أحببتك ، لكن صدمتني بخيانتك ||باللهجة الليبية||

مرض أمي

لما روحت لقت خوها عمر يستني فيها
ريان: شني شن في ؟
عمر : تعالي معاي بسرعه ،امك رقدت في المستشفى، ارتفع لها الضغط  والسكر فجأة والباقي مشوا معاها 
ريان :نعممممممممم ، أني جايا  معاك..............
ركوبوا السيارة والسرعة 200 لين وصلوا للمستشفي.... لقت هناء تبكي في حجر أروي 
ريان:شني شن في؟ ماما فيها حاجة؟
أروي (وهي شاده دمعتها في عينها ): قال الدكتور ان الضغط مرتفع هلبا هو والسكر ومرات ترقد في العناية لفترة........
بعدها هناء قامت راسها شبحت ريان مشتلها تجري
هناء(وهي بتموت من العياط): ماما..... حثكون...... سويسا ..ثح ؟(ماما حتكون  كويسة صح) بكلمات متقطعة
ريان: ايه مش حيكون فيها شي ، غر أنتي اهدي بس ، خلاص اوسسسس
هناء:منثدرس نثكوت (منقدرش نصكت )
ريان: علي خاطري اسكتي
ومشت تجري كلمت ندي
ندي :السلام عليكم .كيف الحال؟
ريان:مش كويس (وهي تبكي) 
ندي : علاش ؟
حكتلها القصة
ندي: ربي يجيبلها الشفي العاجل يارب.......في اما مستشفى؟
ريان: مستشفى ..........
ندي:اني جايه في الطريق ........وسكرت الخط
بعد ما سكرت ب 5دقائق كلمها علي
علي: السلام عليكم
ريان (وباين عليها انها تبكي لكن حاولت تخفي):وعليكم السلام
علي :خيرك فيك حاجة؟
ريان : لا مافيا شي
علي:قوليلي واضح فيك حاجة
ريان: أمي راقدة في المستشفى 
علي: اما مستشفى شن اسمها؟
ريان: مستشفى ..........
علي : ان شاء الله لا باس عليها ........ وسكر الخط
بعدها تقريبا ربع ساعة جت ندي
ريانمشتلها تجري تطبطتها
ندي: خلاص معاش تبكي اكيد امك حتنوض بالسلامة
ريان: والله ماقادرة كل مانبي نهدي نتفكرها وماتنسيش ان في استعداد وراثي ان يجيها السكر
ندي: انت لما تتأكبي اكيد امك حتحسها ، تفائلي وزيما يقولوا تفائلو خيرا تجدوه
ريان انهمرت العياط بعد الكلام هادا
بعدين طلع الدكتور متع التحاليل  
عمر: طمنا يادكتور أمي فيها حاجة
الدكتور: والله ماقدرش انقولك حاجة توا عدا ان الضغط تمام اما السكر فا بنديروا جهدنا
أروي: يعني في احتمال يجيهأ السكر
الدكتور: في احتمال 65% يجيها لكن 35% انها تتعالج ..........بعدها مشي
ندي: سمعتي ريونا خلاص معاش تبكي خلاص
ريان:شكرا علي وقفتك معاي انت صاحبه حقانية
ندي: ولا يهمك،  امالا علاش في صاحبات ، ريونا توا بمشي نجيب حاجات للحوش وانجي
ريان: توكلي، وصحيتي مرة تانية
ندي: العفو......... ومشت
وهيا نازلة تلاقت مع علي
ندي: السلام عليكم
علي: وعليكم السلام
بعدما ركب لريان
علي:السلام عليكم
ريان: وعليكم السلام ، علي!
علي: مش معقولة نسمع بمرض ومنجيش 
ريان: هادا من جميلك
علي: كيف حالها توا؟
ريان :باهية لكن حالتها مش مستقرة
بعدها قاطعهم الدكتور
الدكتور: وين راجلها ؟
خالد: اني تفضل
الدكتور: نبوك توقع علي هادي بش انديرولها عملية نسبة النجاح متعاها 75%
خالد وقع معنداش حل تاني
ريان: يعني خيرها أمي
الدكتور: ماقدرت انقولك توا بعد العملية يصير خير
*ملحوظة :عمر روح لان عنده شغل مهم جدا مشي قالوله روح *
خالد : بنمشي أندير اﻻجراءات متع العملية ونجي ......ومشي
    ريان انهمرت العياط
علي ضمها بقوة وقاللها : اهدي تو الأمور تمشي بخير
ريان بصوت مبحوح: هكي تقول ....
علي: اكيد، غر ادعي امك تنوض بالسلامة
ريان: يارب
التأني يوم
ريان :اليوم يوم العملية
عمر: ايه صح، ان شاء اتنوض يام بالسلامة يارب
الكل: امييييين
مشوا للمستشفي ...........
بعد ماطلع الدكتور
أروي: طمنا يادكتور شني أمي حالها باهي ؟
الدكتور : ايه نجحت العملية لكن لازم تقعد تحت المراقبة
ريان : الحمد لله الحمد لله
هناء: ياااااااي، ماما بلث ماما بلث (ماما برت)
عمر: شكرا يادكتور الله يبارك فيك .........
_______________________________________________________________________                                     انتهي البارت ان شاء الله عجبكم
الاسئله:
س.شن رايكم في البارت؟
س. زعما شن بيصير لأم ريان؟ 
س.شن بيصير مع علي ريان؟

توقعاتكم ♡