الجزء الثامن
للكاتبه .... رشا الاسدي
لمى ... بت خال ياسر مرحله اولى كليه زراعه وجان يسجلها
اجه يمنه ياسر وعرفنا بت خاله
اسمها نبأ قصيره وناعمه وتارسه وجها مكياج
جنها رايحه لعرس مو للدوام
ومهوله نفسها بالبس وتعلج
وتتمضك وكشرتها من الذان لذان
لمى .... ها حبيبي كملتو تسجيل
نبا من سمعت لمى تكول حبيبي تحول حلكها من كشره اله بووز
ظلينا وحده تباع ع الثانيه
اها هاي شنو ..... ابد ماارتاحيتلها
ظلت اليوم كله بكليتنا ولازكه بياسر
كلنا ماارتاحينالها
احتمال جانت تحب ياسر وانصدمت بلمى
بهاي الفتره صارت مشاكل بين لمى وياسر
وجانت نبأ دايما تدخل بحياتهم وبمشاكلهم
عود تصلح بينهم وهي تخرب ماتصلح
اما اني ظليت تقريبا شهر بدون ما اراسل جوجو حسيت اكو فراغ بحياتي
الغريب بالموضوع ان هو ما اتصل بعد ولا حاول يراسلني من غير خط او من غير صفحه ع الفيس
تعودت عليه وع وجوده بحياتي وكلامه الي
حاولت اتمالك مشاعري واسيطر ع نفسي صعب ما كدرت
ظليت كل شويه الزم النقال واريد ارفع الحظر عنه واتراجع عن قراري
اخر شي رفعت الحظر ودخلت ع صفحته ع الفيس منزل اشعار وقصائد وصور عن الفراق واغاني مروان خوري
اووف منك جوجو شسويت بحالي
ياالهي ساعدني تعبت احس نفسي مثل الطفل الي متمسك بامه
اني صرت
اريد اركزع دراستي ما اكدر كل شوي وادخل ع صفحته واقرى الاشعار احس بشعور واحساس حلو
معقوله حبيت
اي حبيته وتعلق بيه وحياتي بلياه صعبه
ظليت ع هذا الحال ايام يوميه ادخل ع صفحة الفيس وادخل ع الواتسب اقرى الحاله بس ماردت اراسله بس جنت اتمنى يرسلي مسج
البعد والشوق والتفكير اذاني حيل
ما كدرت اتحمل غيرشهر ونص ع انفصالنا
اخر شي دزيتله رساله ع الماسنجر ... سلام شلونك ....
ما رد عليه وظليت لازمه الموبايل بس اريد يدزلي مسج يتصل ماكو
الليل كله مانمت واني انتضر يرد عليه وتندمت لان دزيتله مسج
ثاني يوم اني بالدوام جنت بالمحاضره ودزلي مسج
... وعليكم السلام اخيرا قلبج حن ...
ماكدرت اظل بالمحاضره
استاذنت من الاستاذ وطلعت من المحاضره واتصلت بيه
الوووو
الووو واخيرا اتصلتي
ما اكدرت تعودت عليك
هههههه ... اني ماتصلت بيج ولا راسلتج لان مادرت اضايقج كلت اعوفج ع راحتج بلكي انتي تحنين من ذاتج
اي شلونك شخبارك
اني الحمدلله صرت زين من سمعت صوتج
خليني اشوفك الله يخليك
مااكدر هسه صدكيني
ليش
انتي ليش تردين تشوفين ؟ ليش تلحين ؟؟؟ هاااا
احجيلي السبب هديل ولا تخافين صدكيني ما راح تتندمين اذا كلتي
سديت الخط منه ودزيتله مسج ..، لان حبيتك ... وغلقت الجهاز
بليل فتحته لكيت هواي رسائل واتصالات
... هديل انتي صدك حبيتني ... هديل فتحي الخط وردي علي .. هدهد لا تعوفيني ... هديل اني اموت عليج ردي ...
دزيتله مسج ... انه تعودت ع وجودك بحياتي تعودت افتح النقال والاكي مسج او اشعار انته سحرتني خليتني اعيش وياك بعالم ثاني واني كلشي ما اعرف عنك حته اسمك ما اعرفه انته شتريد مني ....
رد علي ... صدكيني احبج وقريب راح تشوفيني من اتاكد انتي بالفعل تحبيني ... ثاني شي اخاف عليج من اهلج لان ابن عمج ليث خال عليج مراقب يتابع كل تحركاتج اذا ما تصدكيني انتبهي ع ولد بقسم الحاسوب مرحله رابعه اسمه عادل ...
... والحل شنو ...
... نظل بينا بس مسجات وان شاالله عن قريب تشوفيني بس لازم افاجئج بشوفتي ...
اتفقنا نظل بس مسجات وبدت علاقتنا تتطور مرات يطلب مني ادز صوره
بس ماادزله اخاف منه
البنات درو بيه احب جوجو
لمى وهند فرحانين جانو
بس نورا احس زادت غيرتها منا بعد اكثر
فد يوم كاعدين احنه الاربعه
هند الكبل مالتها عنده محاضره وياسر خابر لمى كلها رايح لصديقة بكلية الهندسه
رن جهاز لمى
لمى ... هذا رقم غريب
نورا ... اي عادي ردي بلكي يطلع معجب مثل جوجو
واذا ماترديه انطينياها
هههههه
هند ... لمى ردي
لمى فتحت الخط .... منو
لمى اول مافتحت الخط بس علامات التعجب بوجهه
لمى .... جذابه انتي ( بصوت عالي)
بعدها سدت الخط
لمى شبيج شنو القصه
لمى ..... هند امشي وياي
هند ... لمى فهمينه شنو صار
بعدين بعدين هسه امشي وياي
من رخصتكم بنات
اني نورا ظلينا وحده تباع بوجه الثانيه نريد نعرف الموضوع شنو
بدت المحاضره وهند ولمى ماكو اتصلت بيهم مايردون اثنينهم
دخلنا اني ونورا للمحاضره وخلصت
طلعنا اندور عليهم ماكو اتصل مايردون علي
شوي وشفناهم من بعيد اجو يمنا ولمى تبجي
اني نورا حجينا سوا .... شصاير ؟؟؟؟؟
لمى زادت بالبجي اكثر ؟؟؟
أنت تقرأ
رقم مجهول
ChickLitهديل ..... طالبة جامعية تروي لنا احداث قصتها مع زميلاتها ع مدى الاربع مراحل القصة فيها نوع من الغموض مع قصص واقعيه تحدث في مجتمعنا نتمنى لكم متابعة شيقه
