ثانوية المراهقين -١-

١٤

       ■الفصل الرابع عشر ■
صباح اليوم التالي :
طبعا ورد ما حتمشي المدرسة وكدا على قول ايهم...المهم كانو قاعدين معاها عروة وسمسم الغابو من الجامعة عشانها...والتوأم البص جاهم للمدرسة.
فله كانت قاعدة ورا والتوأم قدام مع مراد ماعارفة كيف تمشي ليهم فقررت انو لمن يوصلو المدرسة هي حتمشي ليهم.
المهم مع زحمة الطلاب العايزين ينزلو من البص فلة اتأخرت وناس هزاع حتى دخلو المدرسة.
شالت شنطتها بي تأفأف ودخلت...اثناء ماهي ماشا حست بي يد بتوقفها.
فلة وهي بترجع لي ورا : ان شاء الله خير عايز شنو مني ؟
كروزو بي نهره : هي هي اتكلمي كويس معاي...ما تنسي انا منو وانتي منو .
فلة : واااااااو يا رهيب...عاين عليك الله ارحمنا.
تابعت طريقها.
كروزو لزاها :لمن اتكلم معاك ما تمشي.
وقعت في الارض من اللزه...كروزو اتخلع لانو ما كان قاصد...قعد في الارض بي سرعة ورفع ليها حاجاتها :انا...انا اسف والله💔.
رفع صوتو لمن سمع صوت هزاع : خليها في حالها.
كروزو بي ابتسامة جانبية : وانت مالك.
فلة وقفت على حيلها وهي بتعاين ليهم.
هزاع وهو بيقرب منو : انا مالي ؟
فلة جرت هزاع من قميصو : لا لا ...ما تدخل معاهو في مشكلة دا مريض .
طبعا كلمة مريض دخلت لي كروزو زي السكين في قلبو.
عاين ليها مسافه...بلع ريقو ورجع بنظراتو لي هزاع : جيب شلتك وتعال لينا في الملعب الخلفي ( احجزو تذاكركم للعرض المباشر ).
هزاع : اتفقنا ...بس متين ؟
كروزو : هسه .
حدر لي فله ومشا.
فله : كروزو عندو حب للانتقام ما طبيعي ما تدخل معاه في مشكله.
هزاع : خلينا منو ...انتي كويسة ؟
فلة : اي ...اي كويسة الحمدلله : )
وبالمناسبة سلامة اختك .
هزاع :الله يسلمك ان شاء الله....يلا عن اذنك.
فلة : طيب اتفضل.
مشا على جهة اصحابو.
فلة : ما تمممممشي ياخ 😣.
(شعور يكون في زول عاجبك شديد وبتحب تتكلم معاهو...يستأذنك عشان يمشي...بتسمح ليهو يمشي...لكن جواك ما بتكون عايزو يمشي 💔).
كروزو كان واقف ومستني مع اصحابو في الملعب .
هزاع فهم اصحابو وطوالي جو..شلة هزاع او اليلو شيرتز حسب قول همام كانو 5.
والبلاك شيرتز واقفين كثاااار...لكن ال5 الرئيسيين واقفين قدام .
همام مشا بسرعة عليهم : عاينو من ما دخلنا المدرسة دي قليتو ادبكم علينا كثييييير...ومشينا ليكم لكن تهبشو اختي الصغيره لا...ابقو رجال ووروني الرماها منو ؟
جمال : ✋ انا انا انا....ممكن اجاوب يا كروزو ؟
كروزو اشر ليهو براسو...جمال : انا الرمييييتها...ولو لقيتها حارميها تاني شنو رايك ؟
همام ضحك : بالجد ؟
جمال هز ليهو راسو...بس جاتو ليك البنيه في بطنو.
ايهم ضرب همام في راسو مراد جا جاري ضربو في ركبتو من ورا...ومسكو من جهة رقبتو ورماه في الارض.
اما كروزو وهزاع ديل كان موضوعهم براه...كروزو جا على هزاع الواقف جمبو عبدالله...عبدالله قام جاري😂
كروزو جا طاير في هزاع ورماه في الارض وركب فوقو وبقا بيضرب فيه في وشو بي عنف.
هزاع قدر يقلبو منو وبقا بيضرب فيه في بطنو بي رجلو .
ناس المدرسة اتلمو وبقو بيصورو فيهم.
