ثانوية المراهقين -١-

١٥

□ الجزء الاول □
♡ الفصل الخامس عشر ♡
البنت كانت بتتكلم بهدوء...اما الولد هايج ويجعجع قدرتو.
البنت : عاين وطي صوتك هسه انا ما قاعدة اتكلم معاك بالاسلوب دا .
الولد : لا بتكلم عالي عشان الناس تعرف .
البنت : قليل ادب بس...والبينا انتهى.
الولد بي صوت عالي :انتي قايلا نفسك منو ؟ اصلا انا كنت مقضي بيك وقت ما اكثر.
عاينت ليهو من فوق لي تحت ومشت...مشا وراها ومسكها من يدها عايز يضربها كف.
عروة اتدخل ومسك ليهو يدو : يا زووووول.. حتمد يدك على بنت ؟
الولد : اي بمدها انت مالك ؟
عروة :استرجل بالله....ماف راجل بيضرب ليهو بنت ( عاينو عشان نكون واضحين...احنا ندقكم لكن انتو ما تدقونا ☺)
الولد : شنو ؟ استرجل ؟ انت حتوريني الرجالة كيف ؟ بضربك انت زاتك
عروة فك يدو وربع يدينو قدام صدرو : طيب جرب حظك...مستنيك .
الولد طوالي رفع يدو عايز يضربو...عروة مسك ليهو يدو ولواها ليهو...وطبعا الناس كلها كانت واقفة...لزاهو في الارض : حاجة انت ما قدرها ما تجربها .
شباب الجامعة اتدخلو وحجزوهم.
عروة نفض هدومو ومشا.
البنت لحقتو : لو سمحت.
قبل وعاين ليها .
البنت :شكرا ليك ...
عروة : ماف داعي للشكر دا واجبي.
البنت :انا يمنى.
عروة :اتشرفنا والله...مش ساكنه معانا ؟
يمنى :اي .
عروة : ممكن اوصلك معاي ....
يمنى : شكرا ليك....لكن برجع مع الترحيل .
عروة : العفو...طيب يلا عن اذنك.
يمنى : اتفضل .
___________________________________
مراد صحا من النوم...كان تعبان شديد...لي درجة انو امبارح ما قدر يتكلم مع الجكسوية 😉.
قام بي تكاسل ودخل الحمام...حسا بي حاجة نازلة من انفو عاين في المراية لقا نفسو رعفان استغرب من سبب الرعاف المفاجئ...اخد ليهو حمام...طلع من الحمام وهو بنشف في جسمو...كنت دايرة اقول ليكم خلل شغرو بيدو 💔...لكن اتذكرت انو احم احم...وقف في البلكونه وبقا بعاين تحت...اذا به فجأة يشوف امل بتتشاكل مع احمد وامها...تردح فيهم قدرتها...بعدها مشت بي سرعة وخلتهم.
طلعت فوق وهي بتشيل في انفاسها بي غيظ....مراد جا نازل...ابتسمت لمن شافتو : صباح الخيييير بالضهر
مراد : صباح النور بالضهر برضو
امل : نمت كيف ؟
مراد : والله الحمدلله .
امل : مراد انت رعفان ؟؟؟
مراد ختا يدو في انفو بي ضجر : ماعارف مالي كل دقيقة برعف .
امل : يا ساتر ... ارح اوديك الدكتور.
مراد : اي احسن اشوف مالي.
امل : ثواني بس اغير هدومي .
جرت فوق غيرت هدومها ومشت معاهو المستشفى...المهم الدكتور كشف عليه وطلعت النتيجة نضييييفة .
رجعو البيت...المهم كانو بيجهزو للحفلة الحتتعمل في بيتهم.
___________________________________
عروة وصل البيت...لقا التوأم قاعدين وورد قاعدة في نصهم بيأكلو فيها.
عروة : بسم الله ماشاء الله واحدة يدها مكسورة...واتنين مفصولين...امي لو عرفت حتقتلني.
