وصلنا بعد ماارتاحت ايام شيرين هي وطفلتها طلبت اوصلها لبيتهم يم امها بعد وفاة ابوها بقت بس امها وطفلتها
...
اتصلت امي اني بالدوام
امي...اني خطبتلك تعال شوفها باجر
امجد..يمه شلون وشوكت زين اني عسكري امري مو بيدي الجيش مو مال ابويا وانزل
امي..ماعرف باجر تجي معليا تره اغضب عليك
خلصت المكالمه رحت للقائد مالتي الرجل مقصر انطاني اجازه من سمع شغلة خطوبه اصدقائي انتشر الخبر لحكوني تعال اعزمنا وشالوني ونضحك وركضو ورايه رجعت للشقه علمود اكول لشيرين نروح لكركوك
امجد..يلا شيرين اخذت اجازه حضري نفسج علما اسبح وابدل ملابسي نروح لكركوك
شيرين..صدك راح اروح اشوف امي صارلي 3 سنوات مشايفتها من تزوجت عباس حتى بالتلفون ميخليني جان
امجد..نتغده هنا مسويه غده لو بالطريق
شيرين..مسويه غده بدل وتعال نتغده
امجد..اوك رحت سبحت وبدلت رجعتلها ها شيرين شمسويه
شيرين..مسويه مركة شجر
امجد..شنوووو مركة شجر انتي متستاهلين الحياة هسه ارجعج للسجن كومي نتغده بالمطعم طلعنا تغدينا
شيرين..امجد متعرف شكد مشتاقه لكركوك
امجد..اني هم احس روحي هنا
شيرين..اكيد اسماء هناك
امجد..اسماء تزوجت وصارت ماضي ميصير افكر بيها وانت شوكت تتزوج ماعرف البارحه والدتي
خابرت تعال ضروري شوف عروستك امي مترتاح الا تزوجني هههه
شيرين..اي خلي تزوجك نخلص منك
امجد..ليش مكموعه شمسويلج
شيرين..24ساعه جوعان
امجد..ايباااه عاد شلون طبخ حتى بنتج مترضى تترك الحليب علمود متاكل من اكلج الطيب
شيرين..هاي منين جبتها بنتي عمرها شهرين مصاير وتريدها تاكل
امجد..البارحه من جنت العب وياها هي حجتلي هههه كالت اعتقني من شيرين تدرين البارحه ضحكتلي
شيرين..موتتني الليل كله جوعانه لو تريد تلعب
امجد..اكيد تطلع جوعيه على خالها اني عههه
صدك تدرين حبيتها للطفله ماريدج تروحين ليش مالكالج وظيفه بغداد وتجيبين امج واخوج وياج راح اضوج والله
شيرين..اني هم تعلمت عليك وعلى الشقه احس من طلعنا بقت روحي هناك
امجد..اي كملي الدراما مالتج خلي ابجي هههه
شيرين..كافي بس تضحك زعلتني منك
امجد..متزعلين زعلت العصفور يلا وصلنا الدوز راح اوكف بالمطعم هم ناكل وهم تغسلين للطفله خطيه