باسل لزا مراد وقعد فوقو وبقا بيخنق فيهو...بس مراد كان كأنو متعلم فن من فنون الدفاع عن النفس قدر بسهولة يزح ليهو يدينو من رقبتو..رفع نفسو بي سرعة وضربو في وشو.
الاولاد كانو بيشجعو بي حماس...والبنات مخلوعات...فلة كانت بتفتش بعيونها على هزاع.
كروزو جرا هزاع ورماه في الارض...وقف بي صعوبة وبي كل قوتو وبي جزمتو التمبر...نطا فوق وعفص لي هزاع يدو بقوة.
صرخ بي الم...انس لمن سمع صوت هزاع...جرا عليهو بي سرعة وقبض كروزو من قميصو بي ورا ولزاهو من صحبو.
بي هناك همام نزل ضرب نضيف في جمال الكلب...ومراد حامي ليهو ضهرو...باسم قبض عبدالله وبقا بيهبل بيه وبيلزلز فيهو....مراد مشا ليهو ( قلت ليكم عبدالله دا ولدهم ما بيرررضو فيهو ).
واحد من الاولاد صرخ لي باسم عشان ينتبه من مراد....قبل على مراد بعد مارمى عبدالله...قبضو من قميصو : قايلني حخاف منك يا حلللبي يا ولد الحلبية.
مراد اكتفة بي هيد 😂 في نص وش بسام خلاها يقع في الارض وهو خاتي يدو في انفو الرعفان.
همام وقف ضرب لمن شاف مهاب واقف بعاين ليهم .
كلهم رفعو يدينهم...ما عدا كروزو وهزاع كانو مسخنيني ( WWE).
اي واحد ضرب التاني بي قسوة شديد وكراهية.
فلة كانت بتعاين لي هزاع بي خوف....كانت خايفة عليهو شديد من كروزو.
هزاع بي همس لكروزو : حبيبتك وبقت حقتي.
كروزو صرخ بعصبية وضرب هزاع في وشو بي قوة رهيبة .
هزاع بي رغم الالم الحس بيه...حس كأنو راسو اتفجر...دنقر شوية ولزاهو من تحت عشان يقع الارض...وبقا بيضرب فيه في وشو لحدي ما الدم اتفجر من انفو...وقف بي صوت مهاب : اقيف منك ليه.
هزاع قام ورفس كروزو.
مهاب : بتكلم معاك يا ولد ....قايلين نفسكم وين ؟ على الادارة كلكم سريع.
مشو كلهم الادارة والنظرات النارية متبادلة بينهم.
مهاب : حصل شنو ؟
همام : انحنا شلنا بس حقنا يا استاذ.
مهاب بي نهره : حقك بتشيلو كدا ؟؟؟ ماف احترام للمدرسة؟ عايزين تضاربو امشو الشارع مش في المدرسة.
همام وهو بيأشر على جمال : دا الرمى اختي...وكمان بيقول لي لو لقيتها تاني برميها...بعدين دي ما اول مرة يضايقونا فيها.
مهاب : البلاك شيرتز مش.
ايهم :استنو ادبكم على يدي.
مهاب مشا عليهو : اديتك اذن تفتح خشمك دا ؟؟؟ ولا دي قلة ادب ولا كيف ؟
ايهم : والله افهم العايز تفهمو المهم يعرفو اني ما حاخليهم.
مراد : حتهبشونا حتنضربو تاني.
مهاب فضل يعاين ليهم بي نظرات غامضة : كويس...كويس يا اولاد المستقبل ...باين ليا ماعرفتوني كويس....امشو اغسلو وشوشكم من الدم دا وتعالو لي بره في الساحة .
مشو الحمامات ولولا خلو اساتذة يمشو معاهم كان حيضاربو تاااااني.
المهم غسلو وشوهم وطلعو بره...هزاع عيونو كانت مطششة كدا...من الضربه.
المهم مهاب وقف المدرسة كلها طابور...عشان يوريهم حيعمل شنو.
كان موقف الشلتين صف زي العايز يعدمهم.
بعد شوية جاهم بي مكننننة حلاقة 😈.
الوحيد العفوه عبدالله لانو ما عمل شي ...
جرا ايهم اول شي لانو قل ادبو عليه....كررررر حلق ليهو شعرو كلللو 😂....الطلاب بقو منطرين عيونهم وبعيانو بي خلعة....مي بكت جنس بكاء 😭على ايهم ولا على شعرو ماعارفة بالضبط.
