ثانوية المراهقين -١-

١٨

~ ثانوية المراهقين ~
                          •الجزء الاول •
                                 ♡ الفصل الثامن عشر ♡
هزاع مشا على بيت مراد ...لقاهو مستنيه في الشارع...البيت ما بعيد شديد منهم .
مراد : ان شاء الله خير في شنو مالك ؟
هزاع : .........
مراد : تعال تعال ادخل جوه .
طلعو الاتنين فوق اوضة مراد .
مراد : اهدا...اهدا وروق ولمن تكون عايز تحكي انا معاك .
هزاع رقد في السرير على ضهرو....مراد قعد في كرسي بعيد منو وهو بعاين ليهو .
هزاع قام بي غيظ من السرير : اتخيل ضربتي كف عشانو ؟
مراد : منو ؟
هزاع وهو بيقعد تاني في السرير : امي
مراد :فهمني اكثر.
هزاع : ابوي دا انا بكرهو 💔
مراد :لي ؟
هزاع صوتو اتغير  : ياخ زمان سابنا....ومشا عرس ليهو واحدة كدا...وتاني ولا سأل مننا...اتخيل بس.....وهسه يادوب اتذكرنا وجانا....قلت ليهو عايز مننا شنو امي ضربتني.
مراد : انت شايف انك غلطان ولا لا ؟
هزاع : لا طبعا...انا ماعايزو في حياتنا تاني.
مراد : من جواك....من جوه قلبك بالجد عايزو يبعد منكم ؟
هزاع بقا بيتمتم : ي...يعني ...انا...انا...يا الله ياااااخ.
مراد جا وقعد جمبو : هزاع...اسمعني كويس...في حاجات انت ما عارفها...يعني من وراء الكواليس.
ابوك دا ما تخسرو...كونو انو تشوفو واقف قدامك دي براها بالدنيا....اسمع كلامي انا....انا فقدت امي وفقدت ابوي....فقدت اغلى حاجتين عندي...فا انت النعمة العندك ما تفقدها صدقني...استمتع بيهو...استمتع بي انو ابوك عايش...والله شعور مؤلم ...مؤلم شدييييييد بتحس بي فراغ كبير شديد جواك...بتحس انك ناقص عن التانيين...كونو يكون في مشكلة بينو وبين امك ما تخليها تأثر في علاقاتك معاهو.
هزاع : ..........💔
مراد : فكر في كلامي دا كويس....ماشي اعمل نسكافيه واسوي ليك معاي.
طلع من الاوضة وخلا هزاع بيفكر في كلامو 💔.
فلة كانت في اوضتها لفت شعرها اربعة كعكات...كانت لابسة قميص كدا حلوووو لونو زهري...بي اكمام طويلة...
سوزي : فلة امشي قولي لي مراد سوزي قالت ليك عندها مشوار عايزاك تسوق ليها.
فلة : طيب .
لبست الكروكس بتاعها وفحطت على اوضتو ( فضيحة في الطريق 😂)
دخلت بعد ما دقت الباب : هوووي مراد سوزي قالت ليك 😱😱😱😱😱.
هزاع : 😳😳😳😳
فلة : 😱😱😱😱😱😱😱
هزاع نزل راسو بي خجل منها...
فلة لفت وقامت جارية على بره ...وطاااخ اطاقشت مع مراد .
مراد : بسم الله مالك .
فلة وهي بتبلع ريقها : جوه ...لقيت هزاع جوه.
مراد :اي جاني قبل شوية كدا
فلة وهي بتستعيد في هدوئها : سوزي قالت ليك عندها مشوار وعايزاك تسوق ليها.
مراد : طيب بعد ما هزاع يمشي.
فلة لفت ودخلت الاوضة...اول شي وقفت قدام المراية : وااااااي يا فلة يعني اليوم اليشوفك فيهو يشوفك كدا ...دا شنو الحظ دا 💔💔💔💔.
سوزي :اها قال شنو ؟
فلة : سوزي منظري دا كعب صح ؟
سوزي : يا بنت انتي مجنونة انا بقول في شنو وانتي بتقولي في شنو 😑.
