اياد- للمغرب اخذت ارنوبه ورحت لاهلي اودعهم زيودي لخد هسه ميدري هذا كلبه رهيف مو مال اكوله بالتلفون وصلت وطبيت وارنوبه ورايه --- شنو مامو احد
خاف طالعين
يووووم
ريناد- هلوووو ماكو احد ماما وبابا راحو بيت عمو محمد جاي من العمره
اياد- شوهدا كل يوم رايح لبيت الله تعاي فد بوسه بستهامن راسها تخجل هي التقترب ريناد من اولها بعيده عني فاروق شكد قاسي ويانا بس وياها غير وزياد مطعجها واني اخاف ادلل بنيه المهم بوست نوسه
ايناس- شونج رنوده
زينه انتي شونج خاله
الحمد لله زينين اكولج تجين ويايه للسوك
لالا ماما عاجنه لفه خميره تريد اسويها
ديله لعد اياد حروح حبيبي
تعاي ماهذتيدفلوس
لالا اخذت منك تكفيني حبيبي
ريناد- باعي جيبي وياج سمسم بالف ميكفي هذا
ايناس- بعيني سوي ام الضفيره ههه
تدللي يله بسع حتى نلحك نسولف
اياد- فاروق وين
ريناد- فوك نايم
اياد- خل اصعدله حضري چاي
ريناد- اوك.
اياد- صعدت فوك دكيت الباب العينتين سفري نايم. بالشورت لك فارررروق
مسحت وجهي هاا جيت
اي لك عيني كوم فضها
روح جوه جيتك
ديله هههه انتضرك
دولي عاد
نزلت شوي ونزل جنت داخابر زياد
الو ها زياد شونك وين انت مو كتلك اريدك بسالفه لتتاخر الا اقسملك
شكو شبيك قلقتني
لتقلق عيني فضها تعال لتتاخر
جايك والله جايك كول لامي تحضر غده جوعان
طول عمرك. الاكل وين ديروح ماادري
هههه دفتحلي باب البيت اني بالباب ومدتنفتح
جيتك باوعت لريناد امي شمسويه غده هذا جاي جوعان
ريناد- تمن عدس ولبن هسه يكيف يموت عليه
هزيت راسي دحني بين مايغسل ساعه
صار
طب زياد ويدردم خبصتني شبيك
دمشي. بداخلي هسه من تعرف تكوم تكمز طب سبح ونزل واني وفاروق بالمطبخ نسولف نزل اكل بسع واجه يمنا بالهول اللي بصف المطبخ
زياد- رنوده جايات تره من الصبح مشارب
ريناد- بعيني بس تستوي لفه الخميره حتى وياها
ايييي عاشت ايدج فدوه للبنات
ريناد- ههه --- احس لمتهم بيها شي توتر اياد وعيون فاروق القلقه وداز على زياد مستعجل الله يستر ممرتاحين مبين عليهم كعدو سوه واني داحضر صينيه الجاي خليت ماعون اللفه خميره والجايات تقربت اقدمها
اياد- باوع زياد تره اني باجر طالع لاسطنبول
زياد- هاااا شعدك ولك
اياد- تنهدت باوعت لفاروق من الاخير ياسر مريض وعده عمليه خطره
زياد- شنووو
ريناد- حسيت نفسي اختنكت ياسر ياسر لو غيره احجي بداخلي
اياد- ورم عالمراره وخايفين لينفجر العمليه خطره الله يستر. منها
زياد- صخام
ريناد- اني هنا مكدرت اسيطر على ايدي منصيه اقدم الجاي توه اياد يمد ايده وكعت الصينيه من ايده من الرجفه يا الله بس لا يموت يارب دخيلك من وكعت الصينيه مسيطرت حتى على دموعي عيون اياد الخزرتني وكفت رجعت خطوتين غمضت عيني
اياد- جنت شاك بس هسه جزمت والا ليش يتقدم 4مرات واكوله ابن خالي رايدها ومجلب غير اكو وصل من اختي --- حسالج مرره مررره وحدهً وكفت بوكفتي زياد وكف بصفها غمضت عينها راح اسالج وتردين واذا كذبتي متدرين شيصير بيج --- عدج شي وي ياسر
