﺣﺒﻲ ﺍﻟﻘﻴﺘﻪ ﺍﻳﺨﺾ ﻣﻊ ﺑﻌﻀﻪ ﻭﺍﻛﺘﻮﻓﻪ ﺍﻳﻬﺰﻥ ﻭﻳﻀﺤﻚ ﻭ
ﻧﻀﺮﺑﻖ ﺗﻀﺮﺑﻴﻘﺔ ﻭﺣﺪﺓ ﻭﺍﻧﺴﻴﺐ ﺍﻟﺼﻼﺓ ﻭﻧﺘﻠﻔﺖ ﻭﺭﺍﻱ ﺷﻔﺖ ﻣﻨﻈﺮ
ﺍﻟﺮﺍﺟﻞ
ﻭ ﻫﻮﺍ ﺷﺎﺩ ﺳﺮﻭﺍﻟﻪ ﺑﺈﻳﺪﻩ ﻣﻦ ﺗﺎﻟﻲ ﻭﻃﺎﻟﻊ ﻣﻦ ﺍﻟﺒﺎﺏ ﻃﺤﺖ ﻓﻲ
ﻣﻜﺎﻧﻲ
ﻭﺍﻧﻌﺪﻣﺖ ﺍﻟﺮﺅﻳﺔ ﻟﻠﺤﻈﺎﺕ . ﻭ ﺑﻌﺪﻫﺎ ﻛﻞ ﺍﻟﻠﻲ ﻓﻲ ﺍﻟﺠﺎﻣﻊ ﻗﻌﺪﻭﺍ
ﻳﻀﺤﻜﻮﺍ
ﻭﻋﺎﻭﺩﻭﺍ ﺍﻟﺼﻼﺓ...
ﺍﻟﻤﻬﻢ ﺍﻟﻐﺮﺽ ﻣﻦ ﺍﻟﻘﺼﺔ
ﻋﻤﺮﻙ ﻣﺎ ﺗﻌﻄﻲ ﺍﻟﺜﻘﺔ ﻟﺴﺮﺍﻭﻳﻞ ﺍﻟﻜﺘﺎﻥ
ههههههههههههههههههههههخههههههههههههههههه..
..
