ياسر- راح اسافر هالفتره لان كملنا كورسات ابويه محتاجني بالشغل الك فرصه شهر تصارحها بكل شي حضنته هاك كيكتك بامان الباري باوعتله وصعدت للسياره اني تاذيت وياه بس صوجه مو صوچي
اياد- بهاليوم طبيت نمت بس دخلت غيبوبه مو نومه صارت تاذيت هواي وجعني كلبي شون حكوللها حتعوفني اكيد وصلت رساله منها
وينك ياسر وصلت لو بعدك بالي يمك
مرديت مدااكدر اكمل اللعبه خلص نمت وكعدني زياد وره 6ساعات نوم --- صاير انفجار بشارع فلسطين وهواي من المنطقه راحو رحنا التهينا ويه العالم اللي مات واللي تصوب واللي سيارته راحت واللي تجرح ساعدنا الجوارين تلفوني حتى ماادري بي وين عفته رجعت بليل ب1 سبحت وطلعت لكيته عالجربايه خلصان شحنه ربطته عالشحن نص ساعه طلعت اسولف وي امي عالصار رجعت لكيت 50مكالمه لم يرد عليها و60مسج كلها
وينك الله يخليك بس رد
ياسر تره حموت خوف
المن اسال عليك
ياسر رحمه لا الله رد حتخبل --- وعلى هالرنه دااكلب بالرسايل بال1 ونص بليل دك بيدي باوعت رقمها غمضت عيني رديت الو
الوووو كمت اشهك الو احجي احجي وينك كلتها بحرگه
موجود شبيج تبجين
متت خوف عبالي واشهك وابجي عبالي بيك شي انت مدترد وصار انفجار يمكم تخبلت
ههه كافي لتخافين عليه عار كلشي ميصير بيه
لتكول هيج عروحك ياسر
غمضت عيني حروح تعبان
لالالا لتروح لتعوفني متت خوف عليك كلت عفتني
لتخافين مااكدر اعوفج همست بتعب يجوز تعوفيني انتي
احبك همستببجيتي احبك مزااكدر اضم بعد
ذبلت كلي تمددت غمضت عيني جريت اللحاف تغطيت حته وجهي --- عيديها بعد ايناس كوليها بعد كمت اتنفس سريع نسيت الصار الصبح كلله
احبك واموت اذا صار بيك شي احجي وابجي
ليش تبجين ياعيني مو دتحركين كلبي والله بدموعج
سكتت كوه بس الشهكه بقت بيه صارلي ساعات ابجي بقيت اسمع نفسه السريع
شبيك تتنفس سريع
دمرتيني
ليش
ايناس لتعوفيني لو شما يطلع مني
لا ماعوفك بس لتخونني
ولج شخون ولج حبيتج صحت احبج تعببببت مدااكدر ضربت على كصتي طيحت حضج وحضي بايدي اني ايناس لتعوفيني تره والله اموووت
ليش هيج تحجي ليش تكول طيحت حضج هو هذا حبك هيج سوه انت خليتني احس شي محاسته قبل حنانك لا هو حنان اب لا حبيب لا اخ فد شي اكبر من ذنه كلهن
اخ يابه ولج روحي انتي اموت عليج
بس اليوم اني جريت نفس اليوم اني كلشي مشفت بعينك اي حب ماكو الدتحجي كله مموجود بعيونك محسيت باي شي لهفتك بالسماعه ماهيه
جريت نفس غمضت عيني ايناس ارنوبتياي احجي احجي خليني ارتاح اريد احس بحبك
احبج اكثر شي بهالدنيا شما سوي لتعوفيني
مثليش يعني مداافهم لتخوفني
اي شي
بس اذا خنت
ولك شخون من عرفتج عفت كل الاعرفهم بيج اكتفيت كام ميعجبني بس بيج افكر
سكتت غمضت عيني راح تجي العطله ونروح لتركيا
هااا ليش
امي عدها علاج واني حايره
ليش حايره حبيبي
راح اشتاقلك
سكتت غمضت عيني احبج تنهدت لازم اشوفج قبلها
ماشي شوكت
بس يصيرلي مجال امر للتكنو انتي لتمرين ماشي بس لتكرهيني لو شما يصير
انت ليش دائما تخوفني شنو شعدك شضام عليه متزوج شنو
يجوز متزوج
عزززه صدك متزوج صدك تحجي بس اني وياك اربع وعشرين ساعه صارلنا 3شهور
مممم يجوز بالخارج
صدك تحجي
اذا متزوج تعوفيني
اذا عدك 3نسوان اقبل اصير الرابعه مستعده
خرب لج انتي مرتي مستحييل اقترب من غيررج
سكتت
اريد اشوفج اشوف شعرج ملامحج اتقرب منج اشوف تفاصيل جسمج كلشي بي اريد اني وياج نبقى بغرفه وحدنا واغفى بحضنج
هاي شبيك صار كومه نحجي موصلنا هالمواصيل شو فد مره اليوم
خلص صبري بعدد
انت تختلف عن كل الشباب والله ---- اي اي ماما جيت يله حروح اضرب ماما الابره
احبج
باي
احبج ارنوبتي
اموت عليك بسته بالسماعه وسديت الخط
اخ يابه اخ يابه كلبي هاي شسوت شسوت باستني يبووووو عليك اياد بقيت صافن بحالتي طلعت شفت فاروق يشرب لبن وي ابويه مجاهم نوم بعد اللي صار بالعالم
هايابه الله يساعدهم
هلو يابه
فاروق- هلو اياد شونك صار اسبوع مشايفك
