اياد- ايناس انوسه حبيبي يله كومي
ايناس- ها اياد باوعت عالساعه مو بعد وكت
اي اريد اشبع منج
هه اريد انام
لالا كومي سويتلج ريوك
لا اياد ليش اني اسوي حبيبي
عجبني وكاعد من وكت كلت اداريج
هههه لزمت خده المبتسم حموت من وره حبك
لا عفيه لتجيبين طاري الموت
ماجيب رفعت جسمي الطينيه عالميز والورده بيها والاكل نفس الاجانب غطيت وجهي بيدي هاي تنوووو
ههه هاي الج ولعزوز
عزيز ميحب القشطه
شعجب وعده هيج ام قشطايه. يله عمري كومي كافي كسل اليوم عدج تحاليل وتغيير علاج
اي ذكرتني
يله حتى اوديج وارجع واروح للشغل
اوك تريكنا سوه. وبين مااني ابدل دك تلفونه زياد ايدي على كلبي ايااااد ايااد
ها نوسه دقيقه دااترس السياره مي
حبيبي فدوه عوف كلشي وتعال زياد ديدك وساعه 8اكيد عرف شي عن خالو
ركضت عالفون رديت
الو
ها اياد صباح الخير
طلعت جلبت بقميصي غمضت عيني ها زيودي صباح النور
اكولك خابرني راءد مضر جتي انلزكت باذني بلعت ريك باوعت بعينها اخاف اكوله وتالي
كال لاكين سيارته محروكه ببيت بالرمادي العمليات الخاصه اثناء التحرير
انداريت عليها خلت ايدها على حلكها لطمت على وجهها ابتعدت تلطم ذبيت الجهاز ركضت عليها --- انوسه بس باعيني باعييييي اهداي لخاطر اللي ببطنج اهداي
ولك خاللللي راااح صحت بعلو صوتي فقدت.
حضنتها خايف. عليها مااعرف شسوي فدوه بس اهداي حموت خوف عليج
كتلو حركو. اياد شووون شسوي شكول لدررره فهمنييي
اذكري الله فدوه لعينج اذكري الله
استغفر الله استغفر الله
طبت امها تباوع بقلق وعينها كلها دمع مااعرف شكولها ضلينا ساكتين بس حاله ايناس تبين كلشي خطيه ضلت تباوع بالوجوه ووكعت مااعرف وين اروح شلتها خابرت علي اني مااكدر وحدي اخذناها سوه للمستشفى مسكنات عفت ايناس بالبيت خابرت امي تروحلها ساعه وخابرت كالت يمه دزلي احد لو تجي
يوم شكو
مرتك طرحت
دكيت على راسي هذا الخفت منه الدكتوره حذرت كالت اذا طرحت صعبه حبالتها مره ثانيه عفت كلشي وركضت عليها نقلتها راسن للراهبات نزيف موكف خلص دمها وخلولها بطلين دم مني يله ارتكز اباوعلها انتهت باتت بيومها مستشفى واني عفت الدنيا وكابلتها جنت حاسس هيج حيصير. بس اكذب روحي
فاروق- خابر اياد وكالنا الاخبار جنت ميت خوف عليها بدلت اني وابويه ورحنالهم للبيت. البيت جان هوسه ومصايح بس اي صوت للنسوان ماكو بس الرياجيل وصايرين اعصاب زوجته لخالهم نقلوها مستشفى وبعدني لحد هسه مشايف دره روحي طكت عليها
دره- من رجعت من الكافتريا راسن اتصلت بخطيبي ردت بس اتقري لازم اسوي جاره لروحي دك دك رد بالو مستغرب
الو هلو انس
منو
اني دره
ها اهلا اكول رقم عراقي هه شونج دره
الحمد لله زينه
ااتريدين ضرار اخوج
لو اريد ضرار اتصل بي
ممم داكه عليه يعني هله بيج
انس اني غمضت عيني اني عجبني اتعرف على شخصيتك بالتلفون
اي ?
