احم احم جبتلكم طرائف ليبيه جديده 👌😂😂
بكري مقعمز انا و ولد صاحبي في البحر و ضاربنا الجوع و فجأه نلقو قروب ولاد مقعمزين لوطه ولعو الشوايه و حطو عليها هداكا اللحم الوطني و بدت صنه الشوا ترفع و تجيب نشمو في الصنه و عيونا قلوب قلوب المهم شن بنديرو شن بنديرو قالي نقولك مالينا الا الشكشوكه في الحوش و ولع السياره قتله غر اسمع حط الفوطه على راسك و بننزل للولاد لوطا و نقلهم معاي المرا حامل و تعرف انت مواضيع الوحم و المواضيع متعهم و جي في خاطرها الشوا متعكم ههههههههههههههه المهم بعد ما ضحك لن عيي و استنيته تطيب اول شويه نبيتولهم من فوق ههههه قالي هيا انزلهم هههه شديت ضحكتي و نزلتلهم لوطا للشط و السلام عليكم شباب ان شاء الله ديما ملمومين و خديت ولد معاي على جنب قتله المرا معاي حامل و تتوحم و جي خاطرها الشواء متعكم ههههههههه و الولد طول خدي السلفر و بدي يحطلي في اللحم و فجأه نسمع الولد صاحبي مداير صوت بنت و يقول ولو فيه سلاطه مشويه هههههههه قتله باه يا نجااه ههههه و معش قدرت نشد ضحكتي و الولاد بدو يضحكو و بعدين خشيتلهم في دسكه تو تتزوجو و تشوفو التشحيط و دلعولنه الجو و حصلناها تعشايه مش عاديه هههههه المهم تعاركت مع الولد صاحبي هوا يقول غدوا نشوفو ناس يشوو في دجاج و انا نقوله لا حوت احسن ههههه جاي بنضربه لاكن خفت انوشه على بطنه تعرفو الضنا
