تمددت افكر بيها علي يشخر بصفي مكاني متغير مكدرت انام بس اتكلب هففف اسمع ضحكهم جوه البنات همزين جوي خطيه يكسرون على ايناس. ماادري شخبار ياسر سمعت الباب انفتحت مال الغرفه وهمس البنات اسمعه وحده تكول للخ لج جيبيها بالكهرباء واللخ تجاوب لج اني معليه انتي ترديها مو اني
لج بس شلعيها وتعاي
فاروق- عرفت عالشاحنه يحجون اخر شي. ايناس كلتلها والله اني اياد ميقبل وهبه مرت علي كالت والله اني علي ااذا عرف طابه يشك حلكي روحي انتي شلعيها وتعاي بسع
فاروق- عرفت راح تجي جريت الشاحنه خليتها جوه ايدي طبت اباوعلها تك عين جرت الشاحنه من الكهرباء مجلب بالواير اني الدنيا ضلمه توها تجرها خليت ايدي على ايدها فزت جرت ايدها راخذت الشاحنه وانهزمت
دره- يايابه قطره دم مبقت بجسمي لزم ادي بنومه ضهره عريض ملابس شي صورته براسي بقت ذبيت الشاحنه والفون حتىى مشحنته نامو همه واني بقه بالي يمه بس افكر بيه للصبح منمت كعدو الصبح جابو الريوك هو وعلي علي عده دوام وضيفه طلعت للمطبخ اخجل اخلي عيني بعينه شفته ديعدل بهدومه شافني ودار وجهه مبتسم شكد سفيه تريكو هو وعلي وطلع هو وياه لشغلهم كعدو عمتي وامي ونوسه دتحجي وي اياد
اياد- ها حبيبي صباح العافيه
ايناس- هلو حبيبي ليش مخابرت البارحه اشتاقيت لصوتك
والله اني هم بس جنت كلش تعبان
شونك هسه ااصديقك شونه
والله بعد ساعتين العمليه مالته ميت خوف عليه وامه خطيه لو تشوفيها البارحه تبجين على حالتها
الله يساعدها
اي والله سرلفيلي البارحه شكو ماكو
والله كلش تونست بس مكانك خالي اجوي علي وهبه وفاروق ودره عمه احلام ام دره وصارتلك لمه تونسنا
خوش اهم شي غيرتي جو فاروق ودره انجمعو هههه
لا حباب فاروق عاقل حتى مباوعلها خطيه
اي اخوويه واعرفه هههه يله حبيبي حروح للمستشفى عيب غير اضل وياه
اوكف لوكف اياد هو عده خوات
ههه اي عده
زين وياهم بالبيت بتركيا
اي
صدووك كم وحده
عده 2
مزوجات
وحده اي وحده لا بعد ادزلج صورتها
ليش طكيتلها صوره
انوسه روحي رحمه للكعبه
اياد الله عليك حلوه
يابه شبييييج صحت اني بيا حال النوب اباوع على اخته هيج شايفتني زباله
سكتت اعتذر
روحي حبابه خل اروح اشوف الولد
يله روح الله وياك خابرني من يصيرلك مجال
ميهم اخابرج ديري بالج عروحج
باي
باي الله وياج
احبك
تنهدت اموت عليج بستها وسديت الفون رحت للمستشفى يباوعلي خايف اكسر عليه واموله بس تطلع ترتاح ماكو الم بعد وخايف اكثر منه يطب بعد ميطلع.
