#فقراء لم يخلقوا للحب
للكاتبه #روز الفياض
جميع حقوق النشر محفوظه
ج17
رنا:منو؟
امي:تعاي فوتي جوه هنا بارده وانه احجيلج فوتي فوتي خل اجيب العشا واجي.
رحت لغرفتي ابدل واغني الاغنيه اللي كال عليها ارشد:
هم تعود...
لامتعود...
ايامنه..
ادندن واباوع بالمرايه شعري بعده حلو خل ارجع الفه بالرولات حتى يبقى محافظ على شكله لباجر.روز الفياض
دخلت امي جايبلتي عشا.
رنا:مااريد عشا متعشيه.
امي:ميخالف واذا متعشيه خل خدودج تورد وراج عرس.
رنا:عرسمن؟
امي:ياا مو اكلج اليوم اجو عليج خطابه.
رنا:هااا.. ياستار منو هالمره؟
امي:اكعدي اتعشي واسولفلج.
كعدت اكل كوه لان شبعانه بس ادري بأمي ماتحجي بدون هالحركات الظاهر العريس عاجبها.
امي:العصر جنت اعجن واندك الباب طلعت لكيت مره جبيره كالت جايتكم خطار.
رنا:اي؟
امي:اي كتلها اهلا وسهلا اتفضلي.. دخلتها وضيفتها كتلها اتفضلي.
رنا:وبعدين يمه كملي لاتوكفين اريد افتهم.
امي:اي كالت انه جايتكم خطابه عالمحروسه بتج الجبيره رنا.
رنا:اااه هيج انه معروفه.
امي:اكلي واستكي خل اكمل.
رنا:كملي.
امي:الولد يشتغل مقاول وتكول خوش ولد ويدللها.
رنا:اي طبعا تكول هيج قابل تكول مو خوش ولد ويشلع كلبها..وبعدين؟
امي:اي يعني مرتاح ماديا مو محتاج وخوش ولد بعد شتريدين؟
رنا:شنو شريد؟بس هذا العرفتيه شفتهمت هسه انه منو هو شنو اسمه منو اهله هي اصلا شتعودله؟
امي:شتعودله غير امه..جواد ومديرج قبل جانت حجتج كبار هسه هذا شاب اكبر منج بسنتين بس.
رنا:ادري وين عرفوني وين شافوني؟
امي:تكول ناس موصفيلها.
رنا:نشوف ولو كلبي حاس وره عشاج هذا ضامتلي ضميمه.
امي:ياا صدك مايجي بعينج فوكما اصبلج العشا وافكر بقسمتج ومستقبلج.
رنا:حتى بجواد جبتيلي الغدا تتذكرين؟
امي:اففف كلبج اسود.
رنا:الاففف هاي هسه اكدتلي اكو شي بالموضوع ماحجيتيه هههه اعرفج.
امي:لاماكو شي لاتخافين.
رنا:كتيلها انه مطلقه؟
امي:اي تدري اكيد بعدين ابنها هم متزوج وعده جهال شتريد قابل.
ذبيت الخبزه كتلها:
هاااا طلع الحجي هسه.
متزوج وعنده جهال.. ومرته تكعدلي ركبه ونص مثل مرت جواد.
امي:اصبري خل يجي شوفيه ويشوفج ونفتهم منه خوما اطرد المره من الباب.
رنا:خوش اشوفه ويشوفني بس ماتطينهم كلمه بدون علمي هاي انه كتلج لان والله ابطل من هسه.
امي:خوش خوش كملي عشاج وبلا حجي زايد غبيه ماتعرفين مصلحتج دومج ماتفكرين صح.
رنا:لاحتى ماتورطيني يجوز مايعجبني يجوز يطلع بي عيب يجوز تطلع بي عاهه مستديمه.
امي:كتلج خوش.. باجر اخابر عالمره واكللها تعالوا.
ثاني يوم امي الصبح خابرت المره وكلتلها هلا بيكم والمره كالت العصر يجون..
