أحببتك ، لكن صدمتني بخيانتك ||باللهجة الليبية||

زفاف اختي

التاني يوم ......
ريان : نوضي يا العروسة ... ونوضي يا العروسة ( بصوت الزمزمات )
أروي : نضت نضت وسكتيلنا الدجاجة الي تغني
ريان : تو يبالك يافرخة
أروي : بري امشي كيف نايضة أصبحنا وأصبح الملك لله مش ناقصاتك
ريان : باهي هي بش نديروا جو مع البنات
أروي : اااااااااا (فهمت المقصد)
بعد ماناضت أروي وخشت لي دارهم لقت الجمعية كلهم بالتوتة ومشفشفات وكل وحدة شادة المخدة الي رقدت عليها
ريان (بصوت انتقامي): هاقد بدأنا المعركة
الكل : حرب الوسائد
ومتسمعيش الا ......

بري من عليا يافرخة ...
ااااي جبتيها في عيني .....
تستاهلي.....
فجأة اسماء بالصدفة خاطمة سمعت الدوشة وفتحت الباب لقت طبعا الهمج

اسماء : ماشاء الله ماشاء الله هادو الشارفات و هكي أمالا الصغار مساكين مليهمش ذنب ضمي الحوسة أنت وياها وتعالوا للمطبخ ساعدوني وساعدو إمامكم
البنات : حاااااااضر
ومشت وخلتهم
البنات شبحوا لبعضهم شبحة غباء
بعدين بصوت واحد : ههههههههههههههه
ساو الحوسة وسقموا عمرهم وطلعوا يديروا في الفطور
اليوم هادا مصارتش هلبا احداث معاهم

نرجعوا لعلي وريماس .....
ريماس طلعت من شنطتها كلينكس فسطه منوم وحطاته علي فم علي
علي طاح من طوله
هي قعدت تجر فيه بالسيف لين ركباته سيارتها
بعدين وصلو لعمارة في مكان بعيد يمكن هكي في ضواحي طرابلس
خشت الشقة مأجرتها نحت عبايتها وكانت تحتها قفطان احمر قصير فوق الركبة شبه شفاف وفوقه روب احمر هي طبعا بيضا وعالقهوي نقشها
وحطاته عالسرير ونحت الروب ورقدت جنبه وقعدت تصور معاه وهو مايندري عليها من وين زارقة

التاني يوم (الي احني توا فيه وصارت فيه اﻷحداث الي فوق )
ريماس : هادو الصور تخلي علي خاتم في صبعي

علي ناض وميندريش علي صار
وحتي هما مصارتش معاهم هلبا احداث

اليوم الي بعده في الجامعة........
ريان : استاحشت عليوة تعالي ندوروا عليه
ندي : واني شن دخلي بيه خطيبك مش خطيبي
ريان : هياااااااااااا
ندي : باهي بري امشي قدامي

في نفس الوقت كانت ريماس مع علي
ريماس : أنت حدير كل شي قتلك عليه بالتفصيل والا هادو الصور حينتشروا في قروب الجامعة واول من حيعرف ريونة حبيبة القلب
علي : تو يبالك علي اديري فيه حيجي يوم حتندمي وبري توا انتلفي من عليا منبيش انشوف خليقتك يا ز.....
ريماس : توا ليك ماتبي لكن بعدين تو نشوفوا من الي يأمر
علي : بري امشي اقلبي وجهك من عليا ( بصوت عااااالي وخشين)
سمعاته ريان
ريان : علي
ومشت اتبع في الصوت
علي: كيف مكنتش نندري علي روحي ، كيف بندير توا ، شن حدير ريان لما تعرف ، واااك غر شن تبي مني بس
ريان : خيرك حبي ، خيرك متعفلق
ومشت ضماته وهو ضمها بقوة
علي : بنسألك
ريان : تفضل
علي : أنت مش حتشكي فيا للحظة اني نخونك ، صح ؟
ريان : اكيد ، علاش شن في ؟
علي : شي غر في وحدة جت قتلي لمانفتن بينك أنت وخطيبتك نكذب عليها
ريان : متخافش ، مفي حد حيغير رأي فيك
علي : ربي يخليك ليا
ريان : مايحرمنيش منك بكل
علي : مش عندك توا محاضرة الدكتور طارق
ريان : فكرك في الشهادة قريب نسيتها، هي سلام نتلاقو بعدين
علي : سلام
وقعد علي سارح في الكلام الي قلاته ريماس