جرو بعديه كروزو كررررر حلقو الشعر....بعديهم جمال وباسل وباسم.
وجو على اصحابنا💔.
جا همام اول...واحدة من جكساياتو : حرام يا استاذ 😭.
مهاب :حاحلق ليك معاهم 😒
قلبك يتحرق على الشعر الاتوقع في الارض.
بعديهو حلقو لي انس 💔...بعديها هزاااع.
مهاب : كان تجيني ومشكلة اختك دي ححلها ححلها...لكن تجي تضارب لي مع واحد في المدرسة ما بخليك ابدا.
اخر واحد كان مراد...
واحدة من البنات : استاذ اعفي دا عليك الله..دا ما شعر يتحلق.
مراد ابتسم وهو مدنقر راسو...وللافس الافيس حتى مراد كردو ليه شعرو كلللو 😂.
خلاهم كلهم فلاااات.
مهاب رما المكنه في الارض : المدرسة دي حتمشي على مزاجي وبي قوانيني والماعاجبو يتفضل ( بنات بحري النموذجية الكلام دا ذكركم بي زول ؟🌚)...يلا كلكم على فصولكم اما البلاك شيرتز خليكم واقفين لي هنا.
دخلو كلهم بي سكات...عبدالله كان قاعد في النص وبعاين ليهم...مشا يدو في شعرو وبلع ريقو ورجع يعاين ليهم تاني...فجأة انفجرت ضحكة مراد بي صوت عالي على اصحابو.
كان اي واحد بعاين للتاني وبيضحك .
همام : المهم دقيناهم ياخ 💪
انس : فدينا شعرنا لي دقهم 😂.
هزاع : انس يا صحبي قبيل حبيتك شديد.
همام : وانا عشقت مراد..ضرب الوسخ الاسمو ايهم دا.
عبدالله : طبعا انا كنت حادق كروزو المعفن دا 😠...لكن بس المشكلة هزاع استلمو...عشان كدا ما دقيت.
علت صوت ضحكاتهم.
همام : انتي يا بطوطة يا حلوة لمن تتمي ال16 سنه بعدين دقي معانا.
عبدالله : هوي يابو صلعة اتكلم معاي كويس 😒.
همام : اهاااا حتغلط عشان ما حلقو ليك شعرك.
انس : نحلقو ليك احنا 😂.
مراد طلع تلفونو : لازم صورة بي شكلنا دا.
واتصورو سريع ودخلو التلفون قبل ما مهاب يجيهم.
فلة جاتهم الفصل بي تردد...
مراد بقا متابعها بعيونو...هزاع كان مديها ضهرو...لاحظ لي نظرات مراد وعاين طوالي وراهو ....اول ماشافها وقف.
فلة وهي بتبلع ريقها : معليش...معليش على شعركم ...وسلامتكم.
عاينت لي هزاع : ما يكون الحصل دا بي سببي انا 💔.
هزاع :لا لا...سببك شنو ياخ...اصلا احنا من زمان مستنيين الشكلة دي معاهم.
فلة : طيب سلامتكم كلكم .
كلهم : الله يسلمك.
فلة بي ضحكة : لكن ادبتووووهم والله 😂.
همام : عجبناك 😉؟
فلة بي ضحكة : شديد.
همام : لو عندك شكلة او اي شي بس تعالي لينا 😉.
فلة : ان شاء الله 😂....يلا عن اذنكم 😊.
هزاع : اتفضلي.
راقبها بعيونو لحدي ما اختفت...وهو ماعارف انو مراد برضو متابعها بعيونو.
نرجع للبلاك شيرتز...مهاب جا بعد ما مشى المدرسة الاساسية وهو جايب معاهو كم شافع سمين كدا 😂.
قعدهم ليك في السرميك الحار وركب الاطفال في ضهورهم وخلاهم يعملو تمارين ضغط...جمال يشيل ويقع على بطنو وتاني يقوم وتاني يخبط الارض 😂.
اما كروزو داك كان ماشاء الله بي سرعة وقوة من شدة الغضب.
معاب وقف يراقب فيهم...ايهم حس يدينو حتتسلخ من السخانه...بس فضل ساكت وحاول يستحمل...اما الباقيين بقا ليهم بمممممبي عديل كدا.
مهاب نهائي ما حنا عليهم خلاهم كدا لمن زيتهم طلع.