اتفاجأت من السرعه كلت هذا اكيد مابي خير لذلك يردون يورطني بسرعه.
جان يوم جمعه رحت الصبح للسوك عالسريع انه واختي اشتريت ملابس شتويه الي والها ورجعت سبحت وسشورت شعري جنت مقرره فعلا اذا شفت مواصفاته لابأس بيها اقبل واخلص.
للعصر اندك الباب انه كلبي ظل يدك من الخوف امي طلعت اسمعهم دخلوا وسلموا..
اجت امي كالت:
يالله تعاي وراي للمطبخ حتى تجيبين العصير والكيك.روز الفياض
كمت وراها وانه مخبوصه ومرتبكه وخايفه لان اول مره امر بهالتجربه رغم متزوجه قبل بس من اتزوجت جواد جنت شايفته مو جديده الطله البهيه علي.
رحت وره امي للمطبخ كالت:
ياا روحي فتحي الرولات من شعرج لاتنسين وتروحين تدخلين عالولد بيهن ههههه.
رحت اركض فتحت شعري واضحك هاي صدك لو داخله كدامهم هيج شيكولون هههه.
جنت لابسه تنوره نيلي قصيره وعدله وبلوز بهاري وردي.
اخذت الصينيه ودخلت على كيف سلمت وانه مدنكه استحيت ارفع راسي اول ماقدمت لامي وماقصرت فشلتني كالت:
ماما اول خاله والولد وبعدين انه.
رنا:غلسي غلسي احسن ماتوكع مني الصينيه وانفضح.
سمعت صوته يضحك بس ماباوعتله كلللش اتقدمت لامه قدمتلها ووصلت يمه كلبي حسيته راح يوكف.
استحي اباوعله وهو مدنك كللش كلت بكلبي هذا شبي هيج مامعبرني ومستحي اكثر مني؟
سحبت الطاوله الزغيره كدامه وخليت العصير والكيك.
رفعت راسي اجت عيني بعينه راسا كمزت ظليت واكفه اباوعله ماصدكت عيوني.
راسأ كتله:
يمه ... شتسوي هنا؟
ضحك كال:
جاي اخطب غير.
باوعت لامي حسيتها ماتدري شنو القصه بس امه مبتسمه..
كال:
كعدي شبيج لو تردين تبقين واكفه؟
ماحجيت شي بس ماادري حسيت من الارتباك حتى بطني ظلت تأذيني.
كعدت وظليت اباوع لامي وامه ماباوعتله بعد.
امه:هاا رنا شفتيه العريس هسه؟
ماحجيت شي لان صرت عصبيه شويه حسيته خلاني امام الامر الواقع احرجني اجه بدون مايكلي ولاينطيني خبر او يلمحلي وهم احرجني كدام امي وامه هسه امه شتكول عني؟؟
امي:هسه هو يشوفها وهي تشوفه بعد هي هاي الاصول لازم مايستحون لان هذا حق.
امه ماحجت شي شتحجي انه شايفته وهو شايفني.روز الفياض
حسيت بي يباوعلي بس ماباوعتله غلست وهو اصلا ساكت ماحجه شي.
بعدين امه كالت:
ام رنا من رخصتج لو نخليهم بحدهم يكعدون حتى يحجون براحتهم وبعدين نرحع يمهم.
امي:اي اي اتفضلي اتفضلي خليهم حتى يتعرفون واحد عالثاني ورنا هم جانت تريد تسأله وتتعرف عليه.
طلعن من يمنه وسدت امي الباب وانه باوعتله بدون مااتحرك بس عيونه تخزره..
ابتسم كال:
زعلتي؟
ماحجيت كال:
شافهم من سكوتج هذا رفض لو شنو؟
رنا:شنو معناها هالتصرفات؟
كال:
ياتصرفات؟واحد ومتقدملج شكو بيها هاي؟
رنا:احنه شاتفقنه؟
كال:
اتفقنه توافقين على اول واحد يتقدملج.
ضحك على كيف.
ابتسمت غصبن عني كتله:
بس مو انت.
