وصلنا لشيرين وابنها مرضى اثنينهم بالمستشفى
صحت شيرين شويا صارة زينه كنت اني منايم وصار الفجر لازم اروح للدوام
امجد..شيرين لازم اروح للدوام هاي فلوس يمج شتحتاجين اشتري وهاي ملابس جبتلك بدلي وملابس للطفل اني اروح للدوام وراجعلج راح اتصل بابوج وامج
شيرين..عفيه امجد لاتتركني بحدي اخذ اجازه ولاماريد اهلي يعرفون راح يرجعوني اله
امجد..شيرين اني ضابط مو جندي ماكدر اغيب بس اروح اداوم اليوم وباجر اخذ اجازه وابقى يمك بس لازم اهلك يعرفون
شيرين..امجد ماريد اذا متعاجز مني اروح اني اعيش بالشارع ومارجع بعد بدت تبجي
امجد..اؤف ميخالف ماتصل بيهم بس اروح اداوم ارجع ب2 الظهر احجيلي كلشي
شيرين..لزمت ايد امجد عفيه لاتروح وتخليني بحدي خايفه
امجد..وعد اجي والله وهذا مفتاح الشقه وفلوس وجايز اطلع قبل مينتهي الدوام اني ضابط وماكدر اغيب وعندي مسؤوليات بس اكمل دوام اني جاي واذا كدرت اجيج من وكت
شيرين..عفيه مو تتاخر عليا اباوع عليها مثل الملاك من اجتي مزوركه وشعرها منفوش هسه من غسلت وارتاحت ملاك نايم
امجد..هسه الساعه 5 الفجر يادوب الحك دوامي ب7 اروح ابدل واطلع
شيرين..بالسلامه يارب
امجد..الله يسلمك
...
يادوب دخلت للشقه سبحت وبدلت وطلعت للدوام كملت شغلي المكتبي وشفت القائد مالتي اخذت منه اجازه بعد ما وعدته اكمل شغله صعبه اله ورجعت للشقه غيرت ملابسي لبست مدني ورحت للمستشفى
وصلت للغرفه الي بيها شيرين وابنها سمعت عياط
شيرين دخلت لكيت ابنها متوفي الله يرحمه بسبب الجفاف بالكوه اخذته من حضنها وطلعت شهادة وفاة للطفل واخذتها بالسياره اكو مقبره يم ابو غريب دفنا الطفل ورجعنا للشقه
جبت غدا حاولت اوكلها متاكل تخربطت اخذتها للمستشفى نقلولها دم رحت اتصلت بصديقي بالدوام خابر اخوته اجوي جانو طالبين بطلين دم اني بطل واخو صديقي بطل جتي ام صديقي ويا اخوه وبقت خطيه يمي هي اخذتها بدلتلها وغسلتلها بس شيرين بس تبجي مصدومه
اني مكدرت اقاوم منايم ليلتين شفت جربايه بصف شيرين بس كعدت عليها غفيت محسيت الا ام صديقي كعدتني اكعد الطبيب كتبلها خروج تعالو لبيتنا يمه كتلها لا خاله راح اروح لشقتي اخذت شيرين شلتها للسياره جانت من الضعف ريشه صايره ام صديقي واخوه راحو بسيارتهم واني اخذتها وكفنا يم مطعم اشتريت عشا وريوك وصلنا للشقه هي نزلت تمشي بس لازمه ايدي صعدنا للشقه
امجد..شيرين عيني لازم اتصل باهلج لازم يعرفون
شيرين..امجد بس تتصل بيهم انهزم راح يرجع ياخذني عباس ابن عمتي وينتقم مني