فلة : قال ليك لعد ما صحبو يمشي .
سوزي : طيب تمام.
فلة تاني ما فهمت اي شي....لا قراية لا غيرو ... بقت حاشة بي زهج كدا من شكلها وكل دقيقة تعاين لي نفسها في المراية 💔.
هزاع : مراد انا حارجع بعد دا .
مراد : طيب ....ان شاء الله تكون استفدت من كلامي .
هزاع : هسه انا اعمل شنو ؟
مراد : اول شي اعتزر لي امك...وابوك حاول تزح العقدة العاملها معاهو.
هزاع :الاولى ممكن...لكن التانية دي الله اعلم
مراد :حاول طيب
هزاع : ان شاء الله
طلع بي سرعة على جهة بيتهم....ارتسمت في وشو ابتسامة لمن اتذكر فلة...بالرغم من كل الكان جواهو والزعل الكان حاسي بيهو نساهو كلو لمن شاف حبيبتو وهي بتعاين ليهو بي خلعة واحراج....ودا كان كفيل بي انو يقلب مزاجو 360 درجة .
اول ما دخل البيت لقا امو قاعدة مستنياه ....مشا ليها وهو منزل راسو بي انكسار...قعد جمبها وقال بي صوت متأسف : امي .... انا اسف لاني زعلتك .
مشت يدها في راسو : عليك الله يا هزاع...ما عايزة اشوفك بتتكلم مع ابوك بالاسلوب دا تاني...انا ما ربيتكم على كدا 💔.
هزاع : طيب 💔.
قام وباس راسها...ابتسمت ليهو ومشت دخلت اوضتها.
دخلت بي هنا عروة جاها داخل.
قمر :اها خير
عروة : عايني من دون مقدمات انا عايز اتقدم لي يمنى بنت الجيران.
قمر :كدي دقيقة براحة علي ...يمنى دي منو .
عروة :بنت جارتنا .
قمر : اها ولاقيتا وين ؟
عروة : في الجامعة .
قمر : عمرها كم وشكلها كيف ؟
عروة : عمرها 20 سنة...وبخليك بكره تشوفيها.
قمر : مالك يا ولد عايز تكبرني 😂.
عروة : خطوبة ساي يا امي ماعرس يعني .
قمر :خلاص انا هسه نعسانه خلينا نكمل الموضوع بكره.
عروة : طيب 😍.
همام كان قاعد مستني هزاع يدخل...اول ماشافو قال ليهو بي نبرة مستفزة : قلة الادب العملتها دي عاجباك ؟
هزاع : شوف مافاضي ليك هسه
همام : انا بقا فاضي ليك...لو تاني اتكلمت مع ابوي بي اسلوب زي دا حاضربك.
هزاع : لو راجل تعال هسه اضربني .
همام وهو بيقيف : جدا .
شال اقرب فردة جزمة وفناهو بيها .
هزاع اتغاااظ منو...وجا ناطي فيهو ورماهو في الواطه.
عروة جا داخل ليهم بي سرعة : يا اولاد دا شنو ؟
جرا هزاع من فوق همام.
همام : والله ما اخليك
هزاع : مد يدك عشان اقطعها ليك
عروة : يا اولاد اهدو 😠.
همام : انت واحد قليل ادب.
عروة : اتلهي يا همام اسكت خلاص.
هزاع : بالضبط كدا
عروة : وانت برضو اتلهي حقعد اتكلم مع اي واحد براهو 😒.
لزا هزاع على جهة سريرو : خلاص امشي .
وحدر لي همام : وانت كمان شوف ليك شغلة 😒.
( عروة يحسسسم الفارغة 👌)
المهم اليوم مضا بي سرعة .
الساعة كانت واحدة صباحا...مراد صحا لمن حسا بي صوت رجلين طالعة في السلم...قام براحة وفتح الباب...لقاها فلة بتتسحب براحة براحة ...تابعها براحة....طلعت السطوح وركبت في سلم الصهريج وقعدت فوقو.