كال:
والله انتي ماحددتي انتي كلتي اول واحد وبس.. واتصور هم كلتي انه كد حجايتي مو صحيح؟
رنا:ارشد شبيك ومرتك؟
ارشد:مالج علاقه انتي موافقه هذا المهم.
رنا:منو كال موافقه؟
ارشد:مو بكيفج انه جاي اخطبج هيج كدام اهلج بس.
لكن الحقيقه منتهين منها.
رنا:لابالله؟
اتدنه كعد بصفي ولزم ايدي استحيت كال:
تحبيني لو لا؟روز الفياض
لان كاعد قريب يمي ارتبكت ماعرفت احجي سحبت ايدي كال:
جاوبي تحبيني؟
دمعت عيني هزيت راسي اي.
ارشد:معناها باجر نلبس الحلقات.
ضحكت كال:
اي هيج ضحكي مرمرتيني.
خل اشرب العصير مدام صرتي خطيبتي.
شرب شويه ورجع لزم ايدي كال:
شنو طلباتج شنو تدرين اسويلج واجيبلج؟
رنا:لا اوكف شويه خل استوعب الموضوع.
ارشد:ماكو وكت استوعبي بعدين باجر نلبس الحلقات وعكبه نعقد بالمحكمه هو عقد وهو زواج مااريد خطوبه.
رنا:شنو السالفه؟
ضحك كال:
احسن كافي هلكد تأخير.
هسه كليلي شنو تردين؟
رنا:مااريد اي شي جانت عندي امنيه من زمااان ولازالت.
ارشد:شنو هي؟
رنا:حلقه ومكتوب عليها اسمك.
ابتسم باس ايدي سحبتها كتله:
هاا لاياخذك الواهس.
ضحك كال:
يا ياااابه هسه يالله ارتاحيت واحس كلبي بارد.
رنا:انه احس هذا حلم يمكن هسه اكعد واكتئب من يطلع حلم وانه عبالي صدك.
ضحك حيل كال:
اروح اجيب الحلقات ونلبسها هسه؟
رنا:لا يمعود صدك جذب.
رجع ضحك بعدين كال:
لاتخافين من شي ولايهمج اي شي ولاتفكرين بأحد غيرنه انه وانتي وبس،
زين؟
انه مرتب كل شي هناك بيتج ومكانج وحتى شغلج اذا تردين تبقين تشتغلين ماكو مشكله،زين حبي؟
هزيت راسي اي وانه ماادري على شنو جاي اوافق ولاعن اي مكان يحجي ولاسألته اي شي حسيت نفسي مبنجه وكل دقيقه اكول هسه يطلع حلم لاتفرحين حيل وتنصدمين.
من راحوا حجيت لامي الحقيقه كلها.
امي ماهمتها التفاصيل اعرفه واحبه وتركته علمود جواد وتركني علمود بت عمه ورجعنه بعد هالسنين واخوه وياي... و ...و ....و... الى اخره.
المهم وضعه مرتاح وراح يخليني اشتغل ومقاول يعني السالفه بيها فلوس وماراح تنكطع عنهم المأونه والمساعدات..
حتى مااعترضت على موضوع روحتي وياه لبغداد ولاحتى ابوي ولاحتى على موضوع الحلقات اللي ثاني يوم نلبسها ووراها نعقد ونتزوج..
ابوي رأسا وافق بدون مقدمات وسؤال وجواب.
ثاني يوم الصبح رحت اجرت بدله سوده بسيطه والعصر لبست وفتحت شعري واتمكيجت..
اجو الرياجيل واجت امه وخالته ومرت خاله ووحده من خواته.
عقدلنه السيد وخالته هلهلت ودخل هو حتى نلبس الحلقات..
امه طلعت علبة الذهب جايبلي كلاده وتراجي ومحابس 2 وحلقه ومهري هم جان لابأس بي اتفاجأت.
