ثانوية المراهقين -١-

١١

لف حول المدرسة لحدي وهو مركز مع اي حاجة حاصلة.
لقا ليهو مجموعة قاعدين بره : انتو سنه كم ؟
واحد من الاولاد : سنه 3
_ طيب لي قاعدين بره ؟
_ كدا بس مزاج .
_مممممممم مزاج
_انت منو ما مطمني بي لبسك دا.
_ لا ما تخاف😏
واحد تاني من الطلاب : عاين يا استاذ احنا ندخل الحصص لي واول الدفعة ما بخش ولا حصة مهما تعبنا واجتهدنا بخلوه يجي اولنا .
_ دا منو هو ؟
_ محمد حسن الملقب بي كروزو .
مشا خلاهم وطلع مكتب الادارة فوق...اول ما نائبة المدير شافتو قامت : اهلا وسهلا يا مهاب ...اها مستعد عشان تمسك الادارة ؟
مهاب :في شوية اجراءات حاعملها اول بعدين حامسكها...اول شي عايزكم تدوهم خطابات كلهم انو بكره في اجتماع لي اولياء الامور لازم اقابل اهلهم.
النائبة : طيب انا حكلم السكرتيرة...عن اذنك.
طلعت من المكتب وخلتو...لفا عشان يقعد في الكرسي...ضرب بي طرف اصابعو في التربيزة...وبعدها قام ...شبك يدينو ورا ضهرو وهو بعاين بالشباك الزجاجي الكبير للطلاب في الساحة : انا الحاحسم الفوضى دي.
في فصل هندسية :
عبدالله : يعني فلة بتبقى ليك 😱.
هزاع : اقسم بدين الله دي تنفع رواية عديل.
انس : فلة دي منو ؟
هزاع : بوريك ليها بعدين.
عبدالله : ظريفة صح ؟
مراد : ابدا .
عبدالله : بالعكس ياخ فلة دي طيبانه شديد.
مراد : كانت باردة شديد وبعدين بتحس بيها كدا مغرورة اكثر من اللازم
دايما اي زول ما فهمك كويس او اكتفى بي تصرف ليك من بعيد طوالي بتلقاهو بينعتك بالمغرور...مع انو لو حاول يقرب ليك شوية حيكتشف العكس.
سكتو لمن جات بنت لي انس .
البنت : انس معليش على الازعاج بس ممكن لو سمحت تشرح لي درس الكيمياء انا ما قدرت افهمو
عبدالله : اي اكيد طبعا هو ماعندو حاجة بس انتي حددي الوقت 😀 ( الناطق الرسمي بي اسم اصحابو )
البنت : ما عندي مشكلة في اي وقت...انت فاضي متين يا انس ؟
انس بي حياء : ممكن في الفسحة.
طبعا كلنا بنربط كلمة حياء دي بالبنات فققققط...مع انو ما مقتصر على الجنس الناعم فقط...في اولاد عندهم حياء ودي حاجة بتزيدهم رجولة 😻....زي انس مثلا 💔.
بتلقى الواحد كدا ما هنااااااي يقلع عينو في عينك وانت بتتكلم...بتلقوهم دايما لمن يتكلمو بكونوا منزلين عينهم في الارض ودي اجمل نوعية.
المهم...كلهم نطرو عيونهم لمن سمعوا صوت الجرس...جوهم الاسلاذة وطلبو منهم ينزلو تحت بي سرعة 😱😱😱...نزلو كلهم والشمار حارقهم....حتى فلة وكروزو جو طالعين.
❤️❤️❤️❤️❤️❤️❤️❤️❤️❤️❤️❤️❤️
عيونهم كانت مركزة مع الشاب اللابس هدوم الكلية الحربية وهو بيتكلم : السلام عليكم....انا مهاب عبد العزيز مديركم الجديد...من الليلة الفوضى الفي المدرسة دي لازم تنتهي...في قوانين جديدة حنزلها ليكم تلتزم بالقوانين كدا تمام وما عندنا مشكلة مع بعض ... اما تعمل لي فيها شفت وما تسمع الكلام يا ويلك ( اتذكرت فيلم اللمبي ) .
واحد من الطلاب بي صوت عالي : كلهم قالو كدا وفي النهاية احنا البنمشي كلمتنا .
مهاب سكت شوية : الشاطر القال كدا منو يطلع لي .
😂😂😂😂😂😂😂
ماف اي زول طلع.
مهاب :حتطلعوا لي ولا حتتعاقبوا كلكم .
واحد تاني بي مسخرة : نتعاقب كلنا يا انشراح.
علت صوت ضحكة الطلاب بي شماته 😂😂😂😂💔💔💔💔💔💔💔
مهاب : حلو جدا....انا شايف الجو جميل خليكم كلكم واقفين هنا.
هزار :بتهظر صح ...الشمس حتنجضنا.
مهاب : خليها تنجضكم شوية عشان صراحة انتو نيين .
كانو فاكرنو بيهظر في البداية....وقفو دقيقة دقيقتين 10 دقايق.
كان لابس نضارة شمسية وقاعد في كرسيهو وبعاين ليهم.
مضت نص ساعة كاااااملة...والجماعة خلاص عايزين يموتوا واقفين والشمس طلعت زييييتهم.
جمال : يا زول هوي كترتها انا ما حاقيف اكثر من كدا.
مهاب قام على حيلو : احلف.
عمل خط بي رجلو قدامو : لو راجل بس اتعدا الخط دا 😏.
جمال رجع ورا وهو بيلع ريقو من نبرة التهديد الفي صوت مهاب.
مضت 10 دقايق تانية وهم خلاص قرب يغمى عليهم.
في ولد رفع يدو :انا الاتكلمت يا استاذ خلاص اسف رجعنا فصولنا.
مهاب وهو بيقيف : ومن قبيل ساكت لي.
عاين لي بقية الطلاب : ارجعوا فصولكم بعد دا ...وانت تعال لي هنا.
دخلو جوا فصولهم وهم ما قادريت يتحركو من الشد العضلي الجا في ضهورهم 😂😂😂😂.
مهاب : انت حتكمل الساعة تحت الشمس
الولد : كيف يعني يا استاذ
مهاب : كدا ....يعني حتقيف الكم دقيقة ديل عشان تتأدب.
الولد : يا استاذ ياااااخ
مهاب بي نهرة : اقيف وقفة رجال...وقفة معتدلة يا طالب وما داير اسمع صوتك.
الولد وقف وقفة كدا زي العساكر 😂😂😂😂😂....وهو بالع لسانو.
مهاب كان مراقبو بعيونو...الوقت مرا كأنو سنه...بعد م الساعة انتهت خلاهو يرجع.
جا ماري على فصل ادبي...الحصة كانت شغالة...الماسك تلفونو ماسكو...والبيقرا في كتاب براهو بيقرا...والبيتونسوا بيتونسو...اما هزار كانت قاعدة فوق الدرج وبتضرب في منكير.
مهاب : دا شنو .... ما عندكم ذرة احترام لي المعلم الواقف قدامكم دا ؟ وبعدين دا شنو اي بنت وولد قاعدين جمب بعض....اقيفوا على حيلكم سريع....كلهم وقفوا..