ياسر- اياد
ها عيني باوعتله متمدد عالسديه ديحضرو للعمليه --- احجي شبيك همست
الله عليك خومشايل بكلبك عليه
لا والله ابتسمت دمعت عيني
الله شاهد اني كلش كبرت بعيني تربيتها وبراءتها تختلف عن كل العرفتهن وبيني وبين روحي كلت اذا ردت ابدي بحياه نضيفه ابديها وياها
ابتسمت حبيبي الله كريم اطلع بالسلامه
الله كريم باوعت بعينه اخجل اساله باوعلي ابتسم كانما حس دار وجهه دنعت عينه رجع باوعلي--- الله عليك من عرفت شكال
مكالت شي تنهدت كامت تبجي وردت اضربها نصيت راسي عبالي بينكم الو شي تخبلت
فتحت عيني باوعتله
بس لملمت السالفه وخابرتها بليل جانت دتصلي وتدعيلك
خطيه تنهدت باوعت بعينه والله قصدي وياها جان شريف رلك هاي اختك
ادري بيك طب الدكتور جنت كاعد عالسديه يمه وكفت بطبه الدكتور كلبي انعصر ابو وجهه انكلب امه ايدها على صدرها تقره ايات حجه الدكتور بالتركي فهمه اخوه. هز راسه كال يله يابه خل نطلع جرو السديه وحولوها عالجروح مشو كدامي باوعلي ابتسم
اياد اذا صار شي كوللها سلم عليج
تطلع بسلامه اخذوه من يمي صدك بجيت بقهر خايف عليه طببو عمليات اهله انشلت احوالهم يرحون ويجون اخوه خطيه تدمر ساعتين ونص طلع الدكتور احنا هلكنا ونخاف نساله طلع عركان هلكان رفع راسه باوع لام ياسر يبتسم تقرب اخرجوه
بشر دكتور وراها حاجاه بالتركي جاوبه الدكتور اندار علينا يبجي باوعلنا. كال
نجى باعجوبه بس شال الورم وبلحضتها انفجرت المراره وبسرعه شفطوها بالشافطه السائل البيها الحمد لله غسلوله امعائه نضيفه حاليا ماكو اي خوف
اياد- اخوه يحجي ويبجي اخر شي كعد عالمصاطب يبجي بحرگه. مضل بينا حيل اعصابيي تلفت ابجي وياه من يبجي خطيه امه رادت تموت الا شويه وابوه يسمع فاتح عينه لحد ماكمل حجي كعدنا كلنا وزعت امه سبح علينا كالت الحمد لله واهدوها لوجه الله لزمت السبحه ايدي ترجف كملت تسبيح رحت غسلت وجهي اباوع وجهي بالمرايه عفيه بني ادم هلكد ضعيف على ساعه. يوگع هذا ياسر جان موگف الكليه على تك رجل سيارته واناقته وسوالفه البنات والولد متخبلين عليه ورم صغير بكد الحبايه عالمراره راد يموت بيها سبحانك ربي سبحانك. طلعت وياهم كالو ساعه ساعتين يصحى ----
بغداد---
دره- امي وعمتي يسولفون بي ويحمدون باوعتلهم هزيت راسي زين كلولهم موافقه خلي يتفضلون شوكت ميردون لعمي
ام دره- كومي اونسه خابري عمتج يوم
ايناس- زين باجي نروح نطلبها من عمها
اي من عمها تنهدت لعد منين الف الحمد لله ربي على مصيبتك
دره- نصيت راسي صدك لجمتني الحجايه مبيها شي بس اذتني احتاجيت ابويه يرفع راسي خاف عمي يخجلني وهو مو مثل ابويه وشخصيته مكدرت احجي لان عمتي كاعده سكتت خابرت انوسه وعمتها كيفت ونطو موعد الجمعه يجون كلبي معرفت شصار بي صدك حيجمعنا سكف زين شحيسوي من يعرف هو ب8يرجع من شغله احتمال يتصل. بقت عيني عالتلفون لليل وماكو اي اتصال
فاروق- رجعت للبيت بشرتني ام مرافقه البنيه هزيت راسي صعدت غصبا عليها توافق. جنت تعبان بالي يم اياد خابرته الضهر جان يبجي. ويكول طببو عمليا اخاف اخابره هسه وخصوصا هو مخابر. اخاف اكو شي. دك تلفوني ركضت عليه اياد ها اياد بشر
الحمد لله صحه مو كتلك عار ما عليه شي ههه الحمد لله تلحكوله
الحمد لله الحمد لله تدري اني هنا وتفكيري انشل الله يعين اهله الله ليشوفها باحد
اي والله. تنهدت امي شونها زياد. -- ريناد
كلهم بخير الحمد لله
زين طمنهم عنه ووباوع اني واعدته اذا طلع منها اقبل على زواجهم سكتت. بس والله ياسر ميتامن
ميخالف اياد منو جان يصدم انت تنعدل.
