الجزء الرابع
بقلم .... رشا الاسدي
هند ... لا لا مو هو
اصلا هذا بس يباوع ع البنات مو بس عليج وطلع مزوج
لعد منو هذا والله خبلني
نورا ... مو بس خبلج حته خبلنا
هند ... هديل اذا حصل رقمج شوفي شيريد منج
شوف هاي شتحجي
هند ... اي اي ادري باهلج
يله اجه حيدر اني رايحه
لمى ... عادي حبيبتي لا تضوجين
نورا .،.. عليمن تضوج بطرانه هاي
علوى احصل واحد هيج ينعجب بيه ويراسلني
هههههههه
اخير امتحان طلعت من القاعه اني دائما اطلع اخير وحده رحت يم البنات فتحت الجهاز شفت اتصال من رقم بدون اسم ومسج
... شفتي هديل كتلج رقمج احصله احصله ماصدكتي....
حجيت بصوت عالي ... هاي شنو
لمى ... شبيج هديل خوماكو شي
دشوفي هذا المسج
نورا ... شبيكم خوفتوني
هذا المجهول دازلي مسج راح انجن منين حصل رقمي
هند ... هديل ترى خبصتينا من بداية السنه لسة ردي عليه وشوفي شنو يريد
هند اني موقصة خابصتج بس اني الي محيرني منين جاي يحصل رقمي ... هند انتي ما ناطيه رقمي لاحد
هند... شنو قصدج هديل اني ماعندي شغل وعمل اوزع ارقامج ع الولد هاي جزاتي وياج وماخليت احد ما سالته طلعتيني اني منطيه رقمج من رخصتكم اني كايمه
اوكفي هند اوكفي
ظليت ابجي والبنات لامونو ع اسلوبي وياها
بنات والله جاي اشك بروحي لدرجة اكول اخاف بيه شزوفرينا منين جاي يحصل رقمي
واني رقمي محد يعرفه بس انتو وبنات الخط سرى واختها بس
نورا .. هديل كومي اتصلي بيه وشوفي شيريد
اوكي بس عفيه روحو لهند واعتذرولي منها
لمى ... صار
اتصلت بيه شال الخط
الللو
الوووو واخيرا
شتريد مني
اريدج
اني ما افيدك عوفني بحالي جاي تعب نفسك ع الفاضي
شوفي اني اذا اخلي شي براسي ما اشيله اله احصل عليه وانتي مو بس براسي انتي بكلبي وبروحي وترديني اعوفج مستحيل راح اظل وراج لحد ما تحبيني
هههه احبك مستحيل تحلم
انطيني فرصه بس وراح اخليج تحبيني
لا تعب نفسك شوف وحده غيري اني صعبه
انتي مال صعبه صعبه بس اني مايصعب علي شي واذا ماصدكين اتراهن وياج
هههههه والله عندك ثقه بنفسك
الله فديت هالضحكه ... تراهنين لو لا
ما اتراهن لان بعد ما راح تكدر تتصل
شنو يعني تغيرين شريحتج عادي بكل سهوله احصل رقمج ما يصعب علي
وتاليها شنو تريد مني يااخي عوفني بحالي
ما اكدر احبك صدكيني ما ااذيج ادري بيج خايفه مني بس انطيني فرصه
ااوف منك اني مليت راح اسده
اوكفي لحظه
سديته وغلقت الجهاز
ورحت لهند وبستها واعتذرت منها ووعدتهم بعد ما احجي بالموضوع ابد
اجو بنات الخط وسلمت ع البنات ورحت للبيت فتحت الجهاز لكيت داز مسج
... انطيني بس فرصه ما خسرانه شي بس رسايل ما اتصل ... طلعت الشريحه وكسرتها لان مليت و نفسيتي تعبت من التفكير وقررت ما اخلي شريحه بعد واذا ع صديقاتي اراسلهم من جهاز ماما
بده الدوام وكلت لازم اركز ع دراستي اكثر
حسيت براحه بعد محد يتصل عليه والموضوع سديته لان اخذ حيز اكثر من حجمه
بس جانت تجيلي رسائل بسجلاتي .... رسائل غراميه واشعار جنت اشككها وظليت اخذ سجلاتي وين ما اروح
بهاي الفتره ياسر بدى يتقرب لمى شوي شوي
لحد ما وكعت باشباكً الحب ومحد سما عليها
شكد حلوين ولايكين لبعض
هند تركت حيدر ... هي اصلا ماحبته بس هيج رادت تكضي وقت
واجه ولد من غير كليه انعجب بيها وكبلت وياها
كلنا ماقبلنا عليها بس هي جانت الي براسها تسويه
حيدر من شافها كلش تاذه وتمرض من وراها
وهي ولا مهتمه ماادري هاي شنو من قلب عليها
فد يوم اجه حيدر يتوسل بيه احجي ويه هند ترجعله
حيدر هند ماتفيدكً وانت تدري حاليا مرتبطه بشخص ثاني
ادري بس مستعد انسى كلشي وابدي من جديد وياها
مااعرف حيدر بس نصيحه انساه
لو النسيان سهل جان نسيت بدون ماتحجين
اني راح احجي بس لاتتامل خير
عفيه ابوس ايدج حاولي
انقهرت عليه يحجي والدمعه بعينه
رحت لهند .. هند انتي ليش هيج
هند ... شنو يعني
ليش عفتي حيدر والله يحبج
هند ...حياتي واني حره بيها وما احب احد يدخل بخصوصياتي
وانتي راضيه ع نفسج بلي تسويه
هند... هديل وين تردين توصلين
مااوصل لشي بس جاي انصحج
هند .... حيدر دزج علي مو ...
