طلعت من الباب مال غرفه سمعتها گامت تبجي ضهري عليها ووكفت لابيه ارجع احضنها دموعها غاليه ولابيه ارجع لان السوته حرك دمي كملت مشيتي دااطلع صاح فاروق
ايااااد
رفعت راسي فاروق بالبلكون مال غرفته صاح
وينن
طالع درت وجهي اطلع فتحت باب الحوش
اوگفلي جاي وياك
طلعت اتمشى مرديت كملت الفرع احس دگات گلبي مخربطه ليش هيج تعاملني شبيها تخبلت وصلت لراس الفرع فاروق صاه بصفي
تعال اصعد تعال صايرلي ابوبيت
اريد اتمشى
اصعد لتكفرنيييي منا العالم
صعدت وادردم باوع بوجهي بعتب مباوعتله درت وجهي عالصفحه اللخ طلع بالسياره وصلنا الجادريه ركن السياره
انزل خل نشوف سالفتك
اني يايوم مسولف وياك
اكولك شو متفرعن
فاروق اطلع من مخي
لك انت لك تقربت جريت ياخته ولك يايوم معلي صوتك عليه اني اخوك الجبير
نصيت راسي بعد حتى اخلاقي تبدلت سبحان الله
هااا صار باضافيرك ملح مووو تريشت الاف دولار حولن عينك من طاح الفلس اي والله
بقيت منصي هد ياختي بدفعه لصدري رجعت ليوره بقيت منصي مشه خطوتين بعصبيه الشارع فارغ ارتفاع منحدر الجادريه اذا تنزله توصل المي سيارات تفوت من يمنا بسرعه. انقهرت من نفسي. تقدمت ناطيني ضهره. وكفت وراه بقه ساكت --- ليش لحكتني اندار عليه باوعني رافع حاجبه
ابقى وحدك واني اعتذر عفته ومشيت
فاروق اوگف لحضه
وكفت باوعتله شبيك
لتروح اسف
اياد متغير تدري لو لا
تعبان
لا بالعكس مرتاح من ارتاحيت تغيرت احنا ناس متلوكلنا الراحه
باوعتله ممقتنع ممفتهم قصده درت وجهي عالمي
متگلي شبيك انگلبت وياها مصارلكم 4شهور بردت
اني بردت هالطلعات والطبات وبين يوم ويوم بيت اهلها وجيب وودي تغيرت ابتسمت انت متدري بشي فاروق تطلع الفجر وترجع بليل
اني الادريدبكلشي احس من نضره عينها الكلها قلق گبل جنت ارجع تصدك تمسح الطباخ وتبتسم. وحدها كلها فرح هسه عبالك بس خايفه وتفكر وتصفن
اي لانه اكو نسوان ويايه بالشغل واني حاجيلها عن سوالفي قبل هاي كل المساله تشك بيه
تتدري شون حلو جان صوت ضحككم الفجريه من جنت تداوم بالشورجه سوالفكم وضحكم وغزلكم هسه بس ساكتين انت عينك بتلفونك وهي تنگ
ماادري شسويلها بعد ماادري
راجع روحك وشوف التقصير وين اياد انت نفسك تغيرت ومحاس على روحك تره ارجع حسيها انك محتاجها وانك متكدر دونها لو تعرف من تكولك اروح لاهلي كولها لا مشتاقلج او تعاي كعدي هنا كدامي اليوم بالشغل اشتاقيتلج هواي جان شفت شون صارت محبس بيدك تره النسوان عقلهم هلكدوته تقشمرهم بكلمتين وايناس فاقده اب وانت عوضتها كلشي تخاف لا تفقدك سكتت اباوعله صافن بغضب
هي شسوت يستاهل كل هالصياح منك
مسوت شي تنهدت بداخلي اتخبل واحد يتدخل بحياتي
زين مسوت شي بهل الحاله شون حتتصرف
شتصرف فاروق عود باجر اطلعها واسد الموضوع