( خلاص يا مهاب ياخ...سيبهم عشان وييييف 😂😉...حيفهموها ناس كدا 😉)
بعدها رجعهم فصولهم.
قبل ما الدوام يخلص جاهم مهاب ووراهم انهم كلهم مفصولين لحدي نهاية الاسبوع...
الدوام خلص والتراحيل بدت توصل.
فلة كانت قاعدة في المدرج مستنيه ترحيلها...هزاع جا قعد جمبها.
فلة : هزاع 😀
هزاع : اي التوأم الشرير.
فلة : لا خلاص غيرت رايي 😂...قبيل خفت عليك شديد
سكتت لمن انتبهت لي كلامها.
هزاع :خفتي علي 😏؟
فلة : لا...اي...لا...ياخ يعني خفت خوف عادي يعني.
هزاع :وانا هسه غالطك ؟
فلة اتنحنحت بي احراج : صحي فصلوكم ؟
هزاع :اي ✌.
فلة : كم يوم ؟
هزاع : نهاية الاسبوع دا
فلة : يعني الاسبوع دا كلو ما حشوقك 😱..اقصد ما حشوفكم يعني...انت وهمام وعبودي ؟
هزاع بي ضحكة : للاسف والله...لكن عبودي ما معانا.
فلة : يا حليلو حيكون قاعد وحيد.
هزاع : اي 💔.
سكت شوية  وبعدها قال : شعرك لونو حلو ❤.
فلة وهي بتمشي يدها فيهو : بالجد 😀...شكرا ☺.
هزاع : العفو 😉.
في الوقت دا كروزو كان واقف في فصلهم طول اليوم ما قتح خشمو بي كلمة.
هزار جاتو في الفصل.
هزار : كروزو ازيك ؟
عاين ليها ورجع بعيونو للشباك.
هزار ختت يدها في كتفو : ما تزعل نفسك...انت كروزو ...ما زول هين...وحتعرف تأدبهم كويس انت وهيما.
ابتسمت وهي بتقول : وبالمناسبة الفلات حلو شديد فيك.
قربت منو بي جراءة وباست خدو لي مدة طويلة...ضربتو بخفة في كتفو : يلا ما تزعل نفسك عشاني.
ماكان شغال بيها...كان متابع بي عيونو هزاع وفله البيضحكو ويتونسو سواااا.
هزار عاينت للشباك وشافت فله...اتغاظت شديد.
شالت شنطت كروزو :حبيبي يلا ننزل...الحشرات ديل حنلقى ليهم طريقة.
قام معاها بي سكات ونزلو تحت.
______________________________
ناس فله وصلو البيت.
اول ما دخلو حبوبتهم نطرت عيونها : سجم خشمي شعرك وين ياود 😳
فلة : عمل مشكلة في المدرسة وحلقوهو ليهو.
ياسمينه : لو سمحتي كان بيدافع عن اصحابو العايزين يضربوهم.
ماما زينب : ولي يحلقو ليك شعرك.
فلة : ما براهو يا ماما زينب كلهم حلقو ليهم 😑.
ياسمينة : مديرنا حربي 💪.
ماما زينب : غايتو بس...اتلقي حرقهم.
مراد بي ابتسامة : الحصل حصل...المهم انتي كيف كان يومك ؟
ماما زينب : انا كويسة بي شوفتك.
فلة رفعت حاجبها.
مراد باس راس ماما زينب : الله يخفظك لي .
فلة : لينا 😠
يا جماعة ما تلوموها بتغيري ياخ 😂😂😂😂...ختو نفسكم مكانها.
مراد : ماما زينب انا الليلة ماشي بيت عمي .
فلة : اي اي ...احسن تمشي تزورهم صلة رحم وكدا يعني.
مراد : حامشي واجي يوم الخميس .
(احلى شي انو بيسفه فوووووولااااا 😂)
مشا استحم وغير هدومو...شال شنطة ضهر ختا فيها حاجاتو وطلع لي احمد المستنيه برا.
المهم احمد وداهو بيت عمو.
يلا عمو علي دا الناس بتسأل كيف تركي وعايش في السودان وبيتكلم سوداني وكدا...مرتو الشريرة دي اصلا بنت القنصل السوداني في تركيا في فترة الثمانينات...اتزوجها لمن كانت زميلة ليهو في الجامعة...ولمن انتهت فترة شغل ابوها رجع معاها السودان.
