الجزء السادس عشر
للكاتبة ... رشا الاسدي
كعدت اقسام داخليه بغرفه ويه طلاب مرحله اولى قسم كيميا
وجانو من يكعدون يحجون شنو يصير بالمرحله واني جنت اسمعهم
واتفقت ويه واحد منهم انطيه فلوس مقابل يجيبلي معلومات عن عنج
بس بدون مااي احد يدري..
وافق لان جانت حالته ضعيفه
بس اني سجلت عليه كمبياله بمبلغ جبير اخاف يغدر بيه اهدده بيها..
كدر يحصل رقمج ويراقب كل تحركاتج ويحجي اول باول
بس جنتي صعبه حيل ماتصورتج هيج
مرات اوصل لمرحله امل منج
ومن اذكر امي احاول وياج اكثر من قبل و بكل الطرق
سنه كامله وانتي ماطختي راس ابد...
بعد السنه شوي بديتي تنطيني مجال بس مجرد صداقه
بس جنت احاول وياج بكل طريقه اكدر عليها اريد اخليج تحبيني
لكن ماكدرت كنتي عنديه وشخصيتج قويه
لحد ما يوم قلتيلي لازم اشوفك وانتي مليتي من حالتنا
عرفت وقتها بديتي تحبيني
وتركتج ع راحتج كلت خلي اشوفج اذا راسلتيني معناها ماتكدرين ع بعدي
وراها بشهرين من دزيتي مسج تاكدت انتي حبتني
وكلتلي اني احبك هنا حسيت بالنصر وما باقي ع تحقيق هدفي اله خطوات قليله
شفتي شكلي بعيد ميلادج وزاد تعلقج بيه اكثر واكثر
واني مستمتع وكلت ايام قليله وتصير سمعت بت خالي بيدي واهددهم واشهرهم كدام العالم كله واخذ حق امي و حقي وحق اخواني منكم
كمت اطلب منج صور بس ماتقبلين ترسلين
كمت ادزلها مقاطع رومانسيه واكللها اتخيل اني وياج نفسهم ..
تزعلين مني وما تقبل احجي بهيج مواضيع
وارجع اراضيج و حاولت بكل الطرق وياج
تدزيلي صور او تتصلين كام.
ماجانتي تقبلين ولا تنطيني مجال من احجي وياج بالرومانسيات
ورسا تسدين الخط وتزعلين مني
تذكرين من اكلج اريد يمي صدكيني ما اكدر احبج وبس افكر بيج تكولين هاي المواضيع مو هسه وقتها من نزوج يله
عرفت بيج صعبه وما راح اخذ منج الي اريده
ماكو غيرحل اخطفج واغتصبج واصورج وادزها لاهلج
اني ماردت التجا لهذا الطريق بس انتي خليتني اوصل لهذا الحل
عمار ظل يضحك وبنفس الوقت يبجي
اني بس ابجي
معقوله هذا الشخص الوحيد الي حبيته هيج سوى بيه
تقرب مني بس حته ينتقم
وشرفي راح واهلي شلون حالهم ظليت ابجي حيل من تذكرت اهلي
ظل يباع عليه
هديل تصدكين ما كدرت اغتصبج... كلما اتقرب منج اكو شي يمنعني
تصدكين لو لا ... تعرفين شنو السبب؟؟؟؟
لان حبيتج اي حبيتج هديل .... ٤ سنوات اني اراقبج واتابعج
عرفت كل تفاصيل حياتج شتحبين وشتكرهين
تصدكين حبيتج واني ما حاس بحبي الج اله بيوم الي ردت انتقم منها..
كلما اريد اتقرب عليج شي يمنعني
حب او رأفه عليج اوكل مالها ذنب هي
اخر شي ظليت ابجي مثل النسوان واكول ربي ساعدني اريد حقي انته تاخذه منهم ساعدني الهي
قويت نفسي بامي وذكرت من طردوها ابوج وعمامج
ومن دنكت للارض حته تبوس رجليهم
اذكرت اخير ايام الها وهي تصرخ من الالم
كمت عليج واني ارفع ملابسج
واباع ع وجههج شفت وجه امي بيج
بهاي اللحظه انهاريت بجي
اول مره انتبه بيج شبه من امي
شكلج حنيتج هدوءج ابتسامتج كلشي بيج يشبه امي
كعدت بالارض وكلما ارفع راسي عليج ا
اشوف بيج بنيه شريفه ومودبه وصاحبة مبادى واخلاق
وفوك كل هذا تحبني
اشوف بيج مرتي وام جهالي
اشوف بيج امي الما شبعت منها شوف