مراد : فلة 😳
فلة : صحاك شنو 😱
مراد : دا شنو الركبك هنا ؟
فلة بي ضحكة : اصلا كل يوم بجي اقعد هنا.
مراد : ما بتخافي ؟
فلة : لا لا فت المرحلة دي...شايف لمن الجو يكون حلو والقمرة مكتمل بكون في جو خااااص كدا...
مراد : والله فكرة .
فلة : مراد ؟
مراد : ايوا
فلة : انا اسفة لاني كنت بتكلم دايما معاك بي وقاحة.
مراد : خلاص فتنا المرحلة دي الحصل حصل .
فلة بي ابتسامة : تمام ☺.
قعدو اتكلمو كثيييير مع بعض...فلة ماكانت عارفة انو مراد فات مرحلة الاعجاب ودخل على مرحلة الحب...كان مستمتع بي كل كلمة بتقولها وكل ابتسامة منها...وغي كل مرة قلبو بيعمل شححححححح.
الساعة لمن بقت 2 ونص يادوبك رجعو اي واحد مشا اوضتو....ومراد النوم غلبو عدييييل ...اما صحبتنا نامت من ما ختت راسها في المخدة....
صباح اليوم التالي في مدرستهم.
هزار كانت قاعدة مع ايهم
هزار : اسمعني...فلة لقيت ليها شي حيدمرها عديل والله 😂...فضيحة بي جلااااااجل ...ماء وجهها حيجف في المدرسة 💔.
ايهم : هسه انا ماشي كويس مع اختها شوية كدا واسيطر عليها .
هزار : خفف من اختها عشان هي حتتدمر بالجد...والله تاني المدرسة دي ما حتقدر تدخلها.
ايهم : عارفك رهيبة.
هزار : اساسا 😌.
ايهم : يلا بلا فلة بلا كرور.
.................................
بي هناك فلة كانت ماشة بي سرعة عشان تطلع فصلها .
وكالعادة المعتادة جات واقعة 😂
فلة : يا الله ياخ 😡...السلم دا مالو كريه كدا.
جاها صوت هزاع الضاحك : عشان بتمشي بسرعة بس  😂.
فلة : شفتني 😳
هزاع هز ليها راسو بي ضحكة .
فلة : لازم تشوفني كدا 💔.
همام جا طالع : فلفولة 😍
فلة : هيما 😍
همام : الاخبار ؟
فلة : الحمدلله .
همام عاين لي هزاع بي قرف كدا 😒...: عايني اشوفك بعدين .
فلة باستغراب من نظراتو : طيب تمام.
هزاع ابتسم بي عدم مبالاة .
فلة : مالكم متشاكلين ولا شنو ؟
هزاع : كدي سيبينا منو عايز اقول ليك شي .
فلة : طيب قول.
هزاع وهو بيشيل نفس : متوتر.
فلة : لا ما تتوتر 😅.
هزاع : فلة
فلة : ايون
هزاع : والله بحبك 💔
فلة قطعت الحركة وما عرفت تعمل شنو....كانت متمنيه اللحظة دي لكن ما اتوقعت تجي بالسرعة دي 💜💜💜.
هزاع : ما تتلبشي وتخافي انا اصلو قلت ليك شنو 😂😂😂...حاكلك ؟
فلة وهي بتبلع ريقها : عن  .... عن اذنك .
هزاع وهو بيعمل تكشيرة الاطفال : يعني ما حتجاوبي علي ؟ ( اتكفل انا بالاجابة 😂)
فلة : ما عارفة اقول ليك شنو .
وفررررر قامت جارية على جهة فصلها ... وقلبها تحلف تقول دلوووووكة....ما اي دلوكة دلوكة انصاف مدني .
هزاع ضحك على جريتها وطلع على فصلو .
كانو قاعدين اصحابو ومعاهم همام...همام لمن شافو طوالي قام وطلع .
انس : انتو متشاكلين ؟
هزاع : دا ما عندو موضوووع .
مراد : نسختين بيتشاكلو ؟
عبدالله : انس ارح معاي نجيب كراساتنا .
