رقم مجهول

رقم مجهول -٣-

الجزء الثالث
للكاتبه .... رشا الاسدي

رن رنه طويله .. اخير شي در
الووو الووو هديل

انه اباع ع الطلاب كلهم موجودين ولا واحد منهم رد ع اتصال
واسمعه يصيح .. هديل احجي شبيج الووو
سديته ودخل الاستاذ
البنات .... ها هديل بشري كلتلهم رد علي
هند ... معناها مو بشعبتنا
شويه واجاني مسج ... هديل وكفتج ع استيج الاساتذه  فدشي لايكلج تصيرين معيده .... بس لا تعبين نفسج ما راح تعرفين ....
راويت المسج للبنات هند كالت راح اطلع من المحاضره
استاذت من الاستاذ وطلعت ... ورا عشر دقايق دخلت للقاعه
هند ... طلعت حيدر من المحاضره وحجيتله كال الطلاب كلهم موجودين ولا احد طلع او رد ع اتصال
راح انجن
خلصت المحاضره وطلعنا بالحديقه واجه حيدر وليث وحجيت ليث ع الصار
ظلينا محتارين تعبنا من التفكير
كلتلهم هذا جني ما كو غيرها
نورا ... لا هديل احتمال من اتصلتي هو جان واكف مقابيل شبابيك القاعه وشافج
اي احتمال
ليث .... اي واحتمال يكون بغير مرحله موشرط نفس مرحلتكم
حيدر .... اي كلشي جائز
ولمى .. بهاي الحاله شراح تسوين
ماكو غير ابدل الشريحه وارتاح هواي تعبني هذا مجهول
ليث ... اي ماكو غير حل
رحت للبيت وكلت لبابا اريد شريحه جديده وحجيتله ع الصار
بابا .. صار بعدين اجيبها وياي واسجلها باسم صديقي ..اخاف هذا عنده احد بشركه الاتصالات ويطلع الرقم .. بس انتي بابا لا تنطين رقمج لاي احد

بابا والله بس صديقاتي وبنات مرحلتنا
امي . .. حته لو ماما احتمال هذا اخو طالبه وياكم ويريد ينصب عليج

ها ماما يمكن  كلامج صحيح وهي كلتله واكفه ع استيج الاساتذه
بابا ... بالفعل بابا كلام امج صحيح
هاي هو بابا ما راح انطي بس لصديقاتي المقربات واوصيهم ماينطوه لاي احد
بابا اخذ شريحتي القديمه وكسرها وجابلي جديده
ثاي يوم انطيت رقمي للبنات الي وياي بالخط وصيتهم ما ينطوه لاحد ونفس الشي صديقاتي
شويه حسيت براحه محد يتصل علي
بس كامت تجيلي رسائل ع الفيس وكمت اسوي حظر
اخر رساله اجتلي ... هديل لا تحاولين عندي ميت حساب ع الفيس ورقمج الجديد اعرفه اعرفه بس صبرلي جم يوم ... احبج ....
طلعت من الفيس كله وحذفته واي وسائل اتصال غير الواتساب ماعندي
وجانت بهذه الفتره بداية امتحان نهايه كورس فكلت اريد اصفي عقلي كلش علمود الدراسه
بهذي الفتره هند وحيدر كبلو ( يعني بينهم علاقه ) حيدر جان هواي يحبه لهند بس هند جانت  عاديه مااحسه تحبه
دايما تزعل منه لاتفه الاسباب ويرجع هو يصالحها ويتوسل بيها
احسه تتعمد تخليه يتوسل بيها
وذل نفسه الها

لمى بدت بينها وبين ولد بشعبتنا اسمه ياسر نظرات واعجاب
بس من بعيد لبعيد
نورا حامل وعلاقتها ويه زوجها ماتغيرت

اني بهذه الفتره ارتاحيت من المجهول
وبدت الامتحانات وبدت الدراسه والتعب والسهر
مره طلعنا من الامتحان  جاي اكلب بالسجل علمود اشوف الحل والبنات يمي وكعت ورقه من السجل فتحتها
......هديل حرام عليج الي جاي تسويه وياي اني احبج انطيني بس فرصه اثبت حبي الج ولا تصورين يجي يوم امل منج ... راح اظل وراج لحد ما تطخين راس الي وتحبيني مثل ما احبج ... لا تصورين رقمج ما اكدر احصله صبرلي كم يوم واشوفي اذا ما حصلت رقمج ... احبج .... مجهول الهويه ....
البنات قروها طبعا جانت الرساله طباعه مو خط ايد كمت شككتها لان مالي خلك
هند .... هديل يعني انتي ما حاسه اكو احد بقسمنا مهتم بيج .. يباوعلج ؟؟؟

اي  محمد الي بمرحلتنه و ولد مرحله رابعه الي مره حجيتلج عليه
هند ..، هاي هو اني راح اوصي حيدر .. لو عليمن حيدر اني اشوفهم
(هند جريئه وصاحبة)
وراها بيومين ...
هند .. شوفي هديل بالنسبه لمحمد ترى فقير وماعنده هيج سوالف
( محمد جان محافظات وساكن بالقسم الداخلي)
نورا ..، شلون عرفتي بيه فقير...
هند .. ولي نويرا خلي اكمل عابتلج
اي اي كملي ..
هند .. انه حجيت وياه بس ماكتله تتصل عليها ولا جبتج انتي بالطاري
لمى ..، لعد شكلتيله
هند .. هم يخلوني احجي
هههههه احجي
هند ... شوفي انه كتله انته حلو شعجب ما عندك معجبات منا منا ظل يضحك كلي لا مالي خلك هاي السوالف حته من اشوفهم مااديرلهم بال .. كتله معقوله ماكو وحده معجب بيها ... ضحك وما انطاني اي حجايه
رحت ع صديقه هادي الفاهي وعزمته ع جبس وعصير كتلي الاول والتالي هههه
نورا .. هاي عزمتي ع جبس وعصير كتلج الاول والتالي لعد لو عازمته ع غير شي جان شسوه
احنه ضحكنه
هند ... يعني انتي ليش تفكيرج منحط نويرا هسه حته الي بطنج يطلع منحط مثلج

نورا ..، لا ابني يطلع محقق كونان من ورا مصايبكم
لمى .. اي محقق ع بيوت الدعاره وعمليات الاغتصاب
هههههه هنوده كملي
هند .. اي طلع يحبج بس هو من عائله فقيره ويدري بيج انتي اهلج طاكين لذلك ما يحجي مكتفي بس بالنظر وماعنده هيج سوالف يتصل او عنده خط ثاني هو فلوس الرصيد كوه يدبرها
لمى .. لعد اكيد هذا الطالب الي بمرحله وابعه