همام : فصلونا عشان جبنا حقنا.
عروة : غايتو عبارة عن رمتالة...زمان في الثانوي دا كنت مسكين ومسالم ولا مره ما عملت مشكلة .
هزاع : دا انت وديل احنا .
عروة : خلاص ما تتفاصح 😒...يا ابو صلعة 😂...وبالمناسبة امي جايه بكره بالليل.
همام : اشتقت ليها ياخ 💔.
ورد : همام شوف قدامك ...دخلت لي الاكل في عيني.
همام : اوبس 🙊...سوري.
شال منديل ومسح ليها وشها...
عروة : دا حب متين دا ؟؟؟
هزاع : انا زاتي احترت.
عروة : انا بعدين ماشي الكورة...
هزاع : جايين معاك 😀
همام : اي جايين معاك 😀.
عروة :وورد حنخليها وين ؟
ورد : 😔.
عروة : لقيتها....بنت الجيران السرحت ليك شعرك الصباح اوديك ليها ؟
ورد : يمنى ؟
عروة : بتعرفيها ؟
ورد : اي ☺.
عروة :طيب كويس اوديك تقعدي معاها مسافة نمشي ونجي.
ورد : تمام.
___________________________________
فلة كانت قاعدة بتقرا...تلفونها ضرب....كانت ميرنا.
فلة :الو
ميرنا : فلة دي شنو الصور المنزلاها في الفيسبوك دي؟
فلة : صور شنو ؟
ميرنا : ادخلي شوفيها .
فلة حاولت تفتح الاكاونت حقها بس ما فتح ليها...رجعت لي ميرنا : عايني الاكاونت ما بيفتح معاي 😢.
ميرنا : معناها اتهكرتي ...استني برسل ليك سكرين شوت.
فلة : طيب.
بقت قاعدة على اعصابها ...شوية كدا تلفونها اتهز...فتحت الصور...ختت يدها في خشمها بي خلعة : لا لا مستحييييييل....دا شنو دا 😱.
رمت التلفون من يدها...
قالت بي غيظ : يعني كدا يا كروزو ؟ كويس .
قفلت كتبها لانها بقت ما فاهمة اي شي....كانت حتنفجر من الغيييييظ....وقفت قدام المراية : لازم تكوني قوية...حتعرفي تتصدي ليهو..
صرخت بي غيظ : الكلب الحيوان المريض.
____________________________________
التوأم وعروة ساقو ورد وبقو مستنيين يفتحو ليهم الباب...شوية كدا جاتهم يمنى طالعة.
عروة : السلام عليكم .
يمنى بي ابتسامة : اهلا وعليكم السلام .
عروة : معليش بس احنا طالعين ...ممكن تخلي اختي شوية معاكم .
يمنى : جدا...ماف اي مشكلة.
مدت يدها : تعالي يا ورد 😍.
عروة : شوية وحنجي.
يمنى : ما مشكلة اخدو وقتكم .
المهم نزلو ومشو ميدان الحي.
كلهم كانو تامين بس فريق عروة...اتخيلو مستنيين منو 😂...مستنيين سمسم لانو الحارس 😂...
واحد من الاولاد : يا عروة ياخ احنا استنينا كثير والله .
عروة : ثواني بس هسه بيوصل.
هزاع كان لاعب معاهم وهمام بيشجع ساي.
همام : هندا ليهو وصل.
قبل على الولد الجمبو : طبعا دا سمسوم صاحب اخوي الكبير.
عروة : دا شنو يا سمسم جاي بي قميص وبنطلون جينز وشبشب ؟
سمسم : صواني.
طلع جزمتو الخاتيها في خصر البنطلون بي ورا 😂.
هزاع : لي دا كلو ؟
سمسم : صرقتها من عمر اخوي.
عروة :حتلعب بالجينز ؟
سمسم : صواني 😌
فتح زرارة البنطلون وفتح السسته وطلع البنطلون 😂.
همام للولد الجمبو : عاين انا كنت بكذب عليك انا ولا بعرفو ولا شي.
