أحببتك ، لكن صدمتني بخيانتك ||باللهجة الليبية||

نهاية العلاقة

عند علي

اني كيف درت غلطة كبيرة شكل هادي ، وين كان دماغي وقتها ، ااااااخ لو يرجع بيا الزمان بس ، نصلح يلي درته ، لكن هادي حاجة مستحيلة ، مستحيل تمتسح من الماضي ...... اليوم خوي بيتزوج يلي يحبها , اما اني مش حنكون في نفس مكانه ، اختها اليوم بتتزوج خوي ، واني حاس اني مش حناخدها .... بعد شني بناخدها ، بعد مامشيت زي الكلب ورا حقيرة ...... افكار تتصارع في داخلي ... من وجيهة ، لازم نفرح لخوي ومرته في ليلة عمرهم ..... ومن جيهة تانية ، زعلان علي عمري يلي نحمله من غير يلي نحبها .......حبي الفرحة مش قادر نتصنعها اااااخ وخلاص ................

وفي نص هادي الافكار خش ايهم عالخط
ايهم : وين مشيت رانا قاعدين اهني
علي : لا غر سرحت شوية
ايهم : مش وقت سرحانك ، اليوم عرس الملك
علي : خف علينا يامحمد رمضان ليبيا
ايهم : اليوم يومي ومتبينيش نتفخفخ
علي : به تفخفخ في الطريق للصالة
ايهم : قريب نسيتها
علي : كنهادا لاصار من يومك لا صار من عمرك
ايهم : ههههههه عندك الحق

ودارو الاحداث يلي قتلكم عليها في البارت يلي قبله

وهما مروحين
علي : مبارك عليك وخي ربي يهنيك مع الكائن يلي معاك
أروي : كائن في عينك العورة تسمع بيها
علي : لا منسمعش ترا سمعيني
أروي : تعرف كانا متصكتش بنلوح عليك الكادار يلي في رجلي
ايهم : هي هي هي راني واقف احترموني حتي بالكذب
أروي: سوري بيبي
علي (وهو يعجب فيها ): سوري بيبي
أروي : تعرف كلمة تانية وبنهيج فيك
ايهم: ها رجعنا ، اركبي اركبي ، وأنت انتلف لسيارتك
علي واروي: ههههه

قعد علي واقف لين طلعت ريان لقاته يتأمل فيها
ريان : شني أول مرة تشوفني
علي : غر تخيلتك في مكان أروي ♥
ريان : ان شاء الله ياعمري♥ لكن خلي نعيشوا الخطوبة بعدين ساهل

فجاءة بيبت سناء
سناء : ايوه أنت تمعشق مع اليور لاف واحني نقعدوا مشحطين
ريان : هي سلام يا الماي لاف نتلاقو
علي : ههههه سلام

طبعا علي طول الطريق وهوا شارد لين خش في سيارة بالغلط
الهام : خيرك ياوليدي ماتشوفش في الطريق ولا كيف
علي : سامحيني يام كنت شارد
الهام : سامحيني متقولهاش ليا اني قولها للمرا المسكينة الي قدامنا

نزل علي وكانت الدنيا ظلام مزبطش من الداخل
لكن شكلها بنت في العشرينات

علي : سامحيني وخيتي مكانش قصدي
البنت : محلاها كلمة وخيتي من فمك
علي : شن انتي في كل مكان لاحقتيني
ريماس : كيف أمالا مش أنت بو يلي في بطني
علي : متقوليهاش
ريماس : ايه، اني حامل
علي (لوح عليها فلوس ): هادا كانا بتصلحي سيارتك . ومشي متكنطي
ريماس طارتلها ومشت جري
وعلي خش متعفلق وقربع الباب
الهام : خيرك ولدي في حاجة
علي : لا مفيش حاجة
سناء : ومنظرك منظر واحد مفيشي حاجة
علي : قتلك مافي شي طرشة ولا متمعيش (وهوا متعفلق )
الهام اشرت لسناء بمعني اصكتي