ايناس- رجعت للبيت صايره اعصاب ماما تلكتني ضربتلها الابره وضليت الوب ردته يخابر اتعارك وياه واسد التلفون بوجهه اريد احس بحبه ماريد بس حجي لسان انتضر انتضر وماكو لزمت التلفون دكيتله مغلق خرب ورجعت باوعت عالنت غير متصل ادري وين رايح لعرعر. صفنت تذكرت تلفون اياد المتفلش هو خاف تلفونه تفلش مو تلفون اياد لا بس شفته اتصل بي كدامي كعدت لزمت راسي احس روحي بدوامه نضرات اياد الرجفت كلبي خوف وتناقض ياسر هفففف شجابني وحبيت من ساعه السوده دك التلفون ياسر اخيرا لزمته ارد لالا خلي اشلع كلبه وصلت لاخر دكه اني انشلع كلبي مو هو ركضت رديت الو
حبيبي
ماحاجيك ولتخابر بعد
ليش هو اني اكدر مااسمع صوتج
ليش هيج هي هاي شوفتك كل مره هيج ثواني وبالتلفون غير شي
مااكدر شسوي ايناس المغرب اخابرج عدي حجي وياج مهم
انتضرك اوك
باي حبيبي حروح للاسواق وماعدي نت اليوم
ليش
مووو نهايه شهر ومحدق
ها يله اوك
باي
هلاو سديته ها خاتون احاجي روحي وينه عراكج وصياحج بس سمعتي صوته رخيتي نمت حسيت العصر بينما نضفت وكملت شغلي صارت مغربيه متصل العينتين متصل متصل باعي يطبني مرض
اياد-اول موثلت اخذت تلفون امي خليت سيم كرتي بي وخابرتها، اليوم لازم كلشي ينكشف تعبت هاهي بعد بلغتها بموعد مكالمتي بين مايتصلح الفون طلعت للاسواق ساعه واتصل بيه زياد عالتلفون مال اسواق
شكوو
تعال للبيت ابويه متخربط
شنو لك شبي عزه بعينك
اني شنو صاعد الضغط ووكع يله حتى ناخذه بسياره فاروق فضها
جاي مرلي للاسواق
ماشي
اياد- ضليت صافن ابويه بحياته مشكه من وجع شجاه تذكرت شيشه العمبه الجبتها البارحه اكيد طيرها وي البيض المسلوك الصبح خرب اجاني زياد صعدت الوالد وجهه دم وبحضن اني ليوره وامي خايفه تردد ايات قرانيه سكتت كلشي محجيت وصلنا المستشفى الكندي وكض ركض كشف عليه الدكتور ضغطه معلك باوعتله يباوع لامي وينصي امي خازرته غير اعرف شماخذ زياد ضحك وطلع طلعت وراه
شكو
ولك ابوك مااعرف شماخذ متشوف امك تخزر بي صايرلي شاب خرب حضي
لالا ابويه ماعده هالسوالف
ولك همه هالعمر يكوم يدور يريد يحس روحه شاب
عزه صدك وانه اللي كنت فاكرك عاقل هههه
انجب عاد ههه خرب
بقينا. بالمستشفى تخطيط قلب وتحاليل يووووه تجييك كامل نسيت ارنوبتي والوكت مشه بسع حتى مباوعت لساعتي
ايناس- تخربطت امي صعد السكروركضنا بيها لمستشفى الجادريه دزونا لمستشفى الكندي لان بيها تخطيط رباعي رحت وي خالي وامي امي حالتها هالايام تخوفني دائما اني بقلق من فقدانها بس الله اليستر وصلنا الكندي وسوولها فحص طلع السكر ضارب عدها تك من الكلى نيموها مستشفى لحد ما يستقر السكر لل9 يله استقر كعدت عالكراسي البره وكعت من التعب تذكرت ياسر لزمت التلفون دكيتله دك دك ماكو كمت افتر بالممرات وادك سمعت رنه تلفون صفنت التفتت وين هاي على واحد من الكراسي تقربت اكو جاكيته نيلي وماكو احد يمها سكت وي سكتته رنه طلبي رجعت دكيت ومشيت كلت عيب اذا شافني صاحبها شيكول دتبوك الفون توني ادك ورجع التلفون دك سديته راسن ورجعت دكيت رجع دك شنو ياسر هنا رحت للجاكيت لزمته اجه شاب سريع دياخذ الجاكيت باوعلي تفضلي
ها لا هيج بس هذا تلفون من. بلعت ريك
زياد- خزرتها عليمن جتي عالضابط هههه الجاكيته مالتي والتلفون البيها المن تتوقعين احتمال الج
بقيت صافنه بوجهه رجعت دكيت اثبتله تصرفي رجع دك التلفون عكد حاجبه طلع من الجيب قره ارنوبتي كالها بصوت عالي مستغرب
هاي اني انت منو
هذا تلفون اخويه
انت اخو ياسر
لا اني صفنت فتحت عيني فهمت كلشي ورايه صوت اياد. هااا عيني صار ساعتين دتجيب جاكيته مو كتلك اني اجيبها. ايناس!!!!!!
