وصلنا سيد علي اخذ امجد للسحار مله حقي وانطاهم بيضه وطير ورقه
امجد ..اخذت البيضه بيت شيرين ركن عدهم باب رئيسي وباب على الدربونه مقابل باب المطبخ من اروح ادكه متاكد بالليل يطلع ابو شيرين كل مره رحت بالليل واخذت البيضه دكيت الباب طلع كاك محمد ربي يسامحني ضربته بالبيضه وطلعت اركض اكو قطعه ركن و اهم اجيت اركض طلعت مسيجه بسلك شائك ضربني برجلي اخذت الدربونه جقلمبات
بس اسمع يسبني بالكردي المهم معرف اني منو
والورقه رحنا ندور على جلب شوارع ماكو تذكرنا اكو بمنطقتنا واحد حرامي جلاب ومربي رحنا اله سئلناه عده جلب كال ماعندي بس جرو كلنا يلا هو اسمه كلب ربطنا الورقه باللحمه ننطيها للكلب ياكل اللحمه ويذب الورقه خلص اللحم لزمنا الكلب ودحسنا الورقه بحلكه خطيه
بقى بس ندز خطابه واني اصير مطيرجي اطير الطير وره يومين العصر دزينا الخطابه واني صعدني سيد علي بسطحهم اطير الطير اني بس طيرته للطير اتجه عدل وكبل لبيت مله حقي والخطابه من الباب انطردو هل المره لانفع سحر ولا بيض ولاطيور
صارة الجمعه جانت شيرين اخر مرحله كليه واني وحدتي بغداد دز ابوها عليا كال تاخذ شيرين لبغداد توصلها وياك كتله صار كاك محمد تدلل
الضهر اخذتها ورحنا لبغداد هل المره سيد علي ما اجه ويانا لان جان هو بغداد
امجد..شيرين راح اتخبل ابوج ليش رافض سيد علي
شيرين..تبجي ماعرف اني اذا ماتزوج سيد علي والله اموت
امجد..كوليلي السر انتي لازم سامعته يحجي ويا امج
شيرين..والله ميحجي بابا بس يكول من اشوف سيد علي ماريد انطيه ماحب يكون زوج بنتي
امجد..اؤف والله تكسرون كلبي
شيرين ..امجد راح انتحر واخلص من ظلم بابا
امجد..كافي عيب هل الكلام مال اطفال
شيرين..لعد شسوي
امجد..اصبري ماكو كدامكم غير الصبر اني هم متخبل من رفض ابوج اكو سر وراه جبير
شيرين ..كال لو يتقدملج حمال انطيج اله ومانطيج لعلي امجد مفكره اتزوج علي بالسر
امجد..علي ميوافق صدكي هو لحد الان لمسه يخاف يلمسك النوب يفضحج غلط تفكيرج
شيرين..انت واسماء شنو قصتكم
امجد..انتهت ماكو شي كلمن راح لطريقه تذكرت مشكلتي ورحت بغير عالم اني هم وكعت بعلاقه وفشلت وصارة مشاكل ودم محسيت الا تهزني من جتفي
شيرين..امجد وين رحت
امجد ..لاماكو شي وطلعت اه غصب عني من صدري
الحب يااخواني مؤلم وكلما يزيد المه يكون اجمل جنت احسد علي وشيرين على حبهم ومن ننجمع ويبده الهمس بينهم اشوفهم طيور حب يزقزقون وابتسم
وصلنا لبغداد لكيت بانتضارنا سيد علي
شيرين بس شافته كامت تبجي وهو هم دمعت عيونه
شيرين..حياتي شجابك
علي..امجد قبل متطلعون خابرني جنت مشتاقلج مووت اتمنى يختفون الناس الي حولنا حتى احضنج وابوسج