خويه اذا غلطانه عاقبها حتى تعرف غلطها اهجرها يومين بعد متعيدها ايناس تتنفسك مو تحبك بعدها فد ورده ورساله عتب وبعد الصار ميتكرر اعرف شون تقود السفينه باجر يصير عدكم جهال تكضوها مصايح وبجي
صفنت عليه ابتسمت فاروق ليش متتزوج
هه من تعيش العشته انت بذاك الوكت اتزوج
ومنين تلكه بنيه اذا انت من الصبح لليل وي الزلم ومتشوف بنات دك تلفونه رساله
تنهدت الله كريم طلعت تلفوني رساله عالشبكه دره -- اكدر احاجيك مخنوكه. من يصيرلك مجال دكلي مسنجر باوعت لاياد باوع للجهاز ضميته جريت نفس مبتسم صار سبوعين مداخل حاجي وياهاانتضر هي التدخل وهسه يله دخلت --- يله نروح
- اريد ابقى شوي هنا
- اياد الوضع مو زين كوم وتعوذ من الشيطان
فاروق چني كبرت وكمت اكسر كلمتك
صرت رجال وتزوجت وطلعت من حصني باوعت بعينه طول عمري واحسك ابني بس من تزوجت وتعينت صرت مسوول عن عائله هاهي بعد
اني كلش احبها بس دتعبني نصيت راسي يعني من توضفت لحد هسه كلسا مخابرتتي خو اذا سمعت صوت بنيه تنكلب عزه عليه
ميخالف امنها تخاف تخسرك
احجي وميفيد
لا يفيد صدك يفيد كوم كوم. خل نروح اكلني البك
ههه يله كوم باوعت بعينه اريد اشتري سياره بالاقساط
هاي شلك بيها سيارتي مو كدامك لو مو من مستواك حضره المهندس
لا والله بس اريد خاصه بيه
شراح تاخذ
النترا موديل العام رادوها. 15000
زين اقساطه
اي
نضيفه شكد ماشيه محوره
لالا كلها توب باجر تجي نشوفها
هاي هي نروح شكو منها ابتسمت ضربته على كتغجفه متخلي كرسي طفل بيها ليوره ههه
الله يسمع منك اقلها تلتهي عني
ولك دير بالك عليها عافت امها وجتي لبيتك
الله كريم ويهديها عليه
انشاء الله هه يله كوم حيطلعها مخبله
هه كمت وياه رجعت للبيت ب10طبيت ريناد وامي بالمطبخ --- هاي يمه شونج
هله يمه
تباوعلي بحيره وقلق -- شبيججج شكو مخروعه
ها لا بس خوماكو شي
لا عادي مجنتو تتعاركون انتو وابويه
ابوك فدوه لعينه وين اكو منه جننه زياد الا انتو طالعين على خوالكم
فاروق- ها حجيه كلبتي عليه تره باجر واحد بالشهر
لا يمه انت وين اكو منك
ههههاي بداله وعلي
اياد- ضليت اسولف واضحك وي اهلي وروحي تلوب عليها باوعت لريناد غمزتلها روحي شوفيها نايمه اذا كاعده كوليلها تعاي طلعي نتعشى بس انت دتكولين مو اني لج املخج
اي اي والله ههه يمه الحب
امشي لللج بعدلي الممفكسين من البيضه
اي طبيت للغرفه ضلمه تقربت من الفراش سمعتها تبجي شغلت التيبل لامب انوسي
عفيه ريناد عوفيني
ولج كومي فاروق جايب كباب وكال كعديها لتكسرين بخاطر اخوج
اياد اجه
اي بره ديسولف وي امي ويضحك
ها كاللكم شي
لا ليش شكو سويت روحي غشيمه وعساس كلشي مسامعين من صيا حهم وكفت جرت دشداشتها وعدلت روحها وطلعت غسلت وجهه وراحت للمطبخ