المهم..اول ما دخل لقا امل...ابتسمت بي سعادة لمن شافتو....سلمت عليهو سلام حار وسألتو من مارين وراها انها نامت وما حب يزعجها.
امل عاينت لي احمد : ياااا انت...هوي ها...امشي سريع جيب لي الحاجات الطلبتها .
احمد : هسه لكن ؟
امل : ما تسألني...تنفذ وبس مفهوم ؟
احمد : لكن ..
امل بي نهرة : اللواية 😒...ما تتكلم معاي كثير...ما تنسى انا منو وانت منو  يا حشره.
ظهر الاحراج في وش احمد...هزا ليها راسو ومشا بره.
مراد انضايق من اسلوبها.
عاينت ليهو بي بسمة : بكرة عندنا حفلة في البيت لازم تحضرها 😉.
مراد : طيب.
سكت مسافة وبعدها سألها : انتي لي بتعامليهو كدا ؟
امل : لانو حقير بي معني الكلمة.
دخلت معاهو جوه....امها من شافت مراد قامت عليهو وسلمت عليه بي حب مبااالغ  وخلتو يدخل يرتاح.
مراد قضا اليوم كلو مع امل...كانت ظريفة شديد بتتونس معاهو وتضحك...عكس اسلوب كلامها مع الباقيين.
امها جاتها داخلة : جهزت ليك فستانك حق بكره.
امل : ما قلت ليك جهزي لي...ما بحب ذوقك .
_ امل اتكلمي معاي بي ادب .
امل : ولو ابيييت ؟
امها : طيب عندي معاك تصرف تاني.
امل : مبروك ياخ 😒
( يا جماعة صراحة كدا نسيت اسم الام 😂...ذكروني ليه في الكومنتات 😸).
مراد : انتي لي بتتكلمي معاها كدا ...عيب ...دي امك.
امل : سيبك منها عليك الله...انت ما فاهم شي.
مراد : ما تتعاملي معاها كدا ماف شي زي الام...اسألي زول فقد امو .
امل : امي انسانه استغفر الله...بعدين اي شي بتراعي لي مصلحتها بسسس...عارف...كان في واحد جا يتقدم لي...مهذب وولد ملتزم وطموح وكويس في اي شي...رفضتو لي...اتخيل عشان بس مستواه اقل مننا ...قلت ليها القروش بجيبها وبشيلها الله..بس ما سمعت كلامي طردتو واحرجتو...بالجد انا كنت عايزاهو...عايزة تخطب لي ولد صحبتها...واحد كدا...ولد امو مدلع وما حمش😂...بكره بوريك ليهو حيجي.
مراد : دا سببك يعني ؟
امل : لا ....المهم خلينا نغير السيرة تعال عايزة امشي جزيرة توتي اشم هواء هناك...ارح معاي....بالمناسبة دا شنو الفي وشك دا ؟؟؟ ولي شعرك محلوق؟
مراد : بحكي ليك في الشارع.
امل : مراد ...انت رعفان.
مسح الدم بي سرعة ومشا على الحمام...المهم جاها راجع وطلع معاها.
_______________________
صباح اليوم التالي...التوأم نايمييين طبعا مفصولين وكدا 😂.
ورد صحت عروة قالت ليهو زهجانه شديد طلعني ان شاء الله بس في الشارع....جهزت وكل حاجة بس المشكلة في شعرها الما عرف يسرحو ليها وهي ما بتحب البشتنه...صحا التوأم مسك اي واحد فيهم جزء عشان يضفرو ليها😂...بشتنوها بشتنة السواد...وهي طوالي انفقعت فيهم وبقت بتبكي وهم ماعارفين يعملو شنو 💔.
جات بنت الجيران طالعة...سلمت عليهم ...كانو اول مره يشوفوها.
البنت : ان شاء الله خير لي بتبكي.
عروة : ماعرفنا نسرح ليها شعرها.
ابتسمت وجات ضفرتو ليها بي طريقة حلوة وختت ليها ضفيرتها في كتفها.
عروة : شكرا .
البنت : العفو
كانت من النوع البيخليك تتبسم برااااك داك.
المهم عروة طلع ورد اتمشا بيها  وبعدها رجعها البيت...ومشا على الجامعة...مرا يومهم عادي...وهو طالع كدا شاف شكلة مدورة...قرب يشوف الحاضل...لقا نفس البنت الصباح وفي ولد بيتشاكل معاها بي وقااااحة .
        _ نهاية الفصل الرابع عشر_