BOSS Series 1: My boss, His daddy

BOSS • 16

Hindi niya alam kung paano siya napa-oo ni Liam pero nakita na lamang ni Alisson ang sarili na sumasakay sa kotse nito kasama si Blue papunta sa Malabrigo.

Hanggang ngayon ay labag pa rin sa kanya ang ideya ng pagsama nito sa kanila. Sigurado siya na sandamakmak na pagkahiya at katanungan ang aabutin niya sa oras na dumating sila roon lalo pa at kasama nila si Blue.

Tiyak na magtataka ang mag-asawang Stanfield kung sino ito.

Nakatanaw siya sa labas ng bintana ng marinig niya ang pagtikhim ni Liam. She curiously look at him to find out why. Liam looks like he has something to tell her but he is hesitating. Bahagya pa nitong binasa ang labi saka muling tumikhim at bahagyang sumulyap sa kanya.

Hindi niya maiwasang mapakunot ang noo dito. Bakit bigla na lamang itong umakto ng ganoon? Mukha itong hindi mapakali.

"May problema ba?" She bothered to ask after some minutes passed by.

Umiling lamang ito sa kanya pero dahil hindi siya kumbinsido ay kinulit niya ito ng kinulit hanggang sa sabihin na nito ang dahilan ng pag-akto nito ng ganoon, na sana ay hindi na lamang pala niya ginawa.

"I told mom and dad that I am courting you."

Nanlaki ang mga mata niya roon. Nanlamig rin ang kanyang mga palad.

No, he didn't!

"I know I should've asked your permission first before telling them. Kaya lang masyado nila akong kinulit noong huli akong umuwi sa bahay. May nabanggit rin kasi si Angie sa kanila tungkol sa atin. And they knew that you're living in my property."

She gulped on that.

Isipin pa lamang niya kung anong naging reaksyon ng mga ito ay parang gusto na niyang lumubog dahil sa kahihiyan. Ano na lamang ang sasabihin ng mga ito sa kanya? Ano na lamang ang iisipin ng mga ito?

"Pakitigil ng sasakyan, Liam. Bababa na kami ni Blue."

Ayaw na niya.

Hindi niya kayang harapin ang mga magulang nito o kung sino pang kapamilya nito sa kahihiyan. Hindi niya kayang harapin ang galit ng mga ito sa kanya. Hindi niya kayang makita ang panghuhusga sa mata ng mga ito.

Kaagad na naalarma si Liam sa turan na iyon ni Alisson. "Wha—what? Why? No!" Matigas nitong pagtanggi sa gusto niyang mangyari.

"Sige na, please? Hindi na kami sasama. Pasensya na sir, pero hindi ko yata kayang harapin ang mommy at daddy niyo ngayon na alam na nila ang tungkol sa atin."

Lumalim ang pagkakakunot ng noo ng binata sa ikinatuwiran niyang iyon.

Tama lang naman siguro ang gagawin niya. Ayaw niyang dagdagan pa ang masamang isipin ng mga ito sa kanya na wala siyang delikadesa at nagawa pa niyang sumama sa lalaki, sa okasyon na para lamang sa kanilang pamilya.

Mabilis nitong itinigil ang sasakyan sa tabi ng kalsada. Akala niya ay makakahinga na siya ng maluwag dahil sa ginawa nitong pagtigil pero nagkamali siya dahil mabilis nitong ini-lock ang mga pinto ng sasakyan saka siya hinarap.

Irritation was written all over his face. Kailan niya ba huling nakitang galit ng ganito ang kanyang boss? Kailan nga ba ito huling humarap sa kanya na galit ito?

Sa pagkakatanda niya kasi, siya palagi ang nagagalit dito. Siya ang unang naiirita sa mga ikinikilos nito kapag magkasama sila, kahit pa sa loob ng opisina. Siya ang palaging nagwo-walk out kapag nagkakasagutan sila tungkol sa mga bagay na hindi nila mapagkasunduan mapatrabaho man o personal.

Well, he can't blame her. Madalas naman kasi ay basta na lamang itong mag-aaktong animo'y immature na teenager na nagka-tantrums kaya madalas na sumasama ang timpla niya rito at naiinis siya.