وصلنا شفت سيد علي بسياره وياه بنيه وطفل وشيرين بدت تحجيلي
...
شيرين..امجد شيرزاد اخويا جان يطلبه علي فلوس مخابر علي يلتقون بيت عمتي انت تعرف ولد عمتي
حراميه ويسكرون وشيرزاد هم انجرف وياهم راح علي هناك صايرين عصابه علي منضم وياهم يسرقون سيارات وياخذوها للشمال يعبرهن علي وشيرزاد يبيعوهن بسليمانيه عباس زوجي وباسم اخوه يسرقون وشيرزاد وعلي يعبروها للشمال شيرزاد بيوم يعبر سياره كانت الشرطه مراقبتهم صايره مواجهه قاتل شرطي وراجع هو وعلي لبيت عمتي بالحله باقين هناك لحد ماظهرت اعراض الحمل على بنت عمتي مكنا نعرف من شيرزاد لو علي لان هي كالت علي باسم متعارك ويا علي وساحب مسدسه يريد يكتله شيرزاد كاتل باسم
الشرطه لزمو شيرزاد انحكم اعدام لقتل شرطي وباسم
شيرزاد عباس طلب من علي يتزوج اخته بشرط محد يجيب اسمه بالتحقيق وطلب يتزوجني واخذ فلوس من والدي ومن اهل علي ورجعت تبجي هذا الطفل الي بالسياره ابن شيرزاد بس بنت عمتي تكول ابن علي محد بالمنطقه يعرف القصه اهل علي واهلي كالو شيرزاد تعارك وكتل واحد شرطي وعلي من تزوج بنت عمتي مارجع لكركوك واني تزوجني عباس يوميه يسكر ويضربني لحد ماحبلت بابني وجبته بيوم جان سكران وياه واحد بالبيت نامو دخل الي وياه لغرفتي راد يعتدي عليا تعاركت وياه ضربني على وجهي اصيح على عباس كعد فوك ماصديقه راد يعتدي عليا موتني كتل وجرني من شعري شمرني بالحديقه وسد الباب خليتهم ينامون دخلت اخذت ابني واجيتك ماعندي احد بالدنيا اذا اروح لعمامي راح يرجعوني يخافون من عباس على سمعتهم والدي يخاف من عباس كلي وين اروح شسوي انت شفت ابني مريض 3 ايام مينطيني اخذه للمستشفى اثاث البيت باعه ويشرب بيهن زقنبوت ويخليني اني وابنه جوعانين انكع خبز بالمي وناكل
امجد..اؤف شيرين شصاير بيج ليش مخابرتيني عمتج وين كل هذا صاير بيج متحن عليج
شيرين..عمتي من اخذو فلوس من اهلي واهل علي اخذت فلوس واختفت يمكن متزوجه واحد بقيت بحدي تجي اخت عباس تزورنا يجيبها علي تموتني كتل كل مره من عرفت علي جان يحبني
امجد..شيرين لاتخافين اني راح اساعدج واوكف وياج اول شي اطلكج واعينج انتي مو خريجة تربيه جغرافيه اعينج مدرسه بس لازم اهلج يدرون انتي يمي ميصير
شيرين..امجد اذا تريد تساعدني لاتكول لاهلي اعيش خدامه عندك عفيه ماريد يدرون وين عمامي راح يذبحوني لو يرجعوني لعباس ابويا يخاف من عباس وعمامي يخافون على سمعتهم محد حاس بيا
امجد..ماعرف شيرين خلي افكر شسوي اول شي لازم اجيب مستمسكاتك علمود الكالج تعين
شيرين..مستمسكاتي هاي ويايه جنسيتي مبدلها عباس ونقل نفوسي
امجد..الحمدلله علمود طلب معلومات منذكر عباس لان سمعته سيئه لازم ترفعين دعوى طلاق على عباس خلي اسئل محامي شلون اتصرف باجر اشوفلي واحد
