اياد- بقه تفكيري يمها رجعت للبيت ايناس سالتني وين رحت تاخرت من غير من جنت بالكوفي سبع مرات خابرت قفلت الجهاز يله كدرت اسولف وي زياد
ها نوسه موجود وي زياد رحت
ليش مرديت لعد عكدت حاجبي حالتك غريبه
شبيه خببببل
اياد تره تعبانه مدري شبيها
ليش سلامتج صدك انخمط گلبي
والله مااعرف لتروح باچر للدوام خاف اتخربط
شدتحسين
تعبانه كلش،
اوك هاهي ماداوم تقربت حضنتها حبيبي شبيج فدوه لتخوفيني
والله مبيه شي اخذت ايده خليتها على بطني اريد احس باحساس اهتمامه غمضت شوي تعبانه
سلامتج عمري ابتسمت دتتحرك الملعونه
اي بليل تزيد الحركه
هاي من تكبر لباب البيت ماطلعها باوعت بعين ايناس حگوم كلش اخاف عليها وحتى وياج متطلع الا ويايه
ههههه ادري شنو اميره ديانا
اكثر بعد بنت اياد وارنوبه
ههه انشاء الله تلمست خده صار فتره بعيد عني
حبيبي ذاك اليوم كضينا اسبوع ممداوم بتركيا مكابلج وگاعد اي بعد هذا
حبيبي مكابلني بس اشرت على راسه بالك مو يمي
لا يمج متوهمه انتي بيج هوس مال شك
نصيت راسي يمكن غمرت راسي بحضنه تعبت من تفكيري. غفينا كعدت الصبح ملكيته يمي تلفتت تخبلت صدك جذب مو مال ماداوم اكيد اكو شي جنت شاكه هسه تاكدت مديكدر يعوفني علمود الشغل
اياد- كعدت شفتها نايمه براحه مبيها شي طلعت افوت الحمام شافتني امها
يمه ب8ونص شوكت تروح
خاله ارنوبه كالت تعبانه خفت اداوم
ههه روح يمه داوم اني موجوده يمها واي شي اخابرك انشاء الله وعود تعال من وكت
خوش لبست بهدوء وطلعت رحت للدوام صارت بوجهي ام مهدي عيونها وارمه بقيت صافن سلمت عليها باوعتلي ردت ونصت راسها استغفر الله طيح الله حضك مروان. كعدت عالمكتبدايدي متاخذ شغل وعملي تنقيب يرادله تركيز فكرت بيها هواي توصلت لحلول نادخل روحي بيها توصلت لحل انطيها فد مبلغ مرتب تروح بي للدكتوره تسوي چاره الها ولا ادخل روحي ولا ابد. بقيت لنهايه الدوام كملت شغلي وضليت كاعد طلعو الموضفين بقيت بممر الدائره فاتت من يمي ام مهدي ايدي بجيبي مااعرف شكولها
ام مهدي
نعم استاذ تفضل
نور وينها
هااا
نوربنتج وين ضليت صافن شيوو بالبنيه بس لا دزوها للكوت
بنتي نايمه مريضه
نصت راسه
ام مهدي تعاي بس احاجيج ابو مهدي وين
طلع مشه للكوتهو ومهدي
زين اكدر احاجيج
تفضل استاذ
جانت تباوعني خايفه وحايره حست اعرف شي عن نور مشيت للمكتب وجتي ورايه
كعدي ام مهدي
اي استاذ
كعدت كدامي تفرك باصبيعها بتوتر وقلق منصيه راسها
ام مهدي مروان شعده وي نور--- رفعت راسها فكت عينها
وكفت بعصبيه انت شون عرفت ---مروان واحد نذل وبس خل اوصلله اشرب من دمه
تفضلي ام مهدي باوعت من الجام عالبره مال مكتب خاف احد يجي رجعت باوعتلها كامت ترجف كالت انت شمدريك
ام مهدي اني حسيت مالج دخل شون عرفت ابوها شناوي يسوي
