قصتنا تبدأ مع وحدة اسمها ريان معندهاش جو الحب لكن في واحد يشد عقلها وتفكيرها لكن في اﻷخير بتصير حاجة مش متوقعتها وحتصدمها لكن .........اقروا تعارفوا «رواية باللهجة الليبية »
في ملاحظة قبل مانبدا توا لما نقرا في الرواية .، لقيت ان صارت لخبطة في الرواية، اني في الأول درت اسم أم علي الهام وبعدين سميتها عليا فا سوري عاللخبطة الي صارت والاسم الحالي هو عليا تمام.......
ريان كانت خاطمة من جنبهم فسمعتهم ريان : شن شورا عندنا عرسان جدد أروي وايهم : أي (وكانوا ماسكين ايدين بعضهم ) ريان : لووووووولللللللي كلهم التمو عليهم وقعدو يزغرطوا وهما مابو يطلقوا بعض اليوم التاني ....... أروي نايضة الصبح اتغني أخيرا قالها ريان : خيرك أنت صدقتي روحك أروي : طيري من سماي ترا مخاطريش فيك ، خليني نحلم ريان : احلمي احلمي مداما الحلم بلبلاش ، هي بالسلامة في الجامعة .... عند ريان ندي : اووو ريري شن هالغيبة لاتسأل علينا لا تقول كيف حالها لاشي ريان :لاهيا في قرايتي مش زي بعض الناس اسراء : خلاص أنت وياها عند علي طبعا ريماس مع علي نفس السيمستر يتلاقو مرات ريماس تلاقت مع علي ريماس : علي ممكن تعطيني مذكرتك أنقل منها (بصوت مايل ) علي : احم تفضلي (وملامح جدية ) ريماس : شكرا (بصوت مايل برضو ) علي بعد مامشت : خيرها هاذي *ملحوظة * : ريماس عندها جو الصياعة والولاد توصل بيها مرات للزنى -استغفر الله - ومرة من المرات حملت خطيئة وسقطاته وهذا كله مايعرفه حتي واحد عند اروي في الحوش ............ اروي شدت فونها واتصلت بالبنكرياس (قصدي الكبيدة ) اروي : الو السلام عليكم ،كيف حالك يهومتي؟ ايهم : وعليكم السلام يا احلي روري ،كويس بعد ماسمعت صوتك وأنت ؟ اروي : نفسك بالزبط ، يهومتي بنسألك سؤال ايهم : تفضلي ياعيون يهومة اروي : امتي بتخطبني ؟ ايهم : غدوة كان عندكم مناسب اروي : بجديات تحكي ايهم : تي أمالا نبصر ، نبيك اتكميلي الحوش وتلبسي احلي لبس ، ومرات العرس الشهر الجاي باش توتي روحك اروي : حااضر من عيوني هما ايهم : يا سلم هالعيون يلي تسمع في الكلام اروي : هههههه كله يهون مع عيون يهوم هاذا شعاري ايهم : بنطيح شكلي اروي : بالشوية عليك بس ايهم : قصدك خايفة عليا اروي : اكيدة نبي نخاف ع راجلي ايهم : خلاص اني ذبت اروي : هههههه هي خلاص بنسكر ايهم : هي سلام اروي: ايهم ايهم ايهم : نعم اروي: نحبك ♥ ايهم: نموت فيك ♥ اروي : هي سلام ايهم : سلام بعدها خشت عليها ريان ريان : السلام عليكم اروي : وعليكم السلام ، شن درتي في الامتحان اليوم ريان : اتز ڤيري ڤيري ايزي اروي : لا ، غر خفي علينا ريان : مبردك ياباردة اروي : حطيني في الكوشة ريان : خلاص هي كملنا اروي : هي نوضي ياماما الماعين عليك ريان : باهي حاضر جاية ، تعالي ونسيني في المطبخ أروي: اوك في اليوم الي بعده في الجامعة .... ريان مشت لعلي ريان : شنو صار مغطس معاش ريناك علي : سامحني والله مشغول الفترة هادي ريان : عاش شن عندك ؟ علي : توا بادي في التست الأول فنقرا والعشية عندي دكان خالي ريان : باهي ربي يعينك ، هي سلام وقت عليا علي : سلام ياعيوني ريان بعتت بوسة طايرة علي : اخ قلبي ريان : بشوية علي قلبك بعد ما مشت ريان بشورا 5 دقايق جت ريماس ريماس : علي علي علي : تفضلي شن تبي ريماس : مش فاهمة هاذا الدرس عادي تشرحهولي علي : قعمزي هي ومابين هوا ميشرح طلعت ريماس من شنطتها حاجة ......... ( توا نقولهالكم في البارت الجاي ونكملوا قصتهم) بعد ماروحت ريان ........ تشم في البخور والحوش يلمع ريان : شنأروي عندنا الضيوف أروي : اليوم بيجو يخطبوني ريان : باهي ، مبارك مبارك أروي : الله يبارك فيك ريان : شاورتي بوك أروي : متخافيش أمي شاورته قاللها موافق ريان : تمام كويس ، هي تعالي نجبدلك شعرك ونديرلك تسريحة ، ونكلط وجهك تعالي أروي : باهي ، غر كلطي مليح خبير جوتن بيجي ريان : متع اشهر المعالم واجمل البيوت اروي : بالزبط هههههههههه ريان : هههههههههه هي تعالي قبل مايهرب الضي خلي ندير حتي اني
طبعا دارتلها نفخة بسيطة من قدام وفير ملوي من تالي والمكياج الوان ترابية من ماك وماسكرا وأي لاينر رقيق من ماكس فاكتر وروج بينك من بورجوا بودرة افون وهادي اللبسة متعها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهادي ريان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهادي هناء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ويشرين الحوش ...... اسماء: جاية وفتحت الباب : اهلين اهلين الحوش نور تفضلو تفضلو سناء : بوجودك خالتي عليا : زاد فضلك صحيتي اسماء: سلمك ، ماشاء الله الزيارة الثانية ربي يكثر جيانكم عليا : صحيتي صحيتي ، بنطلب طلب اسماء : تفضلي ، ان شاء الله خير عليا : لا خير ان شاء الله ، نبي بنتك اروي لولدي ايهم في الحلال واحني نعرفوكم وفي هاذا الوقت حد تعرفه خير من حد ماتعرفاشي ولا ، وربي يبعد علينا بنات الحرام وولاد الحرام اسماء : امين عليا : فها شن قلتي اسماء : شوفي ياعليا اني شورت بوها وموافق واني معنديش مانع خصوصا انكم عيلة معروفة بأخلاقها لكن متحسيش هادا قرار سريع شويا عليا : وشن فيها البنت الله يبارك عليها والولد مش ناقصته حاجة شن مازال أكثر وبعدين نتفقوا عالمهر والفاتحة اسماء : باهي ، ربي ييهنيهم ويواتيهم بالوقت الطيب عليا : يعني موافقة اسماء : ان شاء الله *ملحوظة *: حتي المرة هاذي عزموا ناس ريان : لللللللللللولللللللللللي والعيلة كلها بدت تزغرط وريان شغلت المنظومة ع هلا بريحة هلي بعدين فتحت زمزمات ......... _______________________________________________________________________ انتهي البارت ♥ان شاء الله يكون يعجبكم قولولي شن تتوقعوا تكون الحاجة
