اول ليله حيل صعبه اكلب بالصور لحد هسه منتصل اباوع عالفايبر بعده ممتصل اگلب اگلب بالمخادثات وصلت لحد ما علاقتنا توطدت كمت اقره وكلبي يدك. ارتاحيت كلش دك رساله فتحتها
حبيبي اني بزاخو قبل شوي يله طبيت الغرفه شوي واكنك اسمع صوتج عذريني مخابرتج بس والله على بالي وكلش حلوه الرساله اللي بالستره مخليتها
ها يا رساله اني مخليه رساله تخبلت يارساله بقيت اتصفن تذكرت سترته الزركه الوحيده اللي اخذها وياه جان قبل بيومين لابسها بالعمل واليوم رجع لبسها دكيتله مغلق تخبلت بقيت الوب طلعت من غرفتي امي نايمه حسيت روحي اختنكت طلعت للحديقه اشم هوه ندااكدر بعد. هسه غير يددددددكك عاد
شوي ودك
الو
هلو حبيبي
يارساله
الكاتبتها انتي غير
شكاتبه بيها
شنو شكاتبه
احجي شكاتبه بيها
انت كالنجم بحياتي بعيد عني وتزين سماء ليلي
سكتت دمعت عيني
الو
مو اني
شنو شون يعني لعد امي
داكوووولك مو اني
ماشي لاصيحين تنهدت عادي هسه اشككها واذبها
وياكم نسوان
بس مهندسه وجبيره بالعمر متزوجه والله
كلبي تسارعت دكاته
الو
ها
لتبجين اني شون وياج اني عبالي منج
تاثرت بيها مو
لا بس عجبتني الحركه ووعب
كافي كافي اسكت
احبج همست احبج انتي ماحب غيرج وداعت امي
سكتت هدات اعصابي لتباوع لغيري
ميحتاج عيني متروسه بيج حبيبي
اووف مشتاقتلك
اني هم مشتاقه اكثر الك
مااعرف شون حنام
حضني المخده هههه مثل قبل
تصنف مو
لا حبيبي الاشتياق حلو حتى من اجي تدلليني اكثر
متشبع دلال
ابد انتي وين
بيت اهلي بالحديقه
بهالوكت
اي خالج هنا
لا
دمشي فوتي سلمان بالكابينه مو
اي
خوش دفوتي نامي عمري فوتي
ماشوفك لعد
لا وين تدرين اني هسه بالممر مال فندق والدنيا ثلج بس حتى احاجيج
ههه احبك
موت بيج يله تصبحين على خير كعديني الصبح ب5
اوك تدلل
اووف اريد بوسه
وره اسبوع لتفكر بغير شي
لا عادي تصير راح اسويها كانما مشفتها
اي حباب
يله باي عمري
بباي سديته وراسي يفتر اكيد ويا بالداءره ،معجبه بي وتريد تاخذه مني حسيت كلبي يريد يوكف طبيت وقفلت الباب تمددت بفراشي كوه نمت ----
اياد- منو ممكن يكون بقيت اراجع ذاكرتي وين عفت الستره تذكرت قبل يومين عفتها بالمكتب مالتي اللي مشاركني بي روى بنيه ارمله بس اكبر مني تقريب سنتين ومحمد وغيث شباب جماعتي ماكو غير روى واني منقوي علاقتي بيها وهي هم ممقويه علاقتها بيه شنو الفلم اياد عفتها للسالفه اعتبرتها سخاف ونمت ---
زياد- بدت المحاكمه للاستئناف بالقضيه حسن اخوها بالقانون شاطر لابعد حد طلع شغلات من جوه الكع ووده ولد مرت ابوها وره الشمس بضرايب وديون مسويها وخامطين العالم وطافرين من جانو بمنطقتهم القديمه قبل ليتزوج ابوها امهم ومكتفه حسن بقت جلستين للمحاكمه ومنين مافرها القضيه رابحتها واقام دعوه عالقاضي بانه مرتشي وجاب شكو قضايا ضده القاضي انحال عالاستقاله الاجباريه ---
