اول منزلنا كنا بس بيتين بالمنطقه الجديده بيتنا اني سيد علي وبيت ابو شيرزاد اني الوحيد لاهلي والدي مدرس متقاعد والدتي ربة بيت وعندي 3 خوات بعدها كملو بيتهم بيت امجد ونزلو صرنا اني وشيرزاد وامجد اصدقاء امجد طالب اعداديه واني طالب صناعه وشيرزاد متوسطه وترك دراسته ابو شيرزاد ايضا مدرس اول مره شفت شيرين عجبني ثكلها كانت طالبه متوسطه قبل كانت كلوبنا نضيفه نعتبر بنت الجيران واخت الصديق اختنا وشرفنا كنا يوميه نلتقي ونتعلل اني وشيرزاد وامجد صرنا اخوه منتفارك كنت اني اكبرهم بالعمر مواليدنا بالتسلسل
سيد علي 71
شيرزاد72
امجد73
امجد...احجيلكم عن نفسي من نزلنا جنت طالب رابع عام تعرفت على سيد علي وشيرزاد سيد علي فرض شخصيته واخلاقه عليا كان فعلا اخ لوقتنا الحالي احبه كاخ اني سني وهو شيعي بس مابيوم حسينا بفرق اني جنت ملاكم وبطل العراق بوزن 54 لعام88لفئة الشباب جنت بس اتعارك مع ذالك متفوق بدراستي كلش اما شيرزاد كان مثلي يحب العركات دائما شايل سجينه بجيب بنطلونه الخلفي نسميها ام الياي سيد علي جان عنده سياره رينو جان سيد علي هو الاخ الاكبر الي ولشيرزاد ميخلينا نتعارك وهو ينصحنا نبتعد عن المشاكل بس اني وشيرزاد مراهقين وماخذيها بحيل صدر ومن نوكع بمشكله سيد علي هو المخ الي يفكر ويطلعنا هههه جانت احلى ايام صدك صرنا اخوه وراها اجوي باقي الشله انضمو النا صرنا احلى اصدقاء ولحد الان بس شيرزاد فقدناه الله يرحمه ولحد هذا اليوم اشتاقله جنت اني اصغر من سيد علي وشيرزاد بس مخبلهم بالمقالب جنا نطلع بسيارة سيد علي نفتر
..
علي ..جانت شيرين الصبح تمر من بابنا هي وصديقاتها يروحن للمدرسه اني انتضر امجد علمود اوصله بطريقي جانت تباوع بخجل وتسلم صوتها سمفونيه ملائكيه من الصبح بيوم امها طلبت ادرسها انكليزي جنت كلش قوي بالانكليزي كعدنا بحديقتهم امها وابوها وشيرزاد ام شيرين عربيه من الاعظميه سوت النا كعك وجاي كعدنا نقره اكوللها رددي ورايه جمله اباوع على شفافها تلمع وحمره احلى ما بشيرين عيونها كبار كتبت على الدفتر I love
وعيونها خجلانه كامت تباوع بالارض اني ماكدر احجي الصراحه كنت فعلا معجب بيها واخوها صديقي وكنا عائله وحده تقريبا بس كنت خايف اصارحها وممفكر بيوم اخون صديقي شيرزاد كلت من اتخرج ادز امي تاخذ رايها واخطبها اذا موافقه بس الي فهمته بعدين هي ايضا معجبه بيا وكاتمه الامر بس صديقتها حاجيه كدامها انها معجبه بسيد علي وتريده
وماخذه رقم تلفونه وراح تخابره تصارحه شيرين صغيره غيرانه وخايفه تصير علاقه بيني وبين صديقتها لذالك صارحتني ماسمح لاي شخص يمس حبيبتي بكلمه من القراء كلنا مرينا بمراهقتنا بعلاقات
اني فرحت بداخلي كلش من كتبت شيرين على دفترها واشرت بالقلم لان الكل كاعدين يمنا ويسولفون ممنتبهين اني هم كتبت شيرين متاكده من عواطفج اني هم معجب بيج واريد اخطبج بس اتخرج من السادس كتبتلي نعم متاكده واخذت كتبها وترخصت خجلانه اني من الفرحه والخجل هم والخوف ماعرف غصيت بالكعك والجاي
