وصلنا الى شيرين اخذها زوجها
...
رجعت للشقه شفت اسماء بالباب تنتضرني كتلها خطفو شيرين دخلت شقتي اخذت مسدسي ومحفظتي
نقيب شهاب الي ويايه بالشقه شبيك يمعود وين رايح مجاوبته طلعت اركض ركبت سيارتي سلبرتي
شهاب هم طلع ورايه لكه اسماء باب شقتي سئلها كلتله خطفو شيرين هو هم ركب سيارته لحكني اني جنت اسوق احس الدنيا سودة بعيني كلت اكيد هذا راح يموتها خطيه اني جنت اسوق سرعه وصلت لليوسفيه طك التاير الامامي محسيت الاانكلبت السياره بعدها فقدت الوعي فتحت عيني اني بالمستشفى فوك راسي اصدقائي الضباط وشهاب
امجد..اني وين
شهاب..لاتحجي ارتاح الحمدلله على سلامتك انت بمستشفى الرشيد
امجد..كوموني لازم اروح اجيبها
شهاب..وين تروح انت محتاج راحه الطبيب يكول اقل شي اسبوع ترتاح
امجد.. بالكوه اريد اكوم جسمي مكسر احسه رضوض بس وراسي يوجعني
شهاب..اكعد يمعود
امجد..كومني ماريد ابقى اروح اجيب هاي المكروده هسه موتها
شهاب..هي بنت عمك اختك بنت خالك اكعد
امجد..معليك محد طلب رايك
شهاب..ولك مخبل ارتاح انطيني العنوان نروح احنا عليها
امجد ..بالكوه كمت اجه الطبيب جان رتبته رائد اعلى مني
الطبيب...اكعد اخي ممنوع تتحرك امر هذا
امجد..سيدي عندي مشكله عائليه مابقى كمت جريت ملابسي نزعت روب المستشفى بقيت باللباس بالكوه لبست البنطلون والقميص مفتوح جنت لابس شحاطه ماكو طلعت حافي تذكرت مسدسي محفظتي انداريت لشهاب سئلته وين سلاحي ومحقظتي
شهاب..انت مخبل شكد جنت تمشي سرعه وين رايح
امجد..وين سلاحي
شهاب..هذا مسدسك وهاي محفظتك
امجد ..يلا اني رايح للحله
شهاب..اني وياك وفاضل ومحمد هم يريدون يجون ويانا
امجد..ماريد احد بس اني اروح ماريد اورطكم
شهاب..منتركك ركبنا كلنا بسيارة شهاب وكبل للحله
جان بيت عباس بمنطقه حسب ما اذكر حي سكر اندل الطريق وصلنا نزلت كلت للولد الي ويايه لاتنزلون بقيت المسدس بالسياره اخاف اتهور
دكيت الباب محد جاوب باوعت من السياج البيت اظلم دكيت باب جيرانهم طلعلي شاب
امجد...ابو الشباب هذا مو بيت عباس
الشاب..اي بس عباس صارله 4 اشهر ماكو داهمو بيته الشرطه وانهزم
امجد..متندل وين راح اني اقارب زوجته
الشاب ..لاوالله
امجد..شكرا رجعت ركبت السياره التفت لشهاب كتله شهاب خلي نروح للمركز نعرف شنو قضيته واذا عليه امر القاء قبض ناخذ نسخه منه حتى من اندل مكانه انطيه للشرطه