اي هاهي
ها زين شكو منها خابري فد ساعه لان هسه مشغول
ها خوش انت اذا هاي دك عالمسنجر هسه ادزلك رابط فيسي
ماشي شكو منها
اشكرك
اهلا دره هله بيج
سديته لعبت نفسي وبالي يم فاروق كوه نمت وعطره كلسا اشم منه بجيت بس قويت روحي كعدت ب9 خابرني علي ابن عمتي عرفت اكو شي اباوع عالتلفون اخاف ارد صعدتلي مرت ابن عمتي باوعتلي وعيونها كلها دمع خليت ايدي على وجهي لا لتكوليها
بويه وين عايفني هم صدك رحت انت بعيد
بويه جاوب هم بعد يمرني عيد
انت يمي واحس ماشبعت منك دلال
النوب عني تروح النوح شيفيد
ايام صعبه مرت علينا تدهورت كل اوضاعنا ضرار باخر يوم اجه بالفاتحه من الباب كعد على ركبه يبجي ويصيح. اني عفته عفته وحده دمرنا بصيحته بويه ارجع واهد الدنيا كلها واكعد كبالك ماضل حيل بينا وامي بين الحياه والموت. عمتي كذلك محضرو ولا يوم من الفاتحه واني لابيه امشي ولا بيه حتى البجي دموعي خلصت كملت الفاتحه ومر سبوع على وفاته امي رجعوها للبيت بس بالصلوات عمتي هم رجعت عرفت بانوسه طرحت والله يادنيا فرتنا فر حبيرنا وراح مننا كلها تصفك بايدها مرت الايام بتعب بس لازم اوكف على رجلي اني هسه ام لامي ضرار مكدر يبقى اكثر من شهر هناك ماسس حياه كامله اله. الفيزه مالتنه مدتطلع. ولا ديقبلونا بالمقابلات صار مرتين ننرفض انس ابد مدك حتى مااخذ من خاطري وفاروق دازلي رساله
قوي نفسج بكلب ابوج انتي هسه ام البيت من عرفتج صلبه وقويه ديري بالج عروحج اي شي تحتاجي تلفوني يمج اعتبريني اخ والبقيه بحياتج دره
قريتها بجيت من كل كلبي حضنت الجهاز محتاجتله بس شنو الفايده تاليتها شنوووو تاليتها اتركه استحاله اكسر كلمه ابويه
اياد- مر شهر على وفاه خالها تبدلت ايناس مو ايناس قبل دائما تعبانه ودائما نايمه لو تبجي امها تحسنت الحمد لله جبت غرفتي لبيتهم بعد من لا جاره حاولت كل المحاولات اطلعها اونسها ازورها متغيرت ضحكتها غابت عنها وتاذت حيل من طرحت كمت ارجع من الشغل من وكت خايف عليها حاوطتها باهتمامي بس كانت ميته كانما بلا روح وهالشي دمرني
نوسه حبيبي كومي نطلع نفتر شوي ضايج
اياد عفيه عوفني اطلع وحدك وي زياد اريد انام
حبيبي صارلج 4ساعات نايمه مو زين
اريد انام تعبانه
قستي السكر
اي
شكد
290
جريت نفس تغديتي
اي اكلت والله بس عوفني انام
لعد انام يمج نزعت هدومي بقيت بالملابس الداخليه تقربت نمت يمها حضنتها تقربت حسيتها تريد تطب بضلوعي -- شبيج حبيبي
خايفه
من شنو باوعت بعينها شبيج
مااعرف
احجي بداعتي لتخبليني
احلامي موزينه
شنو ليش لاهاي اضغاث احلام علمود خالج وهاي
باوعت بعينه اياد اني يمكن حموت
لتكولين هيج اشش اشش
باوعت بعينه والله كل احلامي هيج
استغفر الله نعلي الشيطان ونامي تعاي تعاي حضنتها ابوس بيها خنكتني العبره من كلامها ليش هيج تحجي غفت بيدي واني مكدرت انام بقيت اباوعلها. شكد تعبان وجهه كمت لبست ورحت لاهلي مشتاق لامي طبيت للبيت لكيت مره كاعده يم امي وديحجون اني وين شايفها طبيت المطبخ ريناد دتحضر جاي وكعك
ريناد منو هاي المره
ها مااعرفها
مدري وين شايفها تنهدت زيودي اجه
لا باوعت بعينه البارحه فاروق تعارك وياه
ليش ياستار
مااعرف يريد يخطب وفاروق كله مو ثوبنا
اوووهووو وينه فاروق
فوك توه رجع نايم
خوش يلهودي دااطب اسلم لان عيب بس متاكد اعرفها قدمت ريناد الجاي طبيت سلمت التفتت تذكرت رفعت حاجبي
ها شونج خاله ام ياسر
هله يمه شونك اياد
ياسر شونه عمو
كلهم زينين
كعدت كبالها مستغرب جيتها لاحضت على ريناد الخجل والفرح تقريبا فهمت الموضوع صرت نار
ام فاروق- ماما اياد مدام ريناد طلعت خل احجي ام ياسر جتنا اليوم لان ياسر تقدم لريناد
اياد- بقيت صافن عليها باوعت لام ياسر البي خير يقدمه الله دك تلفونها وترخصت وطلعت وصلتها شفت ياسر سلمت عليه تقرب حضنني بس اني مو مثل لهفه قبل يمكن الدنيا غيرتني يمكن من قلقي على ايناس ويمكن شايل بكلبي عليه لان تقدم لاختي. طبيت للبيت بعدما راحو كمت اصيح على امي فاقد
يمه شبيك
يمه ياسر مو خوش ولد اني اعرفه مستحيل ريناد تصير اله
يمه واحد من اعزب يخيط ويخربط. بس وراها من يتزوج يجر عدل ويندار على بيته وعائلته
الا هذا يوم الا هذا مستحييييل فهمتي
هاهي يمه ملازم نرفض وخلص الموضوع خليها تكمل كليتها
ريناد- سمعت كلامه تخبلت شبي ياسر معقوله يرفضه انعصر كلبي ورغم متت قهر بس جزمت انه اياد يعرفه عشره عمر وبعد ابد ماانطي مجال اذا انرفض ماريد اكسر اخويه
زياد- صار بيني وبين دلال تلفونات اتصلت بيه بموضوع ادخال الاخشاب الى منطقه الدور وممنوع بيها دخول ونقل الاغراض مال البيت السيطره متدخلها اخذت موافقه ودخلوها. المرايه علكتها بغرفتي البنيه انعجنت بكلبي فاتحت امي بالموضوع فاروق انتفض كال مو ثوبنا بنص الزلم وتشتغل بزنس ومن بعدلنا احنا بنات بيت وكوه لازميهم انقهرت من كلامه رغم هالشي كلامه عين الصح. سكتت كلت اصبر واشوف اني البنيه لحد هسه ممفاتحها بالموضوع بس حيل عاجبتني نزلت من الخفر رحتلها كبل جانت غايبه مريضه سالت ابو فراس شبيها مريضه كال واكع خشب على رجلها وورامه تخبلت. اتصلت بيها مترد بقه بالي يمها