اي حيدر ... هند لوماانتي عزيزه عليه واعرف بقلبج طيب جان ماحجيت وياج ومثل ماكلتي حياتي وحره بيها
هند ... شكرا الج انتي الاعز بس مااحب احد يدخل بحياتي
زين سؤال هذا ابو عضلات تحبيه
لا
لعد ليش كبلتي وياه
هيج هم اكضي وقت وياه واعوف
شنو انتي ماتكليلي .... ماتصورتج قاسيه لهدرجه
شنو من قلب عندج ... معقوله محد كدر ياخذ قلبج وتحبيه
هند ... ليش اني شنو خلاني اصير بلا قلب وبلا مشاعر غير الحب
شنو احجيلي
احنه ست خوات ماما ماصار عدها ولد وبابا ترك امي لهذا السبب علمود الولد
امي جانت تكرهنا وتحقد علينا لان كل خلفتها بنات ودايما تدعي علنا
الله ياخذكم والله يخلصني منكم ماشفت منكم غير الهم
حته ابوكم عافني بسببكم ووووو وغيرها وغيرها
من ازوج بابا امي كلش هملتنا وكامت تهتم بنفسها اكثر ماتهتم بيتها وبناتها
ظلت اتسافر وتسوي عمليات تجميل ودايما الشعر مصبوغ وجهه متروس مكياج
مايوم كعدت يمنه كالت شبيكم احجوالي عن مشاكلكم وهمومكم
بس نظفوالبيت غسلوالماعين سوو عشا
وهي مكابله التلفزيون ع المسلسلات التركيه والنقال مايطيح من ايدها
ورزاله ودعاوي
جنت طالبة اعداديه وجان ولد جوارينه يلاحكني دايما
بالبدايه بعت ثقل عليه بس بعدين ماكدرت ظليت احبه
مو بس احبهتت نجنيت بحبه صار مثل الهوى الي اتنفسى
شما يطلب انفذ لو يطلب المستحيل
طبيت وطلعت وياه وكلشي سوينا
شنو يعني كلشي سويتو
شبيج افتهمي ...
بس شلون هند تسمحيله
ماجنت اريده يعوفني شما يطلب انطيه حته لا يعوفني
بس جنت محافظه ع عذريتي
وجان يقشمرتي بكلامه انتي مرتي وام جهالي واحبج وااكدر اعيش بلياج
ومشتاقلج واريدج وووهواي كلام
واني مصدكه وعايشه الدور
وامج ابوج وين
شوف هاي اكلهم امي ملتهيه ياصالونات يا مسلسلات تركيه
والبابا ملتهي بزوجته الثانيه الي جابتله الولد
امي اصلا مامهتمه وكلشي عادي عدها حته لو تعرف بينا
اي كملي
الولد الي حبيته جان ابن شيخ عشيره وذبتهم مثل اهل الريف
ابوه مزوج نسوان ٣ وكلهم مكعدهم بنفس البيت والجهال مبهذلين وحفاي تارسين الشارع
ودايما هوسه بيتهم
فد يوم اجاني كلي اريد احجي وياج بموضوع
اي حبيبي كول
هند اهلي يردون زوجوني
اني بوقتها فرحت حيل الدنيا ماسايعتني من الفرحه
اي حبيبي واخيرا راح اصيرت مرتك
لا مو هيج ... قصدي
شنو شبيك
يردون يزوجني بت عمي
واني .......