انس : ارح
هزاع قعد مع مراد.
هزاع وهو بعاين لي جزمتو : اعترفت ليها .
مراد : منو هي ؟
هزاع : فلة
مراد : 😳
هزاع : لو ما كنت وريتها كنت حاموت والله .
مراد : من قلبك ولا لعب اولاد ؟
هزاع : والله العظيييييم من قلبي . ( يلا يا شفع يا قليلين الادب ... انا الثانوي قضيتو كل جري واكل طعمية )
مراد : طيب 💔
( اندب حظي الذي جعلني اصر عليك بالتحدث اولا...يا ترى ماذا كنت ستفعل لو كنت بمكاني...هل ستستحمل رؤية الفتاة التي تحبها من قلبك...مع صديقك المقرب ؟ ...مراد )
عبدالله وانس جو جاريين....عبدالله وهو بيشيل في انفاسو : هزاع اللللحق.....الحق همام بيعمل في حاجات غريبة بره .
هزاع : مالو
انس : زي السكران.
كلهم نزلو تحت بي سرعة .
لقوهو يضحك ويرقص براااااهو بي طريقة غريبة ...وكمان بقا بيفتح في زراير قميصو.
هزاع مسكو : همام دا شنو جنيت ؟
همام : يااااخ زح مني...خليني ارقص.
هزاع : همااااام
همام وهو بيضحك : انت منو ؟
مراد : همام مالك ؟
همام وهو بعاين لي مراد بي استغراب : هوي ها الحلبي دا مالك معاي انا هسه سألتك.
هزاع : همام اوعك تطلع قميصك
همام : بطلعو وبطلع بنطلوني كمان انت ماااالك.
مراد : هزاع ... الزول دا ما طبيعي في شي مؤثر فيهو .
هزاع جراهو معاهو ...لكن همام لزاهو منو : قلت لييييك زح مني.
كان بيضحك بي طريقة كدا هستيرية مخيفة.
مهاب جا .
كل الطلبة بقو بعاينو ليهو .
مهاب : دا شنو حاصل شنو ؟
همام : انت منو كمان 😂😂😂😂😂😂😂😂
هزاع : فجأة لقيناهو كدا ما عارفنو مالو 💔.
مهاب وهو بيمسكو : ارح معاي فوق.
همام : ياخ زح مني ياااخ 😂😂😂😂😂😂😂😂😂😂.
مهاب مسكو من يدينو وطلعو فوق معاهو بالقوة .
وهو لسا بيضحك.
انس : انت عارف يا هزاع ...شكلو كدا بلعوه شي .
هزاع : ماف غيرهم 😠....والله ما اخليهم .
انس : ماف دليل انو ديل هم ...عشان كدا اهدا .
عبدالله : يعني هم حصلو للدرجة دي ...اعوذ بالله .
مراد : كل مرة بيتمادو اكثر .
عبدالله :كرهونا زاتو.
مهاب طلع همام فوق....طلب من دكتورة المدرسة تجي تكشف عليهو.
عرف انو الزول دا بلع ليهو حاجة...لكن الفترة القضاها في المدرسة خلتو يعرف نوعية كل الاولاد...وكان متأكد انو همام ما من البلاعين وكدا.
ما حاول يتجادل معاهو في الكلام او يتصرف معاهو بقسوة لانو كان عارف انو حاليا ما في وعيو .
نزلو للوحدة الصحية وخلا معاهو 3 اساتذة تجنبا لاي حاجة مفاجئة .
طلع يفتش على ناس البلاك شيرتز كان عارف انو العملية دي حتكون من تحت راسهم...قلب عليهم المدرسة سما عما....في النهاية مشا على حمامات الاولاد...اول ما قرب من الباب سمع اصواتهم...واتفاجئ لمن سمع صوت بنت معاهم....كانو بيضحكو على تصرفات همام...وواحد بيقول ليهم انو صورو عشان ينشر المقطع في اليوتيوب.
