أحببتك ، لكن صدمتني بخيانتك ||باللهجة الليبية||

اعترافك بحبي

الدكتور:نجحت العملية
ريان: الحمد لله شكرا دكتور
الدكتور: لكن........
الكل : لكن شني
الدكتور: هيا نجحت العملية لكن لازم تضرب يباري السكر لان جاها السكر
خالد : لكن معندهاش عالحلو بكل
الدكتور : عندها استعداد وراثي ؟
خالد: ايه، حناها وزوز من خالات امها
الدكتور: خلاص أمالا
عمر: يعني تواضب عليهم يباري السكر
الدكتور: ايه ، وهادأ الدواء لمدة شهر وتوقف لكن الايباري ديما
عمر: صحيت دكتور الله يبارك فيك
الدكتور: فيك بارك الله هادا واجبي...... ومشي
ريان : قصدكم ماما جاها السكر
اروي: للأسف
ريان : لا متقوليهاش بالله عليك .......ونهمرت بالعياط
هناء لاروي: علاث ليونة ثكبي ( علاش ريونة تبكي)
اروي: لأن ماما مريضة
هناء: مث قتيلي بثوني بويسة ؟( مش قتيلي بتولي كويسة )
أروي: هي حتولي كويسة لكن ليونة زايدتها زيادة عن اللزوم
هناء: باثي تويس (باهي كويس)
في الجامعة
فدوي:زعما شن صاير فيها ريونه وكيف حال امها؟
اسراء: اجري اتصلي بيها شفيها
فدوي: فكرة حلوة
واتصلت .......
ريان: الو السلام عليكم
فدوي: وعليكم السلام كيف حالك رورو توا ؟
ريان: باهي الحمد الله كيفك؟
فدوي: الحمد لله .... كيف حال امك ؟
ريان: أحسن لكن قاعده في العناية
فدوي: ربي يجيبلها الشفي
ريان: ان شاء الله يارب
فدوي: يسلمو عليك اسراء وحنان وندي
ريان: سلملي عليهم بالوحدة
فدوي : هي ماشي مع السلامة محاضرة الدكتور طارق بتبدا وانتي تعريفه
ريان: اكيد هي مع السلامه خل ماتحصلوا تهزيبة مليحه
فدوي : ان شاء الله لا مع السلامة
ريان: مع السلامة
بعدها بتواني اتصل علي
علي : السلام عليكم
ريان: وعليكم السلام كيف حالك علي؟
علي : الحمد لله ريان وأنت
ريان :الحمد لله
علي: قبل كل شي مرة تانية ناديني عليوه ;-)
ريان: وأنت ناديني ريونه يا عليوه
علي : حاضر ريونه....... كيف حال امك توا
ريان: أحسن لكن قاعده في العناية
علي : ربي يجبلها الشفي العاجل ان شاء الله...... امتا حترجعي لالجامعة؟
ريان :والله مانعرف يا علي...قصديي عليوه ههه
علي: والله استاحشناك يا ريونة
ريان: واني اكترا ياعليوه
علي : نبي نعترفلك بحاجة لكن خايف
ريان(بعدت شويه عن العيلة) : قول ماتخافش
علي: اني نحبك ريونة ♥
ريان ولا وجهها طماطم وبلعت ريقها وردت عليه
ريان: واني اكتر عليوه ♡
( الكاتبة:بيني وبينكم مشهد رومانسي نتخيل فيه...... تخيلو معلي)
نرجعوا...
علي: حسيت بي اهدأ الاحساس من الأول لكن مقدرتش انقول
ريان: زيك .... نقدر نسالك سؤال؟
علي:تفضلي ريونة
ريان: نقدر لما تكونوا بروحنا انقولك حبي♡
علي: اكيد يا حبي ♥
ريان: شكرا حبيبي
علي: عفوا حبيبتي
ريان: هي باي خر مايسمعنا حد
علي: باي متنسيش تكلميني بعدين
ريان: حاضر.. يلا باي باي هه..... وسكرت الخط
ريان: ااا هادي احلي مكالمة درتها في حياتي كلها
بعدها مشت للعويله
ريان: شن صار مع ماما ؟
أروي: حالتها مستقرة وبابا بيقعد معاها نقدرو نروحوا حني
ريان: به، حاضر ...بابا خليك بحداها متخليهاش تغيب عن عينك
خالد: اكيد يابنتي ، مش مرتي حتي هيا
ريان: طول عمرك وفي هه
خالد: هههههههههه
أروي:" باست رأس بوها و امها" هي مع السلامة باباتي ريان هيا
ريان: جاية " دارت نفس الشي" هي مع السلامة يام مع السلامة بابا
بعد ماوصلوا للحوش
ريان: أروي تعالي انقولك حاجة ضرورية
أروي : شني شني
ريان: غر تعالي لداري بعدين ساهل
أروي: جارية وراك
ريان: خشي وسكري الباب
أروي: اوبااااا شكله سر حكومي احكي احكي نسمع فيك
ريان: علي قالي نحبك .....(بصوت وااااااطي )
أروي(بالتزريق): انحبكككككككككك
ريان: ضمي فمك ياحيوانة خر مايسمعنا عمر تلقينا معلقات في الترية
أروي(بهمس): أسفه أسفه ....وانتي شن قلتيله
ريان: واني اكتر
أروي: للعشق جنون
ريان: بالله عليك يا ذهب ولم يعد
أروي: باب الحارة احلي واحد
ريان:هههههههههه ضحك هستيري
أروي:هههههههههه .... طبعا نفس الشي
أروي: ريونة بتمشي غدوا الجامعة
ريان: ايه أكيدة لاني غبت هلبا .....وأنت ماشية غدوة ؟
أروي: مدامك ماشية بنمشي حتي اني وخلاص
اليوم التاني .....
ريان: نهار ازقح الساعة 7:35 والمحاضرة 8:00 بسرعة نوضي روري
اروي: اني مازال 7:40 بنوض لأن اني الطابور 8:15
ريان : علي راحتك
ريان نزلت فطرت وركبت مصمصت لحمها عالسريع ولبست هذا

( سوري لو كانت صغيرة مقدرتش نكبر حاولوا تشبحوها)
في الجامعة ....
ندي: ليك وحشة حبي وين تبخرتي
ريان  : اني اكتر. تبخرت مع جزيئات الهواء
ندي: مبسلك ياباردة
ريان: أنت ابرد
صاحباتها : رورو استاحشناك
ريان: اني اكتر
نسرعوا الموضوع :
خشوا للمحاضرات وحاولت اتعوض الي فاتها  ....بعد ما طلعوا من القاعة
علي: ريان تعالي نبيك شويا ;-) وغمزلها
ريان: حاضر ;-)
ريان شبحت لندي
ندي: اذهبي لي عصفورك يا عصفور الحب وغردي معه
ريان: تو يبالك ياحيوانة حسابك بعدين .....ومشت
ريان: ها شن تبي حبي
علي : طالعه حلوة اليوم ريونة
ريان: شكرا ، لكن مش احلي منك
( الكاتبة: ياسر من الرومنسية الزايدة )
نرجعوا........
ريان : عيونك يبو يقولوا حاجة
علي :...................................
_______________________________________________________________________                                              انتهي البارت ان شاء الله عجبكم ♡
درته طويل شوية من يلي نكتب فيه بش تصبروأ بالكم عليا
الأسئلة :
س. شن رايكم فالبارت ؟
س. شن بيقول علي؟
س. يعجبكم الرومنسية ولا لا؟
بالله عليكم جاوبوا لأن نكتب فيهم بش تتفاعلوا .....
توقعاتكم ♡