مجان عندي صديق غير امجد احجيله بس هو ملتهي بالدراسه لو الملاكمه والعركات ماشوفه الا بالليل من يرجع من النادي ذاك اليوم فرحان متحملت انتضره يرجع ركبت سيارتي ورحتله للنادي جان يتمرن كعدت اراقبه واني مبتسم بغير عالم جان عنده نزال تمرين مع واحد ضخم جان امجد رشيق كلش وسريع يضرب بسرعه وينسحب ويراوغ
اني هم صحت امجد بصوت ماعرف شنو خلاني اصيحه من فرحتي ماعرف هو التفت الضخم ضربه خطف وكعه قاضيه المدرب ركض عليه يحاول يفوقه كعد دايخ بدلتله واخذته بسيارتي وداسوق فرحان واسولف راح اخطب شيرين واتزوجها امجد وحجيتله من اول مدرستها ونضراتنا لحد ما كتبتلي وكتبتلها لحد ما تزوجتها وخلفت جهال منها وصلت لبيت امجد التفتت لكيت امجد نايم بغير عالم اباوع اثر الضربه ازرك نزلته دخلته لغرفته
امه يا اسم الله يمه امجد كتلها ماكو شي خاله وكع قاضيه بالتمرين المدرب كال يرتاح كم ساعه ويرجع مثل الاول نومت امجد وكعدت يم راسه صحى باوعلي عيونه نص ونص فاتحهن انت منو اني وين شويا صحى كال صباح الخير يلا خلي ابدل اروح للدوام ذاك اليوم متت ضحك عليه خطيه بسببي وكع قاضيه وكام يهلوس
ثاني يوم صحى بس ميتذكر شلون وكع الحمدلله اني جنت احب امجد لان شنو احجيله ميحجي ابد لواحد ويحترمني فرح امجد ام شيرين وابوها حيل يحبوني اي شي يحتاجون يكولولي ويثقون بيا انصح شيرزاد لان شيرزاد يلتقي بجماعه ومتعلم يشرب جنا اني وامجد ننصحه ونمنعه بس من ننشغل بدراستنا يرجع يلتقي بغيرنا ويرجع يشرب ويسوي مشاكل
وصلت علاقتنا ايام العطل ننجمع نبات بيت واحد من بيوتنا ونبقى نتسلى ونمزح مع بعض كان بس امجد يعرف بحبي لشيرين حتى امي مكلتلها اخاف تحجي كدام واحد وتخرب الشغله
كمت يوميه انتضرها تفوت الصبح تسلم نتبادل النضرات حاولت اكتب رساله اكثر من 100مره اكتب واشككها
بيوم دك تلفونا جنت اني اجاوب لان رجال البيت
علي..الو جاوبني صوت انثوي الو كتلها اتفضلي كالت معجبه كتلها اسف غلطانه جاوبتني انت الغلطان لان تحب وحده لعوب عدها الف عشيق وغلقت الخط ذيج الليله منمت بقيت سهران اجه امجد
امجد..ها سيد شلونك ضايج تعال نروح ناكل لفات يم شعبان المصري عازمك
علي..امجد ضايج عوفني ارجوك
امجد ..شبيك سيد احجيلي مو احنا اخوه
علي...امجد لاتلح ماريد اسولف جنا واكفين بالباب دخلت وسديت الباب بوجه بدون ماحس من قهري
امجد راح لبيتهم
ثاني يوم مرحت للدوام راقبت شيرين الصبح ماكو شي الضهر انتضرتها ترجع وكفت بمكان شفت امجد هم واكف ينتضر طلعت شيرين راحت على امجد سلمت عليه وانطته ورقه امجد عقج الورقه وذبها وترك شيرين تصيح عليه مندار عليها وكامت تبجي عرفت اكو علاقه بينهم بعد الي شفته فتركت شيرين وتركت امجد احتقرته شكد حاول يكلمني يسئلني ليش محاجيه اخر مره متحملت ضربته بقى صافن ومرفع ايده عليا بقيت اضرب بيه كام ينزف دم من خشمه وحلكه وهو مرفع ايده ابد وتركته ورحت بقيت سنه كامله ماحجي ويا امجد ولا اباوع لشيرين لان جانو اعز اثنين وخانوني بدت وحده دعاء تتصل بيا وسويت علاقه وياها وجنت احجي وياها من تطلع من الدوام كدام شيرين تمر شيرين من يمنا اباوع بعيونها دموع
.....
للحديث تتمه
تفاعلكم قليل والقصه حقيقيه
ارجو من القراء ابداء رايهم وترك تعليق وعمل متابعه للحساب