اي بس اني مااقبل تسافر ريناد لتركيا الحياه هنا موزينه فاروق تعال شوف لبسهم وعيشتهم اخاف عليها وحدها وهو شغله من الصبح لليل
هسه يابه الله كريم تحضر المعلف قبل الزمال صدك انت مدري شونك
ماشي يله سلملي عالكل
امولك
ها
دره وافقت
هه اي ادري جنت احجي وي نوسه قبل شوي
ممم زين
مبروك حبيبي شوكت تمشون الجمعه مو
اي بس انت مموجود
الحك عالمهر
اني ماسوي مهر راسن حنه وزفه ماعدي شي
ها يله ماشي الله يسهل
دير بالك عروحك اياد
ميخالف سلملي عالكل
الله وياك
سديته بقيت صافن هاي شون شغله نزلت كلت لامي ريناد بالمطبخ تسمع عين عليه وعين عالمواعين اطمنت امي. وادري بيها هي هم تطمنت.
يوم اياد يكول طيته حجايه يوافق عليه اذا كام منها
اي يمه خطيه كم مره تقدم وامه شاريتها
هاهي البي هير يقدمه ربج بس مو. راسن زواج ها خل تتخرج اول يله
اي يوم انشاء الله كلشي بوكته حلو
الله يسهل ----
زياد- علاقتي بدلال زادت يوميه تلفون ونوبات كم مره وكت فراغها. صارحتها باعجابي وكتلها اريد اتقدم بس تتركين العمل خلي خالج وابنه يلزمه ردت بمستحيل اتركه لعملي خلينا اصدقاء داخلي انهز بس سويت روحي كانما ماسمعت شي وبقيت علاقتنا بحدود الصداقه والسوالف تونسني بسوالفها الخفيفه تضحك باسلوب ناعم واني هم اصنف اغلب اياد الواجب والخفر الوكت اكضي بالسوالف وياها رجعت للبيت سالت عن ياسر كالو زين
فاررروق تعال انزل
ها زياد جيت
اي متجي جوه شوي
اي جيت البس وانزلك لبست تراكي ونزلت كيفت من اجه لان روحي طكت وحدي ضلينا نسوللف باياد وياسر. ارتاحينا فعلا
اي ابو حفصه كالو حتخطب
اي والله نصيت. راسي مبتسم وانت افندي شوكت نفرح بيك
اني قفلت سالفتي
ليش
باوع داد هاي تكول لو اموت مااترك العمل
ممم وتركتها
لا بقينا صداقه حلوه
ممم حركها زين
شون يعني
يعني. كولها راح اخطب بت خالتي
ها وكالتلي عالخير شون
دكوللها وشوف واذا هاي عود سويها صدك واخطب يابه احنا نضل هيج شوكت نتزوج بعد
بقيت صافن بوجهه واخطب ود
اي شبيها ود تره حلوه بس اني متعجبني
هي حلوه بس لوكيه واني ماحب هيج شخصيه والله اكومها بكتله وانيمها بكتله
ههههه تتعلم والله
زين اشوف بس لتكول لامي تره تخبصني اذا متروح هسه تودي الذهب
اي لا مااحجي
دك تلفوني باوعت لفاروق ونصيت
ها دكتلك.