من لبسني الحلقه باس ايدي دمعت عيوني جانت هاي امنيتي خطبني جواد اتخيلت ارشد بمكانه وهسه تحقق كل اللي اتمنيته لبسته الحلقه وباس راسي كلي مبروك.روز الفياض
رنا:كول والله مو حلم هذا؟
ارشد:لا بعد حلميش باجر نعقد وتصيرين مرتي بعد محد ياخذج مني.
بالليل امي كلتلي:
اكلج رناا.
رنا:ها؟كولي.
امي:ابوج يكول ابوه ماجاي ويه الرياجيل بس خواله واخوانه.
سكتت معناها مثل ماكال عصام ابوه ماقبل وبدت المقاطعه..
ثاني يوم رحنه عقدنه بالمحكمه ورجعنه للبيت رجع هو وياي كال:
هسه؟شنو تردين نتزوج هنا ونروح لبغداد لو نروح لبغداد وهناك نتزوج؟
رنا:ماادري بس عالاقل بعد اسبوع كون مو صدك تسويها ركض ركض ماالحك كل شي مامجهزه.
ارشد:اريدج بهدومج العليج مااريدج تجهزين شي مو مهم.
رنا:لا عيني لا اصبرلي شويه.
ارشد:مااكدر لازم ارجع عندي اشغال عندج يومين بس اليوم وباجر عكب باجر نتزوج اجي انه والزفه اخذج ونروح للفندق وثاني يوم الصبح نطلع لبغداد.
شتكولين؟؟
رنا:صدك تحجي؟
ارشد:وداعتج ومااحلف بيج جذب هههه.
رنا:معناها نتزوج هنا ونروح اريد الناس تعرف انه اتزوجت خوما متزوجه بالسر انه حتى اروح سكته.
ارشد:صار..
وفعلا وره يومين اتزوجنه..
رحت للصالون ورجعت للبيت امي جانت عازمه للجيران وصديقاتها لكيت دك وركص وبس دخلت اشتغلت الهلاهل كلش جنت فرحانه رغم بس زفه بس المهم عندي انه وارشد خلص صرنه زوج وزوجه..وره ساعه اجت الجهال من الشارع تركض يصيحون:
اجوا ..
اجوا..
اجوا..
حسيت بطني ظلت توجعني عبالك امتحان مو عرس.
سمعنه صوت الفرقه بره اتدك..
وخواتي يركصن يمي..
شويه ودخلوا هلاهل وركص وارشد مبتسم او ماوصل يمي باس راسي وكعد.
امه وخالته واخته يركصن واكو نسوان مااعرفهن منو وياهم وجهال.روز الفياض
خله ايده على جتفي وبعدين خلاها وره ظهري وحظني على كيف.
رنا:فضحتنه شيكولون هسه مامصدك؟
ارشد:ههههه اي والله مامصدك.
زفونه بسيارة صديقه بس عصام جان يسوقها.
عصام:مبروك
انه وارشد كناله:
الله يبارك بيك.
عصام:يوم الالي ان شاءالله.
ارشد:ان شاءالله.
رنا:اختار العروس وانه اخطبها الك.
عصام:الله كريم.
ماكو عرس كبل من التصوير زفونه للفندق نزلنه ظلوا ساعه كامله يركصون يم الفندق اخوان ارشد واصدقائه.
رنا:تعبت رجليه اتكطعت.
ارشد:اشيلج؟
رنا:علواه هههه.
ارشد:والله؟تردين اشيلج؟
رنا:لا شبيك عيب وين كاعدين.
ارشد:ليش شمسوين؟غير فرحانين.
رنا:ميخالف عود من نصعد فوك شيلني مو هنا تالي تطيحني واصير مضحكه.
ارشد:هههههههههههههه.
رنا:شدعوه هههه.
ارشد:جاي اتخيل الموقف اشيلج ونطيح انه وياج والناس تتفرج وتضحك ههههههههههه..
ظلينه ونسولف ونضحك بعدين صعدنه للغرفه اول مادخلنه شالني امي وامه ظلن يضحكن عصام استحى وطلع من الغرفه.
واخيرا😍
توقعاتكم؟؟
#نورالشمس