اياد- طبت للمطبخ وگف كلبي خرب شكد احبها باوعت لعينها مورمه حيل شون افوت اصالحها لا خليها السوته عيب النوب كلسا واحد داك ويكولي داك عليه وساده ليش واكوله بالغلط شكوله مرتي دتسمع صوتك دتسوي ذه فويس من خرب ساعتي السوده اي والله
ايناس- طبيت خجلانه باوعتلي خاله كالت
تعاي يمه هاي فاروق جاب كباب دجاج كال تحبه انوسه
فاروق- ها ايناس يابه تباوكنا امي كالت ركبتي الغده وجان فد شي رهيب البارحه واليوم اني عازمج على عشه موتحبين الكباب مال دجاج جبتلج احجي وعينها على امي وريناد التفتت عليه فتحت عيني عيونها مورمه وحمر --- هاي شبيها عينج درت وجهي على اياد خزرته توقعت ضاربها رحعت باوعتلها كالت هيج شوي حساسيه عدي عاشت ايدك عالكباب
احجي وكلسا اباوع لصفحه اياد من دون ماباوع بوجهه خجلانه من روحي ومن السويته رجلي يحبني ليش اخلي الماضي ياثر ليش هلكد الغيره غيرتني ليش خايفه منه اوف ربي كون بس اني ويا بكوكب وحدنا كعدنا ناكل كعدت بصف ريتاد وبصفي عمتي وعمي والولد كبالنا ميباوعلي ابد اكل وكلسا فاروق شامر كبابايه مدري شبي نازله الحنيه عليه اليوم كملنا وكمنا لملمت همه ضلو يسولفون طبيت سبحت ومكيجت لازم اوخر الخوف والقلق تعبت بدلت دشداشه مشلحه لا هي ثوب ولا هي ملابس نوم شلت شعري وبقيت انتضره واكلب بالتلفون
فاروق- داسولف اني وابويه واياد باوعتها فتحت هالوكت كله مراقب فيسها بس تفتح اصعد فوك هيج مقرر وفعلا اشتغل الضوه --- يله يابه تصبحون على خير باوعت ساعه 11ونص طبيت للغرفه دزيت رساله --- دره
شوي وردت
نعم
راح اخابر
اي خابر
ابتسمت گلبي طار. شنو الديصير مااعرف حرب محارب روحي ماادخل الا هي تدخل لحد ما تعبت واليوم دزت رساله الحمد لله دكيت. ردت بالو تعبانه
الو
هلو شونك
شنو مريظه
جج لا مبي شي
خوش تنهدت شونج
زينه
شو مكطوعه ولا تسالين
موجوده والله بس مشغوله داادرس ماجستير
مممم عاشت ايدج زين الماجستير يخنك
ههه لا والله بس ضوجه
واحد كلج اني ساجد عبيد
هههههه خرب شفت ليش دكيتلك لان بس انت تضحكني
بابا خابري خطيبج يونسج
اهو باي
هاي شنو بله شنو احجي وي زعطوطه اني
اعتذر
عفيه بنيتي هه هسه كوليلي شبيج
مابيه شي شوي تلاغيت وي بابا.
ليش اكدر اعرف
لا
اوك. اي سولفيلي شكو مامو شون الكليه شون الحاتات شون الصاكين
ههه فارغين كلمن لازم كبل وديجذب عليها
ههههه اي وانتي المن لازمه
مكابله الكافتريا واكل
اهاااا عاشت ايدج ام خدود
اذا تشوفني تخترع صايره مو خدود صايره صمونه مهربائيه منهاي الدبل المدوره
ههههه الشبه قاتل شو دزيلي صورتج
لا شدز
بداخلي كلتها بعفويه بس جنت مشتاق اشوفها من صدك
داريد اشوفج شون صايره
ههه اوكف خل اشوف اخر صوره
طكي هسه
مبيه حيل البس حجاب هاي لكيت وحده دزيتها بعدين من تسده شوفها بس اذا قلدت يافاروق لا اكلبلك الدنيا
