رقم مجهول

رقم مجهول -١٧-

الجزء الاخير
بقلم .... رشا الاسدي

انقهرت ع فرح ردت اروح يمها بس اترددت
رجعت للغرفه وسديت الباب
وظليت الوب ومامرتاحه
قلبي يم اهلي لا يصير بابويه شي او واحد من خواني او حته عمامي
ياربي مصيبة وكعت ع راسنا وبسببي اني
شكد جنت حرصه وحذره بس غلطت
هسه يله عرفت ليش اهلي جانو يخافون علينه احنه البنات بالذات
ياالهي مالي غيرك احفظ اهلي الهي بجاه محمد واله
ربي لاتصيب احد بمكروه
ياربي اخذ امانتك وريح اهلي مني
ظليت ادعي ع روحي وبدون وعي ظليت ادك ع راسي
واصرخ ربي دخيلك الهي
جسمي كله يرجف من الخوف والتوتر
انفتح باب الغرفه ... دخلت فرح لابسه احرام صلاة وبيدها قران وسبحه

فرح ... كومي هديل توضي وصلي ركعتين واقري قران
اني هم كمت توضيت وصليت وظليت اقرى قران
حسيت براحة وامان فوضت امري لله
قل لن يصيبنا الا ماكتب الله لنا

ظليت اقرى واسبح وادعي وعيوني تصب دمع
بس جنت احس براحه
بعدها حسيت عيوني كامت تغوش من النعاس
نمت ع المصلايه
مافزيت الاه وفرح تهزني ... كومي هديل اجوي الولد
كمت ع حيلي وركضت للصاله
عمار اهلي خوما بيهم شي
عمار ... يعني كل همج بس اهلج واني ماتهمين بيه
احجي عمار شصار
فرح ... يمه حمدلله ع سلامت اخوتي وتشبك وتبوس بيهم
كعدنا كلنا
خويه احمد اهلي شلونهم بابا احجيلي عنه خومابيه شي
وامي شنو حالها
لاتخافين زينين
فرح ... احجو شنو صار
احمد .... من طلعنا منا عمار متفق ويه مجموعة شباب اجو ويانه حمايه

دخلونا بس اني وعمار
عرضو علينا مبلغ زين
عمار ... احنه ما نريد بس فلوس
خالي ... لعد شتردون بعد
انريد تعترفون بيه احنه ولد اختكم وتعتبرون الي صار ماضي وله وانتهى ونبدي صفحه جديده
خالي .. هاي هو صار.... وبالنسبه لهديل
خالي ابوهديل.. ابني رجعلي بتي وامسح المقاطع

عمار رد عليه ... لا خالي هديل صارت مرتي وباجر اجيب الشيخ يعقدنا
وطلبو المهر الي تردونا
واحد من ولدهم ... بس هذا مو اتفاقنا ... انتفقنا سلم واستلم
عمار ... خالي اني رايد بتكم بالحلال واوعدكم اعزها واصونها
وهي هسه باعتبار صارت مرتي

واحد من خوان هديل راد يكوم يحجي سكتوه عمامه
كالو هاي هو باجر جيب الشيخ وعقد عليها

وطلعنا
فرح ... وهسه شراح تسوون
احمد ... نرجع لبيتنا  وهناك راح نبدي حياتنا من جديد
ولازم نعزل من الفلوس مهر لهديل
باوعت ع عمار
عمار اني مااريد ازوجك ... كلهم ظلو يباعون عليه باستغراب
اي مااريده ....
عمار ... كومي احجي وياج بالغرفه
كمت رحت وراه
عمار .... شنو ماترديني بكيفج انتي ... انتي مالتي فهمتي وغصبا عليج تقبلين بيه
لا موغصب واني ومو مالت احد ... اني مالت اهلي امي وابوي
اهلج ... اهلج بس ترحين يذبحونج
ميخالف استحق الذبح لان خنت الثقا وكسرت وجوهم بسببك
واني هديل يهون عليج تعوفيني
اي يهون تدري ليش ... لان بعد ماالك اي ذرة حب بقلبي
هدييل لاتحركين قلبي بكلامج
ولج اني احبج والله احبج بروح امي احبج
اذا تحبني صدك مثل ماتكول رجعني لاهلي
مستحيل ... تقرب عليه وحصرني ع الحايط ... فهمي هديل اني احبج
وانتي هم تحبيني تقرب عليه اكثر دفعته حيل
ما احبك اكرهك يا اخي اكرهك
ضرب ع الحايط
راد يطلع من الغرفه ... دار علي ... هديل مااريد اخسرج مثل ماخسرت امي
طبك الباب حيل وقفله