استاذ ابوها مهدور دمه بالكوت لان اخو قاتل ولد جيرانهم بالغلط الاخ انهزم للسماوه واحنا جينا لبغداد اخذت جهالي وانهزمت وياه كام كل فتره بالختله يروح لامه ويرجع وج الفجر محد يشوفه
اي فركت ايدي بوجهي رجعت باوعتلها تالي
تالي اخوه القاتل عده ولد بالسماوه ويريد نور وابو مهدي يكول انطيها اله ميدري بالسالفه شنو واني خايفه عليها اول البارحه رادت تموت بيدي والليل كله تون من الضرب الضربته الها تصدك ذبيت عليها نفط من كالتلي جبرني وحلفت يله هديت روحي
بقيت صافن بتعب غمضت عيني تحسبت بقت تباوعلي
استاذ اذا تكدر تساعدني الله يخليك سويها لا الله بس اوصلي لمروان
صار شهر ادور ماالگاه مخليت احد مسالته جريت نفس ام مهدي بنتج ضحيه ترهً
نصيت راسي اني صوجي اكول الدائره فارغه من يطلعون هي تنضف مجنت اعرف يبقى علمودها الغدار الچلب الله يطلعها بعرضه
بقيت ساكت صافن عليها محروك دمها خطيه جريت نفس باعي مدام الاب مموجود وديها دكتوره
شكوللها صخام وجهي
كوليلها اعتداء وتسوي ترقيع الها --- لطمت على وجهه نصيت راسي كامت تبجي
ام مهدي وكت ماعدنا ومو وكت لطم وبچي مدام ابوها موموجود نستغل فرصه هسه اروح اسحبلج من البنك فلوس وانطيج روحيلها اي دكتوره تسوي عمليه تره متطول سالت عليها البارحه والله
استاذ اخاف من الفضيحه انت شدتحجي
لج بابا محد يعرف والفوس تسكت الاودام
ماشي استاذ رحمه الله والديك
تحجي وتبجي دمرت اعصابي طلعت من الشغل سحبت من الصراف الالي رجعت نطيتها 2000دولار هاي خليها جوه ايدج واي شي خابريني زين
صار استاذ ورحمه الله والديك وعساها بميزانك
الله يستر عليها وعلينا طلعت نوعا ما مرتاح وصلت للبيت بس ضل راسي يفتر شنو ممكن سوت هسه بعد كم يوم طلعت ام دره وام ايناس للحج بقيت تلفوني يم ام مهدي اي شي تتصل بيه وصلت للبيت ايناس اول مطبيت باوعتلي ودارت وجهه زعلانه حبيبي
اولا كذبت باوعت لامها شوفي خاله مو كتلج
يمه اني كتله
باوعتله لتدخل احد بيننا همستي
صار
تتغده
لا مااشتهي
ليش عكدت حاجبي تعبان حبيبي
اوك براحتك طلعت من الغرفه عفته يرتاح بس راسي ميت فكره وفكره ضليت اكلب بالتلفون مالتي عالبرامج لكيت فد شي بسوق بلي كاتب تسجيل مكالمات صفنت شكل البرنامج سهمين وبس لامكتوب تسجيل لا ابد ومن تدخل عليه يطلب شفره ضحكت فتت للغرفه بهدوء شفته يشخر اخذت الجهاز على كيفي نزلت البرنامج بي وبلشت تسجيل مكالمات وخليت الكود وطلعت اكيد مراح ينتبه ميت برنامج بتلفونه واذا انتبه ودخل يطلب رمز وميكدر يمسحه للبرنامج اذا مو الرمز رجعت الفون بمكانه وطلعت خابرت دره سولفت وياها كالت ريناد رجعت انتكست مريضه كلش انقهرت. كعد العصر اياد كتله نروح بيتكم كيف خابر زياد كال يله كومي زياد نازل رحنا الهم شوي وطلع. زياد بعد مجاي من شغله وهو طلع