هههه لا احاول اسكت اي امج شونها
زينه تنهدت
اخوج
كلهم زينين يمعود
انتي شونج همست
سكتت
مشتاق لسوالفج بس اخجل ادخل كلت هي التدخل ماريد افرض روحي عليها
استحيت اطب حتى اسلم كلت شتكول عليه
لو شمتسوين شايفج نجمه واخلاقج عاليه ومتغلطين الا نادرا
اشكرك
سكتت ليش مخنوكه من. مضايقج
ماريداحجي
اوك براحتج بس ممكن اعرف ليش متحجين
ماريد اسرار بيت
ممم يعني لو بت عمتج جنتنا جان حجيتي صح
سكتت
اني مااعير احد تره واسرارج اسراري سمعت جرت نفس دتسوين
اني دااحاجيك
ضليت صافن مصدوم انتي تدخنين ولج
شنو لا
سكتت وسكتت هي هم
باي فاروق
وين
اناام تعبانه
تشربين جكاير مو كلتها بهمس
بقيت ساكته
تدرين احلى شي بيج شنو
بقيت ساكته مرديت
متعرفين تكذبين ومتردين هم الغلط ممنوع بقت ساكته احس تبجي بس بهدوء
دره دتبجين
جج
دااحس بيج همست ورثت جكاره وجريت نفس اخذي راحتج دخني براحتج لتضمين الصوت متحسين بيها تره ومتفتهمين شي منها سمعتها جرت نفس طويل وذبته
رووووح بطله هه من شوكت
العام ذبيت التفس
ممم جيد منو علمج
بقيت ساكته
احجي همست
صديقتي بالجامعه تنهدت
ليش خليتي روحج بهالموقف
اني من اول تعجبني بس اخاف اجربها بس من جتي يمي هي البنيه محجبه وخلوقه بس عائلتها كلها تدخن اخذت منها وحده جربتها كلش حبيتها مره عن مره كمت ادخن باليوم 4--5. ومن انقهر يحترك الباكيت
الللله ولج موزين عليج
لا عليه ولا عليك زين اني عالمزاج واذا تريد تكول موخوش بنيه وتدخن اكو هواي بنات ميدخنن وصيتهم واصل للمشتل فالتدخين ماضر بي غير روحي وحاله حال الملح الزايد والشكر الزايد هو الشي المونسني
ههه مقتنعه بي
تقريبا
ممم شوكت تدخنين جريت نفس وطفيت الجكاره
بليل بغرفتي من اسمع اغااني هادئه انسى كلشي المتورطه بي
ها ههه بيش متورطه. ولج شمسويه بعد تشمين تشريين
لا ههه بس هواي شغلات اتمنى اصححها بس مدترهم تصلح والضاهر حعم على روحي اذا مصلحتها
مثليش
مثلا خطوبتي صار سنه ونص من شخص مااعرف حاضره من ماضيه كل ماهنالك هو صديق اخويه وعايش بره وثانيا انصياعي لامي بكامل قوايه عبالك مسويتلي سحر شتكولي وكلت صار اخ يابه
كملي بعدت النفاضه كتلتني ريحه الكطوف
شنو هالصوت
النفاضه هه كملي
اي هاهي ويمكن انت صرت واحد من هالشغلات. اللي ماحب وجودها بحياتي
هاه انتي بس دتدخنين لو تشربين هم شو كمتي تجوتين
فاروق اني ماحب اغلط وهال3اغلاط بحياتي مدااكدر اطلع منها انت وامي وانس
بقيت ساكت
انت اكبر غلطه
اني شمسويلج لج لتخليني اضربج بلوك مو خربطتي الصوره الراسمها عنج كعدت عدل انتر بيها مزعوج من كلامها والشغلات العرفتها عنها
اني كلما اختنك اتذكرك احس انت المتنفس اللي ينسيني همي
سكتت بلعت ريك
لتتوقع وحدك تنتضر شوكت تدز رساله اني هم داانتضر
بقيت ساكت.