بس فتح ليك فيهم الباب ( هجووووم )
مبدئيا كدا جاهو ليك الدخان طالع...مبخرين الحمام بخير 😂😂😂😂😂.
واي واحد ماسك دييييك يالسجارة...ويا حلاة هزار الواقفة معاهم وماسكة سيجارتها .
كلهم بقو مخلوعين وبعاينو ليهو كدا 😳.
مهاب :الله الله...جميل شديد .
ماف واحد قدر يفتح خشمو منهم....
مهاب : كلكم وبي سيجاركم دا قدامي سريع .
هزار : استاذ
مهاب بي نهرة : اتلهي....صوتك دا ماعايز اسمعو...لو من الثانوي بتسجرو لمن تكبرو حتعملو شنو ؟ قدامي سريع.
طلعو كلهم...قدامو واي واحد شايل سيجارتو...المدرسى دي كلها اتفرجت فيهم .
وداهم مكتبو : مبدئيا كدا...انا عارف انكم البلعتو همام حبة هلوسة....وسمعت كلامكم في الحمام....بعدين بتسجرو وفي المدرسة ؟؟؟؟؟
وانتي يا الفالحة في نصهم ؟؟؟؟؟ استدعي اهلك يجو يشوفوك بتسوي في شنو ؟
هزار : لا عليك الله .
مهاب : هسه انا اسوي ليكم شنو ؟؟؟؟ اسجنكم ؟؟؟؟ اوديكم يرموكم في الحراسة زي الكلاب ؟؟؟؟ منتهى قلة الادب والانحطاط الاخلاقي....ياخ اوعو لي نفسكم انتو ممتحنين...مقضينها كلها لعب وقلة ادب...بكرة بتلقو الامتحان في وشكم...
ريم جات داخلة : في حاجة يا استاذ مهاب ؟
مهاب : اضربي لي اهلهم كلهم .
هزار : عليك الله لا ...ماما بتقتلني 😭.
مهاب : خايفة من ماما وما خايفة من الله...اصلا نوعيتك دي الجايبة لينا الهواء...دكتورة ريم اضربي لي اهلهم واولهم اهل هزار دي.
ريم ودتهم مكتبة وبدت تضرب لي اولياء امورهم واحد واحد....لمن جا دور ايهم سألتو من رقم اوياء امرو.
ايهم : ما عندي 😑
ريم : كيف يعني ؟
ايهم : كدا
ريم : اتكلم بي اسلوب احسن من كدا انا ما قدرك .
ايهم : قلت ليك ما عندي اها اعمل شنو.
ريم : الباقيين اتفضلو...استنو اهلكم في مكاتب الادارة .
خلتهم طلعو...عشان تتكلم معاهو براحة.
ريم :اعتبرني غبية وفهمني اكثر.
ايهم بتأفأف : مطلقين...امي وابوي مطلقين .
ريم : وهسه قاعد مع منو ؟
ايهم : جدي.
ريم : ايواااااا....وهسه جدك وين ؟
ايهم :في الشغل حيكون وين يعني .
ريم : تاني في زول مع جدك
ايهم :لا 😑.
ريم : طيب اديني رقمو .
ايهم : ما حافظو
ريم :بالجد ؟
ايهم : اي .
ريم :طيب امشي الادارة برضو .
طلع من المكتب وخلاها بتفكر فيهو....مشت طلبت الملفات بتاعتو....في الاساس كان تلميذ كويس جدا...لكن في الثانوي اتغير 360 درجة.
ملحوظة : كروزو ما اتقبض معاهم.
شوية شوية اهلهم بدو يوصلو...فارو وهاجو فيهم...وهزار امها تحممممر ليها سااااي...مهاب كان حيفصلهم لي اسبوع...لكن اترجوهو عشان الاسبوع حيأثر عليهم شديد.
في النهاية قرر يديهم عقوبة من نفسو...اولا الاولاد التانيين حلق ليهم شعرهم....ووراهم انو لي مدة اسبوعين حتكون نضافة المدرسة عليهم...كنس الساحات والفصول ومسحها....وقسم عليهم الشغل ( لو اي مدرسة ثانوية فيها زي مهاب دا بس 😍).