اياد- اتصلت ام مهدي
الو وين صرتي مو بالي وده وجاب
والله استاذ فريت 5دكتورات محد قبلت تسوي
تحجي وتبجي
افتر راسي ميخالف ام مهدي
نشوف وين توصل ضلي دوري هي شونها
اي يطبها طوب عساها ما ماتت
سكتت غمضت عيني راحت المره وسديت الخط رجعت للبيت راسي حيطك ايناس بس تراقب فاروق جان طالع بعده مراجع من شغله ريناد مالها خلك وامي وابويه على حالهم اني ضاقت بيه الدنيا هالطفله هيج يناكل حقها كاعد واستغفر ربي وصلت رساله من نور
استاذ فدوه لتعوفني محد وگف ويايه غيرك مااعرف شصار بيه. وجف جسمي حسيتها غركانه مسحت الرساله وطلعت بره
ايناس - اياد شبيك كلسا طالع طاب
مامو شي ماكووو شي
بقيت صافنه نتر بيه جريت نفس لعبت روحي
اياد- خابرتها الو نور
الوو
شبيج. تبجين
امي مو تتني
لتخافين جريت نفس ماعوفج الا اسويلج العمليه
الله يخليك لتعوفني
ماعوفج
ماكو وحده تقبل تسويها اني حموت روحي
اششش كافي لتحجين هيج لو اعرف اجي وياكم لازم نلگه جاره ولتخافين ماتركج
سكتت
روحي ارتاحي
مع السلامه
الله وياج ديري بالج عروحج راحت وكلبي انعصر نختني البنيه ومااكدر اتركها بيد الموت تذكرت كلام زياد تذكرت شكلها وعيونها تخبل طولها وجسمها استغفر الله بني ادم اني ويييين ودائما الشيطان ياخذ حصته رجعت للبيت صارت ب10طب زياد تسالمت وياه باوعت لايناس حسيت روحي هلكان تعب اشرتلها يله نروح
يله وكفت لبست وطلعنا كلشي محجيت الطريق كله وهو هم صافن وكلشي مااكل. بس يدخن وصلنا للبيت رجعت غراضي نزع ونام
شبيك
يابه شبيييه
يله يله لتصير عصبي
مو عصبي جريت نفس غطيت وجهي بالمخده انام بس مكدرت بس اتكلب هي بصفي حضنتني من وره التفتت عليها حضنتها ماريد تزعل عليه
ايناس اني كاعده بس ممثله النوم انتضر يغفى وافتح جهازه حموت واعرف شبي مابي بس مغفه بقه يتلمس وجهي وشعري لحد مااني غفيت وهم كعدت ملكيته حيخبلني.
اياد- اليوم شغلنا مو بالدائره مالتنا غير دائره كملت شغلي ورجعت لدائرتنا ابو مهدي بالباب سلمت وفتت كعدت اكمل شغلي ببطيء متعمد طلع الكل بقيت وحدي سمعت ابو مهدي يحاجي ام مهدي الدائره من فارغه تصير صدى
الخميس اخذها واطلع للسماوه
بنتك مموافقه فدوه غير رايك
مو كيفها تالي وكت انتضر موافقه الخانم
اياد- ضلت تتوسل بي الام ابنها كام يصيح عليها نور مالها صوت
ابو مهدي- اني حاخذ مهدي واطلع شغل لليل ارجع الكاها مقتنعه ترحين تجهزيه الضروريات لا بالله الكريم اجرم ببنتج
اياد- سمعته طلع من الباب الخارجيه الثانيه وقفل رجعت صعدت لزمت التلفون اتصل بنور يدك يدك محد يرد تخبلت وينها هاي سمعت صيحه امها نووووووور كمزت من مكاني نزلتلهم