عروة ختا يدو في وشو : امشي امشي.
سمسم :امشي وين ؟
عروة : المرمى 😑
سمسم : ايوااا...حشرفكم الليلة 😌...ولا برافو زاتو.
المهم بدو يلعبو.
سمسم متكل على العرضة بتاعت المرمي وبتكلم ليهو مع واحد : شفط انا والله ملقبني بي برافو...من ما انا صغير شفط كورة واحضة كضا بطضخل المرمى ماف وانا واقف.
فريقو كلو بقا بكورك ليهو : يا سامي الكورة جاتك.
الولد ماشات قوي...سمسم جا جاري ونطا فوقها : قبضتها.
حكاية الدقيقة سمسم راقد في الارضية 😂.
عروة :يا سمسم صدقناك والله ياخ قوم ياخ 😭.
قام ورماها ليهم ...رجع تاني يتكلم مع الولد : يلا انط عارف...على فكره ناضي المريخ طلب اجي العب معاهم...لكن عشان ظروف الضراصة ( الدراسة... حسيت انكم ما حتقدرو تفهموها 😂) قلت اضحي عشان العلم وكضا...
في اللحظة دي توشك الكورة جات داخلة 😂.
هزاع قعد في الارض :سمسم 😠.
الاولاد كلهم جو ناطين فيه عملو ليه اختناق.
عروة : الفضيحة الفضيحة .
سمسم : ياخ خلاص معليش ما حيدخلو طاني .
همام كل دقيقة ياكل التيشيرت بتاعو : يا سمسم بتبالغ والله ياخ نط فوق وزحها...المشكلة سمسم مصر يحكي للولد بالانجازات الرائعة بتاعتو 😂.
المهم نهاية اللعبة غلبوهم بي 5....لو ماعروة كان واقف جمب سمسم كان هرسوه 😂.
واحد من الاولاد : دا الحارس الجايبو لينا يا عروة ؟
عروة وهو بيمسح في العرق من وشو : معليش ياخ.
الولد : عليك الله هو بيبلع شنو ؟؟؟ البالعو دا قوي خليه يدينا منو.
عروة : ما بيبلع....دا ساطل بالجينات 💔.
هزاع : والله تاااااني لعبة فيها سمسم ما لاعب نهاااائي....فضيحة ياخ معقولة يغلبونا 5 ؟
سمسم كان قاعد في كرسي ومستمر يحكي للولد : المهم يلا لمن رفضت عرض ناص المريخ...جوني ناس الهلال...قلت ليهم يعني ضي حتبقى حقارة اوافق العب معاكم وارفض ناص المريخ....عشان كضا 😌.
عروة : قوم قوم 😑.
هزاع عاين لقا انس قاعد مع همام .
انس : والله ماشاء الله 😂...لعبكم جميل 😂...وحارسكم عسل 😂.
همام : حارسهم سااااطل 😑.
سمسم قام من الكرسي : انا الليلة بص عشان ما عندي مظاج.
عروة : عليك الله اسكت 😑
قام مع اخوانو.
سمسم : هوووي اصطنوني .
شال حاجاتو ولحقهم 😂.
رجعو البيت ومشو لي ورد.
ورد : خلوني شوية ياخ 😢.
يمنى :اختكم عسل والله ونستنا ☺.
همام : انتي زاتك عسل والله .
عروة اداهو حميرة 😒...يعني اقعد بي ادبك.
عروة : يا ورد الوقت اتأخر.
ورد :خلاص يا يمنى بجيك بكره بعد ما تجي من الجامعة ☺.
يمنى :شرفي في اي وقت 😍.
المهم رجعو بيتهم...وسمسم كان نايم معاهم .
________________________________________
في بيت علي عم مراد .
خلاص حفلتهم بدت...كانو الناس الفيها...غايتو ناس كدا لكن ما ناس عادية 😂...بيديك احساس ارستقراطيين كدا.
المهم مراد وامل اتأنقو ونزلو تحت.