اي همست باوعتله ايناس خابرتها ممحتاجه شي
لا خابرتها وتسوكتلهم ورجعت سلمان السايق اليوم يبات يمهم رجع من الكوت
خوش
ديله كوم روح لغرفتك معليك مني تنهدت
هسه الجمعه
اي
بعد يومين تره عدك مجال تغيز رايك
دكوووم لك
هههههاي. باي
الله وياك طب لغرفته وسد الباب ومخابرت دره لحد هسه مديهلي انزل نفسي باوعت عالساعه ب11 خل اكوم انام هي مال حبجيه تعبان واريد ارتاح صعدت نمت --
زياد- ها دلول
هلو زياد بيتكم انت مو
اي والله
ممم شكو ماكو
ماكو شي الحجيه مجلبتلي تكولي اخطبلك
هاااه
اي بت خالتي. والله وضلت تمدح بصفاتها
ممم وانت
والله اني بعد لازم اتزوج ،
اي
ايي دلال شوكت اكون عائله واطفال حجايه امي صحيحه
اي حقك تنهدت انت هم تريدلك ولف وياك
اي صح حتى لو مااحبها راح يجي يوم اقنع روحي بيها صح لو لا
صح همست واحس نار بكلبي احساس محاسته قبل الغيره. احساس مزعج بقيت ساكته
انتي اليوم ساكته لا تصنيف لا تصميم باوعت لمرايتها تكدرين تفتحين فديو
هه ليش
اشوفج فد شي
خوش بس متشوفني تره
لالا سديدالكام مالتج
اوك فتحت شفت المرايه الهديتلهيا ههههههه
حلوه بالغرفه مو
اي حلوه ههه شو وينك
لالا غير محتشم ملابس قميص
ممم يله لعد حول عالالو
اوك حولت الو
ها عيني
الله حلوه العيني منج
لا يعني تره بديهيه طلعت مني
اي طبعا قابل اني عينج
هههه سكتت
شونج اليوم بالمعمل شكو ماكو
مامو شي جديد صممت ايطالي بعد الخشب مجاي والله يسهل
الله يسهل ------بقينا نحجي لحد مااذن عرفت تفاصيل عنها قريبه جدا منها اخر شي غفيت وهي تحجي حسيت الصبح ميت فشله اباوع الخط مسدود دزيت رساله اسف
ردت ورك شوي
هههههه نوم العافيه
خرب. فشلهوالله
عادي تصير انت تعبان
اي والله حكيت راسي خجلان صاحت امي
زياااد تعال يمه خالك اجه
بله اني حروح
من. اجه
خالي
ليش علمود موضوع الخطبه
هااه اي يمكن صفنت يمكن الخطه بدت تمشي صح
نصيحه لتستعجل فكر بالموضوع اول
اي طبعا بس تره بت خالتي وتربايه اهلي ومثل مااني اريد
ممم وشن. التريده انت
باوعي اكمل حجي وي خالي وارجع اخابرج اكولج شريد خوش
ههه ماشي الله وياك
----
ايناس- اليوم من الصبح مدري شبيه تعبانه ودايخه خربطه ال--- وهروموناتها لحت عليه دره احلل وفعلا رحت حللت طلعت حامل شهرين دكتوره بس اني مغايبه عني
حبيبتي عدج سكر انت احتمال من السكر نزيف صار عدج بس انتي حامل شهرين سمعتني نبض الطفل سجلته بتسجيل صوتي. جنت طايره من الفرح دزيت التسجيل لاياد وره ساعه اتصل
شنو هالهوسه
احزر ههههه
شنو حبيبي والله مواضح
اياد الله عوضنا
شنوو شنوو احجي احجي كوليها
الله عوضنا اني حامل حبيبي شهرين
شون بس انتي،اي عمري تجنزيف هذا متشوف كم يوم وكطع
الحمد لله. بجيت واني بمود بس اريد ابجي مشتاقلها وخايف عليها منه ياسر المطي.
ليش تبجي حبيبي
مشتاقلج
ميخالف مضل شي ياسر شونه
شونه جننه قرد باوعتله يضحك وياكل الشوربه
الحمد لله حبيبي ليضل بالك دره يمي وفاروق خطيه كلسا مخابر. علي وهبه يمنا هم وام دره مامو شي
الحمد لله. سبوع وجاي تدرين داافتر بالسوك شفت ثوب مال بنات يخببل ردت اشتريه بعدين كلت المن هسه حروح اشتري
متفاول على بنيه
اريد بنيه تشبهج
الله كريم حبيبي خل تعدي سلامات
تعدي تعدي اني وياج نعديها سوه
الله يسهل يله روح يم ياسر حروح اكل
دير بالج عروحج اكلي هواي
انشاء الله سديته واحس روحي مستعده لهالحمل مو مثل القبله لان بوكت خطف خالي اكل كومه وعصاير. كلسا شاربه حتى وجهي متفح داريت نفسي هواي هالفتره انتضر جيه اياد ------
يتبع