ريناد- نصيت راسي والنوع كامت تنزل
اياد- جااايج للكليه انتي متطلعين غير مكان احججججججي صحت
ريناد- فزيت وبعدني مغمضه هزيت راسي اي
اياد- مديت ايدي اضربها فقدت لزم ايدي زياد
زياد- اياد عوفها اخل نفهم يله تضربها ريناد شعدح وياه
ريناد- والله بس مرتين جاي وكف دقيقه حجه سلم وراح احجي وابجي خايفه عليه
اياد- شفتتتتتتت مو عرفت اني عرفت لو ما عده شي وياها ميجلب
فاروق- دتكلك مرتين مسلم ورايح امشي لللج فوتي لغرفتج لا اطب املخج هسه
اياد - تعاي تعااي تلفونج وين
ريناد- هياته وراك عالشحن
جريته اكلب بي فلسته تفلس واهز برجلي ولا مره مراقب فونها وهاي اول مره ادور وراها كلبت مامو شي ذبيته فركت وجهي
فاروق- امشييي جوووه--- قصدا قسيت عليها كدامه لاياد حتى يبرد لان صار نار
ريناد- طبيت ركض وقفلت الباب انهار يت ابجي
اياد- كعدت واعصابي ترجف اباوع للولد فاروق منصي يلعب بشاربه زياد يباوعلي ويكسر
تره ماعدها شي اني واثق منها وكل فتره رايح لجامعتها سائل عليها وكلها تحمد بيها حتى اساتذتها
اياد- تنهدت الخايس رايح من ورايه على اختي
زياد- الولدمسوه شي رايح سائل عليها تلكاه حتى يحددمصيره ومستقبله يله تقدم
اياد- بقيت صافن اتذكر كل المواقف اللي جمعته بيها لو اني بمكانه هم اروح اسال هيج وبالقليل اسلم عليها اذا شفتها بس نار بكلبي مداطفى والاكثر منهذا خاف يموت وتضل حسرته بيها
فاروق- يابه روح باجر وشوفه لتعوفه تره صديق عمرك وابوه مدام خابرك اكيد سامع منه شي عنك خلاه يتصل
اياد- هزيت راسي موافقه نوعا ما ندمت لان موافقت عليه بس شي صار بعد اجوي اهلي ودعتهم وطلعت لبيت اهل انوسه بقيت الليل كله كاعد وافكر معقوله ريناد تكذب عليه لامستحيل وهو ياسر ممعقوله حياذي عرضي ويتقرب منها. استغفر الله باوعت لايناس شون حتركها اسبوعين. حيضل نص روحي هنا نص هناك ورجعت افكر بريناد شون ضلت تشهك من سمعت بي مريض غمضت عيني اباوع عالساعه ب2 ضليت العب بشعر ايناس خايف عليها كلبي خاف تتخربط بس اذا مرحت حتضل حسره بيه اذا صار بي شي. جريت الفون دكيت دكه على ريناد شوي وردت بالو صوتها رايح غمضت عيني حاير بين غيرتي وشككي وخوفي على اختي وحببي الها
الو
ريناد
سكتت وراها رديت ها اياد
دتبجين
شهكت. ورحعت ابجي من طلع ليهسه اني منهاره وقافله الباب عليه
الو
الو
كافي مافي ادعيله تنهدت ريناد بداعت ابويه صاير شي بينكم
لا والله العضيم بس هو حباب ومن تقدم فرحت وو
احجي والله مارزلج
وضليت افكر بي
هه ضحكت بتعب اندعيله. ووعد اذا طاب والله اوافق بس تره مينحرع
هه ابجي واضحك الله يخليك النا اياد والله مسويت شي ينزل راسك والله العضيم
زين شحجه وياج احجيلي
محجه شي بس سلم عليه وكال حدز امي
اي يعني تلفونات مصارت بينكم
لا هو كال اهذي رقمي بس اني مقبلت.