الناس كلها انتبهت...للصبي الوسيم النازل مع امل.
امل بي همس : مراد مراد هندا ليهو ولد صاحبة ماما.
مراد عاين للشاب اللابس بدلة...كان طويل وجسمو رياضي...حالق شعرو بالجنبات بس...والباقي عاملو كعكة صغيرة كدا...بديك احساس لاعب كورة لاعب كورة .
امل : شوف بعاين للبنات كيف.
مراد : ايواااا.
امل : دا انا لو حيقتلوني ما بعرسو.
مراد اكتفى بي ابتسامة .
فجأة راسو وجعو شديد وتاني رعف...
استأذن من امل وطلع فوق.
دخل غسل وشو في اوضتو بلع حبتين بندول...عايز يطلع سمع صوت مرت عمو بتتكلم في الممر...طبعا الطابق كان كلو غرفهم بس...وماف زول بيطلع فوق غير ناس البيت.
ايمان : احمد انا حاسا اننا اتكشفنا...امل تعاملها اتغير شديد معاي.
احمد : ياروحي ما تخافي ماف زول عرف اي حاجة.
ايمان : طيب لي امل بقت بتتصرف كدا .
احمد : انتي مدلعاها شديد وما علمتيها تحترمك.
ايمان : حبيبي انا خايفة والله.
احمد : قلت ليك ماااا تخافي انا معاك.
ايمان : خلاص انزل ماف زول يشوفنا.
احمد : انا مشتاق ليك شديد
ايمان : حنتلاقى بكره يا روحي .
احمد : طيب امري لله بحبك .
ايمان :وانا كمان .
مراد رجع لي ورا من الباب بي خووووف وحسا بطنو دي قلبت...دخل الحمام بي سرعة ورجع من التوتر والخوف...في اللحظة دي كره نفسو وكره مرت عمو واحمد.
ما قدر ينزل تحت فضل قاعد في اوضتو وجسمو وقلبو بيضربو... بعد شوية الامور اخذت منحنى تاني...بقا بيرجف بي طريقة شديدة وكان حاسي انو بردان شديد.
امل جات الاوضة دخلت طوالي : اخ اخيرا لقيتك مشيت وين ؟
نطرت عيونها : مراد ؟ بسم الله مالك ؟
مشت عليهو لقتو محموم شديد.
طلعت ليهو جزمتو...وغطتو كويس...طلبت يجيبو ليها مكمدات لي مراد.
مراد كان مع الحمى بيهلوس وبيقول كلام غريب...والعرق ملا جسمو 💔.
ايمان جات داخلة ليهم : امل معقولة ؟ الناس مستنياك تحت انزلي ليهم .
امل : مراد عيان .
ايمان :خلاص انزلي وانا بوصي عليهو.
امل : لا ما نازلة
ايمان :حبيبتي لو سمحتي عليك الله انزلي طيب سلمي وتعالي...الناس عايزة تسلم عليك....انا بقعد معاه...امشس وتعالي.
امل عاينت لي مراد بي تردد وبي ترجيات امها نزلت.
اول ما طلعت...ايمان ابتسمت بي لؤم...طلعت حقنة صغيرة فيها سائل اصفر .
مشت على مراد براحة ومسكت يدو ...هو كان تعبان شديد راسو ما قادر يرفعو...دخلت الابرة في وريد وطعنتو...طلع منو صوت انين متألم.
غطتو وهي بتعاين ليهو بي كره : الله يرحمك.
طلعت من الاوضة بي سرعة.
في اللحظة دي امل جات.
ايمان : خليهو اديتو دواء مخفض للحرارة وهسه نام ما تزعجيه...اقعدي مع ضيوفك شوية....ارح ننزل.
امل عاينت لي باب الاوضة...امها ختت يدها في ضهرها.
امل : زحي يدك مني 😒.
نزلت تحت بي سرعة...ايمان عاينت لي باب اوضة مراد ابتسمت ولحقت بنتها.
_ نهاية الفصل الخامس عشر-