رقم مجهول

رقم مجهول -٩-

الجزء التاسع

لمى ظلت تبجي اكثر
لمى ... هديل ياسر خاني
شنو !!!!
حظنتها ومسحت دموعها ونورا همين
هند .... بنات امشي نروح للحديقه بظهر القسم لان الطلاب ظلو يباعون علينا

رحنا وكعدنا بالارض
جبت مي وعصير لمى
نورا .... لمى فهمينا شنو صاير
هند ... مساع الاتصال الي اجاها
اي
هند ... بنيه اتصلت بلمى كلتلها اني فاعلة خير شفت حبيبج وهو يم وحده غيرج
واذا ماتصدكين روحي لهذا المكان وشوفي بعينج
رحنا اني وياها للمكان الي كالت عليه
واني الطريق كله اواسيها واكلها لا تصدكين بيها
ياسر مستحيل يخونج
ياسر يحبج
وصلنا للمكان الي كالت عليه
شفنا ياسر وحاضن بنيه ومن ركزنا اكثر طلعت نبأ

نورا .... اااه مستحيل ياسر ونبا لا مو معقول
لمى موشرط يخونج هي بت خاله ويمكن عدها مشكله وجاي يساعدها

لمى ... وج هديل افتهمي حاظنها و حلكها بحلكه
الخاين الحقير اني اعلمه
( طبعا لمى دموعها ماوكفت )

لمى اخاف اكو سوء فهم بالموضوع
هند ... هديل شبيج ماتفتهمين جاي يتباوسون
نورا ... ايدها ع حلكها ... وشافوكم
لمى ... لا
هند ... كلتلها لمى خلي نروحلهم وطيحي حضهم ماقبلت

لمى ... اني اله الخاين اذا ما اندمه واخليه يشرب من نفس الكاس الي شربه الي
نورا ... يعني شتسوين
لمى ... اخونه مثل ماخاني

حبيبتي لمى انتي عاقله وفاهمه لاتخلين يشيطان يسيطر عليج ... روحي واجهي وكليله الي شفتيه يمكن اكو سر بالموضوع

لمى بصوت عالي ... هديل نقطينا بسكاتج كااافي انتي ماتفتهمين اكلج يبوسها ..، فهمي
لمى صل ع النبي
لمى .... هديل من تعيشين بيهج لحظه عود تعالي نصحيني
اني اسفه لمى بس ردت ....
هديل لا دخلين نفسج بلي راح اسويه وديري بالج تحجين شي لياسر
ترى تصير مو زينه وياج
شكرا الج
كمت من يمهم واني متفاجاة من ردت فعل لمى واسلوبها وياي
معقوله هاي لمى الهادئه الرزنه هيج تحجي وياي
انقهرت من كلامه ودمعت عيني واني امشي للقسم صار ياسر مقابيلي

ياسر .،. هديل لمى وين ماشفتيها اتصل عليها ماترد
ماادري وينها ... عفته ورحت
اتصل بيه جوجو ... اتصاله جان بوقته
حجيت وياه وحجيتله كلشي صار
ارتاحيت من حجيت وياه

ثاني يوم بالدوام... لمى اجت متغيره لبسها مكياجها
سلامها ثقيل تسوي نفسها فرحانه وما مهتمه بس عيونها تبين الحزن والانكسار الي بداخلها
ياسر يحاول يحجي وياها وتصده ماتنطيه مجال
سالت هند ونورا عن لمى ... يكلولي مابيها شي
دخلنا للمحاضره هند ولمى المحاضره كلها بس يحجون مااعرف شنو
قبل لا تخلص المحاضره بربع ساعه لمى استاذنت من الدكتور وطلعت

خلصت المحاضره ولمى ماكو طلعنا من المحاضره
لمى وياسر ولد مانعرفه واكفين جوى الدرج وياسر يعيط بلمى
الولد دفع ياسر وياسر ظربه
وصارت عركه بينهم وتضاربو لمى بس تبجي
ولد القسم كوى فكوهم
جريت لمى من ايدها حيل
لمى فهميني شنو صاير
شوي واحت هند ونورا
لمى .،.. عفت ياسر وشفت واحد غيره
درت ع هند ... هاي فكرتج مو هند
لمى ... لا فكرتي اني
هزيت براسي اي .... عفيه عليج لمى
عفتهم ورحت
اجت وراي هند ... هديل اوكفي
شنو هند
هند .. والله هي طلبت تسوي هيج حته تحرك قبله مثل ماحرك قلبها

بس المفروض تروح وتواجه بدل هلتمثيله الي فضحت نفسها بيها بالقسم

هند ... هديل انتي مامجربه شعور  الخيانه ... من تعيش بهيج لحظه بعدين لومينا
ااوف هند والله انتو عزيزات ع قلبي
صح اني الله مارزقني بخوات بس رزقني بيكم
والله مايهون علي اشوفكم بهيج مواقف

هند .. والله انتي اعز بس عذريها ... يله امشي وياي
رحنا يم لمى ... بعدها تبجي اتصلت بابوها يجي عليها حته ترجع للبيت

ياسر حاول بس يحجي وياها ماقبلت
طلعت من الدوام وراحت لبيتهم
بعدها اجه ياسر يمنا وصاح لهند يحجي وياها ع انفراد
راحت وياه

شوي واجت هند ... يكلي هاي سوالفج تردين تخربين لمى وتسويها مثلج
اي
كتله اولا احترم نفسك والزم حدك من تحجيوياي
ثانيا اني مالي علاقه بلمى هي مو طفله واوزها

نورا ... خوما حجيتيله عن السبب
هند ..، مالي علاقه لمى حذرتنا وحلفتنا مانحجي

اليوم الي بعده لمى ما داومت
ياسر تخبل ظل يحوم علينا
اجه يمنه وسالنا ع لمى
نورا جاوبته كلشي مانعرف

وبعدها صادف جمعه وسبت
الاحد داومت لمى ... بنات باركولي راح انخطب
منوو ويمتى وليش ...
لمى .... ابن عم زوجت اخوي ... مهندس  ... وحالته زينه ...
وان شاالله الجمعه المهر
نورا ... الف مبروك
هند ... لمى مو كانج تسرعتي
لمى ... لا ماتسرعت اصلا عريس لأطه مايتفوت
مبروك لمى مقدما
مرت ايام الاسبوع ... لمى مانطت مجال لياسر ابد
اجه يوم الاحد
لمى ... بنات الخطوبه ماصارت تفشكلت
نورا ... شعجب
لمى ... ماادري والله
ثاني يوم لمى ماداومت خابرناها جهازها مغلق
ظل بالنا عليها
اني خازنه رقم امها اتصلت بيه
ردت امها علي سلمت عليها وكلتلها اريد لمى
ردت لمى وصوتها مبحوح ... الووو
الووو لمى شبيج ليش تبجين ؟؟؟. 
لمى ... هديل اخوي بطلني من الدوام
ليش شنو صاير
لمى ... المهندس الي كتلكم راد يخطبني
اي
جاي سالي عليه بالكليه واحد حاجي عليه حجي مو زين
وكايله هاي الي محجوزه وماتفيدك واني كلشي مسوي ويها
اووف
بس منو هذا
اكو غيره ياسر الحقير
ظلت تبجي شوي ونسد الخط
حجيت للبنات ع الموضوع
بنات اني رايحه احجي ويه ياسر
هند ... بس اخاف لمى ماتقبل
قبلت او لا اني راح احجي
عفتهم ورحت لياسر .......