اليوم شفتها تفتر بالفسحه وبيدها السبحه رفعت راسها ليفوك وكفت وره الحايط مجرد احساسي اني مصدكتها وخذلتها ياذيني شغتها نزلت راسها رجعت اباوعلها اذا طلعت وين اشوفها بعد حسن الريان دخلت على صفحته اكلبب بيها مامو قضيه لازمها وخسرها من نجاح لنجاح بعد باجر اخر جلسه الها طلبت اشوفها اخر مره لان راح انزل لاهلي احتمال ماشوفها بعد فعلا جتي
نعم حضرت الضابط
تفضلي انسه دلال
اشكرك كعدت كدامه جان منصي بيده قلم يطكطك بي ميعرف شون يصوغ الكلام احسه
دلال اني اليوم نازل احتمال باجر ماشوفج. اذااخذتي براءه وواني متاكد من هالشي
هسه تاكدت
باوعت بعينها تباوعلي رافعه حاجبها انتي كذبتي عليه
بس بعدها منطيتني فرصه
بقيت اباوعلها تحسرت ندمان تمنيت لو ارجع للقضيه وافتحها --- قاطعتني
لتفكر بيه حضرت الضابط
معملج وين صاير
بالاسكان ابتسمت
وترجعين تفتحي لو
طبعا طالما اني موجوده. بهالدنيا المعمل ميتعزل
الله يوفقج هزيت راسي مبتسم تنهدت معمل شنو
نجاره
ممم مو صعبه عليج احسها خشنه هالصنعه
اني بس اخططواداره فقط وتصميم
ممم حلو بلعت ريك منصي راسي
اذا تريد تشرفنا فد يوم يمكن تحتاج غرفه نوم او اي شي بالخدمه نكون ومنقصر واوكفلك مثل موكفتلي
اني وكفتلج هه
اي بالبدايه جانت نفسيتي تعبانه خليتني وحدي. بالانفرادي بطانيتين زايده وتختلف عن اللي بالسجن يمكن جايبها من بيتكم اكل وشرب من غير حاولت تبحث بقضيتي
ههههههه صح من بيتنا ههه
اي عرفت بيها ريحه طيبه ويمكن حاخذها ويايه
اي والله من غرفتي جبتها باوعت بعينها مبتسم بطانيتي الخاصه اي طبعا ماارجع اخذها تجيبلي الشبهه هسه تكولي الحجيه وين جانت هاي وعدك مكسرات
الله يخليها الك
يخليلج اعزازج
اشكرك على كل شي
سكتت اباوع بعينها شسم معملكم
هه غراضي يم الامانات بيها الكرت مال المعمل
وواذا اتصل من حيرد
مم لو اني لو ابو مامون اذا بعده معاف العمل
اوك موفقه بكل خطوه وكفت مديت ايدي اسلم عليها وكفت صافحتني تباوع بعيني اخذت القلم اللي بجيبي جنت العب بي اقبلي مني هالذكرى يمكن تحتاجي بالتواقيع بالتصميم ويذكرج بالسجن حتى تنتبهين عالللي حولج من اودام شون متكونين بنيه
صح كلامك حضرت الضابط ممنونه منك اخذت القلم وضميته اترخص وفرصه سعيده ابتسم
جنت اتمنى اتعرف عليج بغير مكان بس صارت بعد اسف لان منطيت فرصه ثانيه
مصار شي مع السلامه
حنتيري
نعم سيدي
اخذ دلال اندارت عليه تبتسم بنضره دافيه خلتني ارجع اوكف بعدما جنت اريد اكعد ساعه وكمل دوامي اخذت غراضي وطلعت كل فكري يمها -----
فاروق- يومين جنت تعبان كلش مكدرت اتصل بيها كمت انام من ال8للفجر واكعد مقهور لان محاجيتها اليوم لازم احاجيها اول مرجعت العصر نمت ووقت الفون عال12ونص كعدت فاز ونزلت كلها نايمه فكيت الفرن نبع الحنان مبقيتلي تبسي افخاذه يبوو طلعته وكعدت اكل دكيت عليها مردت دزيت رساله
