من سمعت بشيرزاد انعدم صدك بجيت من كل كلبي جان مو صديق اخ بس هو مندفع جنا اني وياه من جنا مراهقين نتعارك هوايه بس اني جنتت ماتعارك الا انجبر شيرزاد كان اي صديق يطلب منه يروح صاحب غيره وياخذني وياه الله يرحمه برحمته من راح شيرزاد وسيد علي اختفى ماكو موبايلات اسئل يكولون بالاردن لو البصره انشغل بالعمل اني هم صارة عندي مشكله ويا ابو حبيبتي كمت ماروح لكركوك
بيوم اجاني اتصال من شيرين
امجد..الو
شيرين..تبجي امجد راح اتزوج ابن عمتي
امجد..شلون وشوكت
شيرين ..اليوم عقدنا عد شيخ وهل الاسبوع الزفه ياخذني للحله من يرجع سلملي على علي وتبجي
امجد..ليش اني اعرف علي وين كلما اروح اسئل عليه لو الاردن لو البصره
شيرين..امجد راح اموت من القهر
امجد..انتي شلون وافقتي
شيرين..امجد اسكت متعرف شي انت اريد اموت
امجد..فهميني ارجوج خلي اعرف راسي من رجليا
شيرين..امجد لاتتخلى عني مابقالي غيرك علي تخلى وراح بس اوصل لبيتي الجديد اخابرك انطيك رقمي وانت كلما تنقل لمكان انطيني رقمك خايفه كلش هذا ابن عمتي اعرف ميحبني اخذني يكسر خشمي اشتراني بفلوسه
امجد..لاحول ولاقوة الا بالله الله كريم احاول اشوف سيد علي واجيبه ماعرف شسوي
شيرين..لامستحيل ماريد يشوفني علي يموت خطيه
امجد..لعد شسوي اني هم دخت سمعت صوت امها دخلت هاي منو تحجين وياه اخذت السماعه منها
ام شيرين..الو منو
امجد..اني خاله اتصلت اسئل عنكم
ام شيرين..ابني احنا نحبك ونعرف انت تحبنا بس شيرين تزوجت ابن عمتها ارجوك لاتخلي علي يعرف اخاف يسوي مشكله
امجد..لاخاله شلون بس اني فعلا علي مشايفه الولد ياس وانشغل بالشغل خاله لو بس اعرف ليش ابو شيرين يرفضه
ام شيرين ..ارجوك خاله سد الموضوع كلشي قسمه ونصيب
امجد..صار خاله تدللين مع السلامه
ام شيرين ..مع السلامه ابني
...
تزوجت شيرين ابن عمتها وسيد علي تركتله خبر ماكو رد ولا جواب مرت شهرين على زواج شيرين اجاني اتصال
شيرين..هلو امجد
امجد..هلا شيرين طمنيني اخبارج شلونج بالي يمج
شيرين..اني زينه وبجت
امجد..احجي شبيج ليش تبجين ضربج زوجج اجي اطيحلج حظه اخاف مات شيرزاد اني مكانه اخوج
شيرين..لاوالله بس اشتاقيت لشيرزاد واهلي وخابرتك لان انت جنت اخوه
امجد..الله يرحمه شيرين احجيلي اني جنت غايب وملتهي من انعدم شيرزاد
شيرين..ماكدر احجيلك بعدين تعرف ليش انعدم
امجد..زين ليش مكلتولي من سجنوه جان زرته ساعدته