وطبعا سمعهم كلام يحرق القلب...كلام حااااااار....وكل المدرسة سمعت بيهم.....اما جماعتنا مشو لي همام المسطول تحت 😂😂😂😂😂😂😂.
كان شوية بدا يوعى لي نفسو...ولمن حكو ليه حلف ستين يمين هو ما عمل كدا .
مراد وقف يحاكي فيهو وهو مصر يقلع قميصو وكلهم بيضحكو عليه 😂.
هزاع وهو بيضحك : لو ما انا كان الفضييييحة.
انس : عارف انك كنت عايز تقلع البنطلون.
همام : لا لا يااااخ مستحيل انا عملت كدا 😢.
مراد :الله يستر ما يكونو صوروك.
عبدالله : خلاص كدا اتصالحتو.
همام وهزاع في نفس الوقت : اصلا ما كنا متشاكلين 😌.
مراد : الله الله 😍.
عبدالله : سمعتو بالمحل الفتحو جديد ؟ قريييب من المدرسة .
انس : دراغون ؟
مراد : سامع الاولاد بيتكلمو بيه
هزاع :قالو بتنزل ليه تحت...وحلو شديد والدخول للاولاد فقط.
عبدالله : فيهو شيشة وحاجات زي دي 😍
همام : هوي ها الشافع دا 😒.
عبدالله :نمشي ليهو بعدين بعد الدوام.
همام :هسه يا جماعة انا عايز اعرف الشي البقاني زي المجنون دا وصلني كيف ؟
عبدالله : شربت حاجة ما حقتك ؟
همام وهو بيتذكر : لا لا والله...لكن في المقصف ختيت البيبسي حقي ومشيت اشتري لي شيبس
هزاع : بيكونو رموها ليك في اللحظة دي .
فجأة اتلفتو بي صوت بنت : همااام 😍.
همام : ندى 😍
ندى : سلااااامتك حبيبي...مالك حصل ليك شنو ؟
همام : والله ماعارف فجأة كدا .
من دون مقدمات جات واحدة تانية داخلة...: هيمو 😍
ندى : هيمو 😞.
همام بلع ريقو : از...ازيك 😀.
سارة : سلامتك ياخ .
ندى : انتي منو ؟
سارة : انتي المنو.
قبلو الاتنين عليهو : همام دي منو
( هذا الشخص غير متوفر حاليا 😂)
همام بقا بعاين لي اصحابو يعني انقذوني.
كانو بعاينو ليه بنظرات شمااااته 😂.
همام بقا بيتلولو في السرير : ااااااه بطني حمووووووت ...الحقوني.
عبدالله : لو سمحتو ممكن تطلعو هو مفروض يرتاح.
مراد : لو سمحتو يعني .
همام : اااااااه .
الدكتورة جاتو جارية....والبنتين طلعو .
الدكتورة : حاسي بي شنو ؟
همام : لا خلاص بقيت كويس 😀.
بس زحت من جمبهم...كلهم اتفجرو بالضحك على همام.
هزاع : والله العظيم حتتقبض قبضة كعبة....هسه ربنا مرقك المره الجاية يا ويلك  😂.
شوية كدا مهاب جاهم ...
مهاب : همام بقيت كيف ؟
همام :الحمدلله .
مهاب : انا عرفت منو الخلاك تبقى كدا...واوعدك حيلاقو جزائهم 😉.
همام :شكرا ليك يا استاذ.
مهاب : ارتاح...ولو عايز ترجع البيت ممكن...اما انتو الباقيين على فصولكم.
همام : لا ما لي درجة ارجع البيت هنا كويس.
طبعا بس ماعايز يفوت الطلعة للمحل الجديد ( دراغون ).
مهاب : طيب كويس.
الباقيين مشو فصولهم.
ريم مشت اتناقشت مع مهاب عن اكثر الطلاب الهو عايزها تركز عليهم...اداها لستة بي اسماءهم...وطبعا ضمنهم...ايهم وكروزو...وريم قررت انها تعرف الوراهم شنو وتساعدهم.