ايناس- اياد!فكيت عيني هذا تلفون--- افترت بيه الدنيا كل موقف كل نضره وكل كلمه تشابه الاصوات اختلاف وتناقض ياسر فهمت كلشي لزمت الكرسي اياد صافن نطهرالجاكيته لاخو
اياد- زياد اخذ ابويه وروح اني شوي واجيكم اباوعلها تتنفس سريع حسيت روحي بردت دااحس وكفت الدنيا ووحدنا بالعالم
زياد- باوعتله وجهه انخطف البنيه. راح تتخربط خليت ايدي على كتفه نصه راسه عفتهم وطلعت خرب بلشتك شسويت بيها خ
اياد- بقيت واكف كعدت هي عالكراسي منصيه وبيدها التلفون ترجف ايدها شحجي شكول بقيت ساكت بس كلبي حيوكف شنو حتسوي حتتركني مااعرف اعتذر مااعرف اكوللها احبج ماادري شسوي. بس ردتها تحجي تعاتب تسب بس تطلع من الصدمه وكفت بصعوبه متباوعلي احس تلملم شتات روحها مشت كم خطوه سريعه وكفت ضهرها عليه ورجعت كملت طريقها مشيت وراها همست ايناس ايناس بس باعيني مترد ارنوبتي وكفت ومدارت وجهها افتريت داير مدايرها باوعت بعينها صارت حمر ومدمعه كلش جسمها يرجف دمعت عيني بلعت ريك ماكو شي اكدر اكوله مكدرت انطق نصيت قطره دم مضلت بوجهي وطيتها مجال تعدتني ومشت كعدت عالكراسي ساعه وحدي بس صافن بجهازي كمت احس عضمي يوجعني ورجفه بضلوعي وكفت اريد امشي مااكدر كوه وصلت الباب وكفت تكسي وطلعت لبيتنا الطريق كله احس طابوكه على صدري اسمع صوت النفس من يطب ويطلع بصعوبه ابو التكسي انتبه باوع بوجهي دموعي كامت تنزل.
