فريدة في الفيلا وتاتي لها دادة حسنية بظرف كبير
اتفضلي يابنتي البريد ده جاي لك
ليا انا غريبة طيب شكرا يادادة
وفتحت فريدة الظرف لتفاجا بعشرات الصور ليوسف وهو في اماكن مختلفة تسقط الصور من يدها تباعا علي الارض وهي لاتكاد تصدق ماتري يوسف حوله بنات وقاعد جنبهم ولامس بعضهم
وهو يضحك وعلي البحر وفي مطاعم
دموع فريدة تسبقها واناتها تعلو وورقة تظهر بين الصور تفتحها فريدة وارتعاشة يدها تمنعها وتفتحها
ورقة زواج عرفي
تسمع دادة حسنية بكاء فريدة فتدخل عليها وتراها فريدة يابنتي انت كويسة
فريدة مبتردش ثم تنظر اليهاوهي تصرخ سيبيني لوحدي
تخرج دادة حسنية وتتصل علي يوسف
الحقني يابني
الست فريدة بتعيط جامد
يوسف يغلق السماعة دون ان يكمل المكالمة ويسرع الي المنزل وفي طريقه يصطدم بعمر اللي راح معاه لما شاف قلقه
يوسف يدخل الي الفيلا ودادة حسنية تشير الي الاعلي ويدخل يوسف غرفته ويجد فريدة علي الارض وامامها الصور وفي يدها الورقة
يجلس بجانبها فريدة مالك ياحبيبتي ايه اللي حصل تنظر اليه وتعطيه الورقة وهوينظر الي الصور
يوسف ينظر الي الورقة وهو لايكاد يصدق فريدة الكلام ده مش حقيقي
فريدة هو ايه اللي مش حقيقي يايوسف الورقة ولا الصور
طيب قومي واهدي شويه
اهدي ارجوك يايوسف قولي الحقيقة انت اللي في الصور والورقة بتاع شركتك وده رقم بطاقتك ودي امضتك انا شفتها كتير ليه تخدعني وتتجوزني انا عملتلك ايه
اولا دي صحيح صورتي بس البنات دول انا معرفش عنهم حاجة عادي كانوا بيتصوروا وانا معاهم في نفس المكان
فريدة تمسك بصورة يوسف ماسك ايد واحدة في مطعم
ودي دي ممكن في اي غدا عمل وكانت مع حد هو انا هفتكر كل واحدة سلمت عليا ودي ودي كل دول في غدا عمل
يوسف يقوم ويقول لو مش مصدقاني انت حرة بس انا فعلا ماعرفتش حد ولاقربت من واحدة قبلك
والورقة دي
الورقة دي مش انا اللي كتبها وانا ايه اللي يخليني اتجوز واحدة عرفي فوقي يافريدة واهدي وانا هعرف مين اللي عمل كده وانا عمري مااضطريت ادافع عن نفسي قدام حد وعمري ماكنت كداب
فريدة طيب يايوسف
ضمها يوسف اليه وهو يقول والله يافريدة انت اول واحدة في حياتي واغلي حاجة في حياتي واللي كان السبب في دموعك دي حسابه معايا
ترك يوسف مريم مع فريدة وعاد الي الشركة هو وعمر واتصل بحسام واخبره بما حدث
حسام مش ممكن انت تعمل كده بس مين اللي بعت الحاجات دي واكيد قصده واضح انه يفرق بينك وبين مراتك
عمر والورقة دي من الشركة وبتتعمل لينا مخصوص
بصوا انا ممكن ابلغ البوليس بس ممكن ميوصلش لحاجة او الموضوع يطول هي الامضا شبه امضتي يعني اللي عمل كده باعتلي رسالة بس مين
يوسف انت رجل اعمال ناجح وممكن حد مضايق من نجاحك ده قال حسام
بس مش للدرجة دي
علعموم مسير كل حاجة تبان
وانصرف عمر وحسام وكل منهم علي استعداد ليساعد يوسف
اتصل يوسف علي فريدة واطمان عليها
وفي مكان اخر حيث يجلس رجل برافو كده كويس ودي الاولي يايوسف بيه والحساب يجمع ويتصل باخر ويقول هو فين فيرد الاخر تمام واعمل اللي طلبته منك
وغادر الشركة الي موقع احد المشروعات اللي الشركة بتقوم بيها
كبير العمال والمهندس المسئول اهلا وسهلا يابشمهندس نورت
يوسف اخبار الشغل ايه الحمد لله انت عارف ان الفيلا دي طلب خاص يابشمهندس والامتياز فيها مش هدف بسيط
احنا بنعمل كل اللي حضرتك بتقول عليه
وبداوا في التجول وفجاة شعر يوسف وكان العالم اظلم فجاة وسقط مغشيا عليه ودماء بدات تظهر من راسه
نامت فريدة واستيقظت علي كابوس مزعج تري فيه يوسف يبتعد عنها وكلما اقتربت تبتعد بسرعة وهو لاينظر اليها وتصرخ وتنادي وفجاة ابتلعتها الارض
مريم فريدة قومي اصحي ياحبيبتي ده باين كابوس
فريدة تفتح عينيها يوسف
قومي ياقمر مالك بس يافريدة قومي اتوضي وصلي وكل حاجة هتبقي كويسة
هو يوسف لسه مرجعش
لا دا انا حتي بكلم عمر من شوية مردش
طيب انا هقوم اصلي بس الساعة كام
مريم الساعة 8
يله دول اتاخروا قوي
ويرن تليفون مريم عمر اتاخرت ليه وتسكت
في ايه ياعمر
فريدة جنبك
ايوه
طيب بالراحة عليها وقوليلها يوسف تعبان شوية
مريم طيب بس انتوا فين
عمر السواق بره وهيوصلك للمستشفي فريدة تنظر لمريم وقد شعرت ان هناك مشكلة
في ايه يامريم اتكلمي يوسف جراله حاجة
متخافيش ويلا علشان نروحله
