أحببتك ، لكن صدمتني بخيانتك ||باللهجة الليبية||

اعلان الخطوبة

بعد ماشربوا الشاهي وهدرزوا روحت الهام والعيلة
بعد ماروح خالد من الشغل
اسماء: خالد نبي ناخد رأيك في موضوع
خالد : تفضلي
اسماء : تعرفهم عيلة........ سلفة اختي
خالد : أي خيرهم
اسماء: مش عندهم ولد يقرا مع ريان
خالد : كملي
اسماء : جو يخطبوا في ريان ، ونعرفهم عيلة كويسة ، لكن حبيت ناخد رايك ، شن قلت ؟
خالد : ماداما عيلة كويسة ونعرفوهم شن المانع ، كان هيا تبي طبعا
اسماء: أي قلتلي باهي .
خالد : خلاص امالا
اسماء: باهي كويس ، ربي يهنيك يابنيتي ويعطيك علي قيس نيتك
خالد : امين ، ان شاء الله
وخشت عليهم ريان ....

ريان : السلام عليكم
خالد واسماء : وعليكم السلام
اسماء : شن جاوبتي باهي
ريان : أي ان شاء الله، لكن هوا ربي يهديه الدكتور جابها اسئلة مكوكية
اسماء : ربي يهديه وخلاص ، هي تعالي تغدي
ريان : شن الغدي ؟
اسماء : سكالوب وبطاطا وشعيرية
ريان : اووووو شن الدلع هدا ماما اليوم
اسماء : علي خاطر عيونك ياسمحه ♥
ريان : نجك ليا ♥
اسماء : غر هيا بدلي حوايجك وتعالي كولي
ريان : حاضر
بدلت حوايجه وتغدت وغسلت الماعين وقعمزت عالنت
اسماء: نخش
ريان : انت تخشي فاي وقت
اسماء : ريان بنقولك ان بوك وافق وتقدري اتقوليلهم يجو يخطبوك رسمي
ريان (قريب طارت من الفرحة ): صحيتي ماما -وباست راسها -
اسماء : ربي يهنيك يابنيتي و يرزقك بوليد الحلال
ريان : ربي يسمع منك ياغالية
توا اني بنطلع نوتي روحي بنمشي انعزي ، تبي حاجة
ريان : سلامتك
وجرت شدت التلفون واتصلت بالكبيدة
ريان : اهلا حبي
علي: اهلين عسلي ، شن جوك ؟
ريان : تمام ، وأنت ؟
علي : تمام بعد ماسمعت صوتك
ريان : مبردك ياصايع
علي: قلت حاجة غلط اني
ريان : المهم اتصلت بيك بش انقولك ......... بابا وافق تقدر اتجي تخطب رسمي
علي : اخيرا بتبدي ليا ياعمري ♡
ريان : وبنبدوا نعيشوا تحت سقف واحد ♥
علي : سرحنا هلبا ولا ههههه
ريان : حسيت ههههه ، هي باي باي نسمع في أروي خاشة
علي : بنستاحشك ♡
ريان : واني اكتر ♡
علي : هي باي حبي
ريان :باي
أروي : السلام عليكم
ريان : وعليكم السلام ، شن صار معاك
اروي : محاضرات نفاخة وخلاص وانت
ريان : جابلنا أسئلة من الفضاء الخارجي معقولة يجيب ............. وقعدوا يهدرزو
التاني يوم .........
ريان: صباح الخير للكل
الكل : صباح النور
عمر : شوفتي روحك في المرايا وخيتي ، وجهك مش متع خير
ريان : مش نقصاتك يانفاخ ، مبردك بجديات
عمر : حطيني في الكوشة
ريان : هاهاها
خالد: ياسر انت وياها وافطروا وانتو ساكتين
عمر وريان : حاضر
ريان : توصلني عمور
عمر : مبردك يا مصلحجية توا كيف قلتيلي نفاق
ريان : هيااااا
عمر : باهي، وانت قداش ماتنقي
بعد ماكملو الفطور مشى عمر وصل ريان
في الكلية ........
ندي : شنجوك
ريان : تمام وانت
ندي : تمام ، شن حال الكبيدة
ريان :يسلم عليك هونا
ندي : بلحقا سلم عليا ، عليك وعليه السلام
ريان : بري وانت متصدقي
ندي : هيا هيا ورانا محاضرات
ريان : اني جاية ......
بعد ما كملت مشت لكفيتيرا كانو بروحهم ، شبحت هكي لقت الكبيدة مطبس عالنت.....
ريان : شويا ونجيك
ندي :تمام، اكيد حبيب القلب
ريان : طيري من سماي ترا
ومشتله وغمضتله عيونه وقتله اني مني
علي : هاذا اكيد اياد
ريان : لا
علي : مش معقولة  اية
ريان : في عينك ، معقولة تخون فيا مع اية هادي
علي : ريووووونة
ريان : زيد رقع زيد
علي : شني الاخبار
ريان : تمام ، وانت
علي : تمام ، تشربي حاجة ؟
ريان : هات فربي فراوله علي حسابك لكن
علي : تمام عادي، اصلا انتي يرخصلك الغالي ♥
ريان : يا سلملي الغالي ♥
مشي علي طلب ورجعلها ...
ريان : شن عليوة معطل في الخطبة
علي : اختريلي يوم ، وحتلقيني نشرين عليكم
ريان : الجمعة مناسب
علي : تمام نشوف ونرد عليك
ريان :  تمام ، توا لازم نمشي مع السلامة حبي
علي : مع السلامة نتلاقو
خدت ريان الفربي ومشت
ندي : شن صار
ريان : خشمك هادا هكيون احلي لو كان في وجهك مش حياتي .
ندي : خيرك أنتي ما صدقتي
ريان : هي بالسلامه بنروح
ندي : مع السلامة
( حقا خلينا نوصفوا شكل علي وريان)
علي انسان طرررف منحكيلكمش سمراوي مايل للاببيض عيونه عسليات وشعره ولحيته قهويات طويل وعضلات ويمشي يلعب في حديد ثلاث مرات في الاسبوع وشاطر فلته
ريان بيضة وظريفونة عيونها قهوي داكن شعرها كستنائي طويل واصل لأخر ظهرها، كطرف مش عادية
وزيما قتلكم قصيرة وضعيفة وشاطرة حتي هيا
نرجعوا .....
خشت ريان للحوش......
ريان : السلام عليكم  
اسماء : وعليكم السلام
ريان :  ماما راهو علي والعويلة جايين الجمعه البسي كويس
اسماء : للللوللللللي مبارك ، حاضر .
مرت الأيام بسرعة وجي يوم الجمعة ......
هما داروها خطبة وفضانية أزوز فا عزمو المقربين
ريان : خايفة بنبكي
اروي : تاني، يسيح المكياج مدخلي فيك
هيا كانت مدايرة مكياج ترابي من ماك وروج بودري هافت من ديبورا أي لاينير عريض ولبست هاذا