قبل ما  الدوام يخلص....مهاب لفا الفصول كلها وحذرهم انو بعد الدوام يمشو محل...بيوتهم طوالي وهو ماعارف انو اولاد المدرسة كلهم ماشين المحل الجديد.
المهم فلة حاولت بقدر الامكان انها ما تشوف هزاع عشان لو شافتو حتسيح عديييييييل.
التراحيل رجعو بيها البنات بس 😂...الجماعة الطيبين كلهم مشو المحل كان خوراااااااافي...اضاءة خافتة...وتحت الارض...وتكيييف شديد...وفيهو محل بولينغ وبلياردو والعاب فيديو...ومحل شيشة وجمبها محلة كدا بتديك احساس البار 😂...لكن مافيها شي حرام ...والقعدات على شكل مساند في الارض وفي شاشات مشاهدة .
المهم اي شلة قاعدين ويتونسو ساي.
واحد من الاولاد : مهاب لو عرفنا حيقتلنا 😂.
_ ووقت حيقتلكم جيتو لي ؟
الولد : دا وهمي ياخ عايز يسيطر علينا في اي شي .
_ ببالغ لكن.
الولد : بالجد ما عندو موضوع ...مصدق نفسو
_ مشكلة كبيرة والله
الولد ضحك 😂😂😂...بعد شوية انتبه انو المحل صنننننة....قبل يشوف دا منو البيرد عليهو دا 😂😂😂😂...وبس ما الساعة اليلقاهو مهاب....في حدود ثانية اي ولد شال شنطتو واطلق سيقانه للرياح...الناس دي كلها قامت جارية لمن الناس البره اتخلعت لمن شافو كمية الاولاد المفحطين ديل 😂😂😂😂.
جري بجنون....وفي ناس وقفو يصوروهم...البشوفهم يقول القيامة قامت....المحل بقا فااااااااااضي ولا شيطان .
اي مجموعة جرت على حيها...طبعا هو كان لسا قاعد في محلو...وطلب نسكافيه كمان وديلك حتى وصلو بيوتهم من شدة الجري البيديك احساس الماراثون 😂.
المهم شلة ناس هزاع كانو ضمن الجاريين 😂😂😂😂...اي واحد وصل بيتو....بعد المغربية بشوية كدا...عروة وورد مشو يجيبو حاجات من السوبر ماركت للبيت...وفي طريق العودة قطعوا طريقهم حكاية 9 اولاد كدا....مكممين وشوهم
عروة وقف قدام اختو : انتو منو ؟
واحد ظهر وشو وكان هشام.
عروة :ايوااااا قول كدا.
هشام : عايز اشيل حقي منك .
عروة : لكن ما قدام اختي.
هشام : ماعايز شي من اختك عايزك انت زاااااتك.
عروة ادا ورد الاكياس والمفتاح : امشي البيت انا هسه بحصلك.
ورد :ديل منو ؟
عروة : بوريك لمن اجيك .
ورد: طيب
شالت الاكياس وجرت...
عروة :لو عايزني مش كان تجي براك راجل لي راجل بدل جايب معاك الامة دي كلها.
هشام طار فوق وضربو في بطنو....وعروة اداهو شلوت وااااااحد طيرو هناك.
جو ولدين مسكوهو...والثالث نزل في بي عصاية ضربو بقوة.
هشام قام وطلع مطوة...وجا جاري بي سرعة ودخلها ليهو على جهة كليتو...وكمان لفاها ليهو مرتين...وما اكتفى بكدا....طعنو طعنتين في صدرو...الولد الرابع طعنو في ضهرو ...خلوهو يقع في الارض وهو غرقان في دمو...هشام ما اكتفى بي كدا...بعد ما وقع خلا الاولاد يشلتوه ويرفسوه بي رجليهم بي قوة.
هشام تف فيهو وهو بيقول : براااااك هبشتني...واهندا شلت حقي منك.
رفسو تاني على جهة صدرو وقام جاري.
نهاية الفصل الثامن عشر