ايا طايح الحظ
باوع اياد يجوز ديختبرني
صح يجوز بس هذا ساقط لج
سكتت
ريناد روحي ارتاحي انتي من تنقهرين ضغطج يصعد لتخلين بالي يمج
مابيه شي دااصلي
عفيه جريت نفس ياه حروح اني باي
باي دير بالك عروحك
ميخالف سديته واني حاير بروحي وباختي وبهذا المطي مو قف صعب لا بيه اقسي عليه ولا عليها منسويه شي واثق بيها واعرف. بي الولد صار شكد وياه ابد متعده اكثر من علاقتي بايناس وهو جان الوسيط بيننا بس متجاوز ابد طلع الفجر بدلت حست ايناس شافتني اول مكعدت بجت - الفجر1 طلعت ودعت انوسه شبعت بجي كلبي يمها ليصعد السكر واموت اذا صار بيها شي بكلبي شايل على ياسر بس شون ميكون هو بمحنه لازم اوكفله وصلت اسطنبول ب10الصبح اول مره اسافر بطياره اتصلت بوالده دلاني عالمستشفى مندليت كال اخذ تكسي وخليني احاجي ابو التكسي وفعلا دلاه وصلت المستشفى جان ابوه ينتضرني تسالمت وياه و اخذني يوديني عليه امشي ورجلي تثگل صدك حشوفه ممدد وتعبان هذا اللي بس يكمز بالجامعه وجاكي بكل شي يذب روحه واهم شي عده بطنه مداصدك والله وصلنا للغرفه طبيت وره ابوه جانت امه تتوسل بي ياكل شوربه وهو يسب بروحه بعصبيه نايم عالسديه لازم بطنه توجعه شاف ابوه سكت جنت وره ابوه من ابتعد ابوه وشافني رفع حاجبه دمعت عينه تقربت حضنته لك كو---- انت عارشيموتك شهكته اذتني حضنني يشهك جان مبين عليه الخوف باوعت بعينه لتخاف مبيك شي والله اريد اضم دموعي مااكدر
- ياسر- اياد اريد ارجع لبغداد تنهدت مشتاق لناسها قنعه لابويه والله بس ارجع اطيب
- اياد- مسحت دموعي اي صير زين وطيب وارجع
- واذا مطلعت شون قنع ابويه العمليه اسويها هناك
- لك شتسوي هناك الطب شبقه منه العالم تجي لهنا تسوي وانت هنا تريد تروح ببغداد تسويها
- نصيت راسي بتعب
- خليت ايدي على كتفه طيب يول حتى تتزوج
- رفعت راسي ورجعت نصيته اهلك شونهم
- كلهم سلمو عليك وامي شدتلك علك بشباك الكاضم ووو بلعت ريك صعبه الغيره بس لازم اطمنه وابرد كلبه واخلي يعيش بامل ووريناد سلمت عليك
- رفعت عيني بعينه دمعت نصيت اسف اياد والله مغلطت وياها كم كلمه واعتياديه جنت داءما انت كدام عيني
- صادگ وكالتلي كلشي
- شكالت باوعتله اريد اسمع منه
- كالت حجي عادي وبس مرتين
- اي والله بس مرتين مشتاقلك هاي جاي علمودي
كم صديق عدي اني ولك احنا عشره عمر سنه سنتين نثيه نثيتين هههههه
هههه اخ خرب وخر بطني اذا انفجرت النراره شكول من الضحك انفجرت
ههه باوعت بعينه يله شد حيلك
انشاء الله شوكت ترجع
ضربت على كتفه ارجع وياك ماارجع وحدي امه خطيه ضلت تبجي. قهرتني----
بغداد