انت غريب ونادر واحس تفهمني
مممم وانتي هم تفتهميني
بس اني ماريد احاجيك بعد
ليش
لان حجيب حجايه لبت عمتي اولا وثانيا اني مخطوبه اختنكت بعبرتي سكتت
بقيت ساكت صرت متاكد دتبجي نزلت جسمي للفراش اسمعها سكتت
الو
وياج همست
هاي اخر مره نحجي وبعد لتدخل ولا تعلق ولا تنطي لايك لاي منشور لان ادور اسمك بين الاسماء
سكتت غمضت عيني
احجي
ليش جابره روحج خليتا اصدقاء
مجتمعنا شرقي ميتقبل هالشي
ممم بس مدنحجي شي غلط داحاجيج مثل مدااحاجي انوسه وريناد ذبيت نفس احاول اقنع روحي
حشاك من الغلط انت بس ماريد باجر عكبه تعير ايناس
لا لتخافين قاطعتها النحجي اني وياج سر وراح اعتبرج صديقي
اوك وراح اعتبرك روح تاخذ كلامي وفضفضتي وتطير
مممم حلو ههههه
سكتت
كم وحده كملتي لحد هسه
ههههه3
يله طكي الرابعه ويايه
اوك ههههه
تفتحين فديو
لااا باوع فاروق لتتماده ولتنطيني مجال الله يخليك اني ماريد اتندم على صداقتنا
مراح اخليج تندمين ماشي يله طكيها
طكيت الجداحه صاح عفييه وضحك جريت نفس وذبيته
اشهككككك
ههههههه خرب بببليسك
مصدوم اني مصدوم
اسكت وعوفني اخذ راحتي
اخذيها عمي والله اخر وحده اتوقها انتي
اهووو عبالك داسوي شي ينزل راس ابويه هي اربعه
وبالحمام
لا ليش بغرفتي
منصيوده فد يوم
لالا ابد اكولك الريحه اشتري ارقى نوعيه حتى اعطر الغرفه من اطلع محد يشم ريحتها
ههههاي قويه بيش تشتريها الريحه
ب50والله
لا يا كمش شسمها هاي
شانيل اسود
مممم ذواقه بت الخوش ابو
ههه بيش تبيعوها
20جملتها بس انتو تحبون القط
اريد عفيه تره بالجعبيه ههههه
الج لو للحيطان
هههههاي والله تصنيف انت
اشكرج هههه محجيتيلي ليش مخنوكه
تعاركت وي بابا وماما
ليش لج
ورطوني فاروق تورطت علمود همه هم يطلعون ويايه.
زين ارفضي
اني اذا طلعت فيزتي وسافرت اسهل سحبهم لان اني واخويه هناك عدنا الجنسيه
هاااا
اي علمود هالشي
زين ابوج ليش يريد يطلع
بابا من زمان بس علمود عمتي باقي هسه فد سنتين عمتي الصغيره رجلها حيسافر للصين يكمل دراسته تكعد يم عمه ام ايناس. ونشوف بعد
زين وانتي
هاي اني يوميه متعاركه وامي بس تحجي اقتنع مو اصعد فوك نار وتشب بيه واضل اسب بروحي
الله يساعدج ----دتداومين بالكليه
اي
ياكليه
المستنصريه باب المعضم بس مو يوميه بس كم يوم بالاسبوع
هممم مسائي
لا يابه من ال11ا جع فد ب2ونصهيج
هاا
اي شخبار نوسه
نوسه هه زينه زينه
هااا شكو
اسكتي احجي بس تبقى سر واذا حجيتي تلكين نفسج منشوره بصفحه حوادث العراق
ههههه لا مااحجي والله
اليوم تعاركو ووصل صوتهم للشارع
لا بالله تخزينا خزتنا وعلي
اسكتي وطلع اياد فاير وركع البلب وطلع لحكته وحاجيته ورجع بعد مااعرف همه ديسوون ههه
ليش شنو المشكله
والله حاولت اعرف بس اياد ميحب احد يتدخل بحياته وصاير ينتر ويعاند كبر حتى عليه الوضيفه كبرته
صدك لا مستحيل اياد عينه شبعانه
باعي الوضيفه اني اعرفها هناك النسوان يذبون نفسهم عالرجال ويضلون يشوفوا انهم متعجبين عليه انه هو خارق يكوم بله ميحس يشوف روحه
انت صح كلامك تدري زوج صديقتي نفس الشي عانت مننه
اي مو داكولج تنهدت
فاروق ليش ماعدك اصدقاء حتى بالفيس بس عشبرتك
اخاف من الغرب واضوج اختلط لان اذا جفص يمكن اموته بس الاعرفه زين احاجي اعرف هذا معدل يحجي بوزن مو يخربط
صح حلو تفكيرك
واني نعست
واني هم صارت ب2تره
عزه الوكت يركض وياج بقالي بس 3ساعات روحي خل انام
تصبح على خير
هلاو باجر نتخابر لو
خليها هي شون متصير خل تصيرمن نتواعد تصير موحلوه
ههه صح يله باي
باي ----
يتبع
------
