احب اعرفكم على نفسي اسمي علي سيد موسوي اني نقل نفوس من الحله لكركوك طولي وسط رشيق عيوني عسليه كل اصدقائي يعرفون طيبتي يكولولي سيد انت ابو لسان اعز اصدقائي كاتب القصه اخي وحبيبي كان ماكو تفرقه اني شيعي وهو سني مابيوم اختلفنا وجنا نسهر للفجر سوه جان هو يساعدني وعاش قصتي ويايه من عام89 لحد هذا اليوم حبيت بنت جيرانا كرديه اسمها شيرين يعني بالعربي الشي حلو المذاق وفعلا كانت عسوله اترك شيرين تعرفكم بنفسها
..
شيرين اني كرديه اول مكعدو بيت سيد علي وصار صديق اخويا شيرزاد واني عشقت بيه رجولته كنا صغار صح بس كنت اشوف سيد علي رجال بمعنى الكلمه وصاحب غير اني طويله ورشيقه تقريبا اشبه الي بالصوره مال القصه ماعرف اوصف نفسي احلى شي بسيد علي عيونه العسليه ولسانه ورجولته انا الكاتب فكان اخويا واخو سيد علي عاش قصتنا لحضه بلحضه اترك الكاتب يعرف نفسه ويحجي قصتنا ونتابع تعليقاتكم طلبنا يكتب القصه لان نريد نوصل صوتنا للكل ماكو فرق بين عربي وكردي كلنا اخوه
...
امجد الكاتب اني اول ما تعرفت على سيد علي حبيته وتخاوينا من رحنا لكركوك كنا من جميع المحافظات ومن كل الاديان والطوائف بس عشنا احلى حياة وكنا اخوه سنه وشيعه ولحد الان رجعنا لمحافظاتنا بس نلتقي حتى الاكراد صارو النا اخوه والتركمان كلنا عشنا قلب واحد والمسيح كانو ايضا ويانا قصة سيد علي وشيرين كان حبهم نقي وطاهر وصادق بس كان ابوها حجر عثره بينهم جنت احلم اكتب قصتهم بس خايف يرفضون
...
#امجد