ابني بيك شي لو فاقد انسان عزيز عليك بالمستشفى
نصيت راسي كحيت وي الكحه شهكه مسحت دموعي شكد خطت وخربطت بس مو هيج مو هيج كمت اكل بروحي تكطعت وصلت للباب وكعت عذاب الضمير وعذاب فقدانها دمرني مدااكدر بعد طبيت لباب المطبخ تلكاني زياد وكعت بعد اخر شي اتذكره ركض عليه زياد حسيت بروحي بردان باوعت الساعه ب3يمكن الفجر يمكن الضهر مااعرف باوعت عالتلفون لا رساله لا رنه وتريد تدكلك جماله هاي ب3 الفجر جسمي يرجف البطانيه عالكنتور بجيسها اريد اوكف اجيبها مااكدر ميت برد اذا اني هيج هي شنو حالها لعد الله ياخذني اخ يمممه يمممه كمت اصيح فاقد بعلو صوتي سمعت نزله درج سريعه
ها يوم شبيك
بردان بردان مدااكدر غطيني
تقربت خلت ايدها على كصتي يمه انت نار شغطيك هسه تنشمر
صحت بعلو حسي داكووولج غطيييني
فاروق- شكو هاي شبي هذا. شبيك اياد
اياد- ماادري مادري بردان بس غطوني واطللعوو
زياد- توني راجع من مناوبتي واسمع صياحه جنت حاسس حيتمرض تعلق بيها كلش طبيت ركض للبيت ها شبي
ام فاروق- مصخن ويصيح غطوني
اياد- حسيت روحي انرفعت فتحت عيني فاروق تك ايد شالني وسندني على كتفه وركض زياد على كتفي الثاني وصلوني للمغسل نصه راسي فاروق وبده يغسسلي واني وي المي دموعي تجري احس تجوي والنار تاكل بيه عساني بابو. زايد بس ردت اعرف شونها حموت واعرف اخبارها واذا زينه والله ارتاح نزل راسي للمغسل همس لزياد
شبي اخوك لك
مااعرف
من اجه من المستشفى طب لغرفته مطلع بعد
مااعرف
متعرف مو بسيطه بسيطه
اياد- نشفلي ورفع ايده جر السويج باوع لامي اني صافن بالوجوه بين الحاس وبين مثل الحلم زياد يباوع بعيني بالم نصيت راسي لتلوم بيه ياخويه مو راح اموت والله
فاروق- يوم حروح للصيذليه الخافره
يمه ب3ونص
ميهم هذا صخونته معلكه متفك اذا مو ابره ها روح يمه الله وياك الله يحفضك ريناد
ها فاروق
قمصلتي معلكه شمريلياها
اي هسه
بسسسع
اي اي ركضت نطيتهيا اباوع لاياد كوه واكف برطمت بحياتي مشفته بهالضعف ميكدر يمشي سنده زياد وبعده ببدله العمل وصله لفراشه باوعتله من الباب
زياد- رنود فدوه كلاص جاي مسطور واخوج يرادله واحد يسهر وياه
اياد- روح نام خويه جاي من الشغل مبيه شي بس غطوني حموت بردد
زياد- يابه موزين ليش تلح ريناد جيبي عبايه امي خل اغطي بيها
اياد- خررب
ريناد- باوعت بعينه باوعلي ودار وجهه شبي هذا باوعت لزياد دمعت عيني زياد عفيه شبي اياد
مبي شي حبيبي شويه مريض مخررربط بحياته شون واحد يخربط بالاكل
درت وجهي عنهم صدك وجعني كلبي كمت ابجي اني من جنت طفل نادرا ماابجي بجيت غطيت راسي بالعباه مال امي وغفيت سمعت اصوات مثل الصدى جكه خفيفه مال ابره بس شبه الفاقد واتمنى ابقه هيج ماريد اصحى بنومتي وحلمت روحي بحضنها نايم مشيت راسي يم ركبتها اتنفس عطرها تتلمس بشعري وتكولي بهداوه كلشي يهون حبيبي كلشي يهون اخ ربي ماريد اكعد هايداني صدك بحضنج نايم باوعت بعينها تباوعلي بحب الي مو لياسر الي هالمره النضره تطابقت صوت وصوره ضغطت راسي بحضنها حضنتني قوي حسيت فتحت عيني اني صدك بحضن رفعت راسي هاي امي تمسد وتقره عليه مدمعه عينها صدك جان بيها من حنان الام جانت حنينه مثل امي --- يوم همست
ها يوم
تعبتج البارحه
يمه انتو تعبكم راحه الي بس ماشوف بيكم شر
باستني من كصتي باوعتلي شبيك منو الكاسر كلبك
لا يوم مابيه
يمه وكعتك ممال صدمه اني مو بنت البارحه
لا يمه ليضل بالج. اباوع روحي غادي فطيسه ريحه وعرك ودبك ردت اكعد مكدرت مدااكدر اتوازن
ابدلك اني يمه
لالا عوفيني زياد وين
هسه راح يجيب المسواك ويجي الله يحفضكم ---------
يتبع
يا