والقران حتى لو نايمه اليوم اكعدج
مردت
لج كووومي اريد احاحيج يومين ممحاجيح
ججججج شنو هالازعاج. واحد ميدخن براحته ميسمع فيروز
بابا توقيتج غلط فيروز تنسمع الصبح ساعه وحده يبت الناس
ههه وهسه شيسمعون
ساجده عبيد
شكلك هواي معجب بيها
والله من اضوج اسمعها ههه شونج يولو
زينه يابذات
والله ارجع اتطوطح وكبل للفراش
الله يساعدك
ويسلمج وين وصلتي للمناقشه
بعد بعد
الله يسهل اي معنوياتج شونها
زينه. مدااتعرض لوالدي ولا لوالدتي ارجع من الدوام كبل انضف واصعد لمخدعي
هلو مخدعي
يعني غرفتي يافهيم
ادري يابه ششايفتني فرنسي بس حقج شفتيني حلو وهاي عبالج مو من البلد
اوووه. داده وحيات ساجده عبيد
هههههههاي
خابرني تعبت من الرسايل
دااضرب تبسي
ويكولي فرنسي ساعه وحده يبن الناس
جوعان والله مماكل شي عالريوك الصبح
شو صورلي التبسي
طكيتلها صوره ودزيتها الها
يبوووو صعدت الحموضه اكولك هسه اجي اشوف شكو بالثلاجه وارجع
ولج انتي غير ام بطن ولج حتطكين
ماريد بطلت واهسي اعوذ بالله منك
ههه شونج دره
زينه الحمد لله انت شونك
زين الف الحمد لله انتي يم عمتج
لا ببيتنا
انوسه يم امها صار يومين
ادري شفتها العصر وسولفنا
يا زين اي شكو ماكو
ماكو شي صنطه
هذا الهدوء اللذي يسبق العاصفه اوكفي خل اغسل
يله انتضر --- ديله عاد وين صار ربع ساعه يغسل ايده
الو
وينك دتغسل ايدك لو راسك
لا م.والماعون والخاشوكه وكلاص اللبن كله غسلته مثلج اني اكل واذب بالسنك
صدك غسلتهن
والله شبيج خطيه اني
والله عني انت ذهب
وانتي الاحسن يله الو
اوك دكيتله رد الووو
هلووو حول
ههه ام خدود
ها
مشتاقلج والله سكتت واني هم سكتت مو بيدي طلعت الكلمه مني بقيت ساكت كالت
شوكت نلتقي لعد
هاا
شنو ها ابوك ميخليك ههه
لا ماعدي شي البسه هههههه شوكت متردين كولي
اذا ترجع ب8المغرب
لا بيومها ارجع من وكت
اوك باجر
ماشي تلهفت
شبيك تضحك
باجر نتشاوف ولج
اي تنهدت وين
اي مكان
كافتريا محمود بالجادريه يم الجامعه
ماشي بيش الساعه
فد ب12الضهر
اوك سكتت شسويتي على موضوعج
والله كعدت حجيت وي بابا خطيه كال برضايه عليج حاولي تتقربين منه واعدته بس بعدني ممقتنعه من افكر بالموضوع حتى تلعب روحي
بقيت ساكت
الو
ها دره
شبيك سكتت
والله --- والله مااعرف
احجي من الاخير
تدرين شدااحس همست
شنو همست ذبت بصوته
دااحس روحي قاطع كلامي صوت اطلاق نار كلش قوي يمها الو
فاروق روح
اوكفي شكو
انسد الخط. تخبلت رديت دكيت مترد دكيت ميت مره مردت شمرت الجهاز خرررب روحي لابت مدام مرجعت خابرت لعد اكيد اكو شي يمهم شنو الفلم بس اني متاكد صوت اطلاق ناري كلش قوي عبالك ببيتهم -----
يتبع
ا
