الجزء الخامس عشر
بقلم .... رشا الاسدي
ما حسيت ع شي بعدها
فتحت عيني واحس غواش مو واضح المكان
سديتهم ورجعت فتحتهم اريد افرك عيوني اسحب ايدي مااكدر
جسمي كله مو كادره احركه
اريد احجي مااكدر افتح حلكي
بعدها بديت استوعب حلكي عليه لاصق عريض
جسمي مربط نايمه ع جربايه وملابسي مرفوعه ودكم مفتحه
ظليت اتلفت واحاول اصرخ بس صوتي مايطلع
بعدها انتبهت شفت عمار كاعد بزويه بالغرفه متكرفص وراسه بين رجليه ويبجي....
ظليت ابجي حيل ...اريد اصرخ بس صوتي محبوس
ظل يباوعلي وزاد بجي
عمار..... تردين تعرفين ليش انتي هنا
هزيت براسي .. اي
راح اكلج ليش بس سمعي قصتي اول ......
من كنت صغير فتحت عيني ع الدنيا دنيا ليل وتمطر وبارده كاعدين بغرفه بيها ميز عليه فرش وبطانيات وصوبه بالوسطه عليها قوري جاي
جن مره عجوز نايمه ع المندر ومتغطيه بطانيه
وجانت كهرباء طافيه واكو فانوس بالغرفه وبنيه ولد يلعبون ويسون اشكال بالخيال ع الحايط ويكلولي اجاك الوحش هسه ياكلك ..
اني اخاف واروح اركض اروح لامي ... مره حلوه وابتسامه تارسه وجهها واكفه ع الطباخ تسوي عشه احضنها وكلها ... ماما فرح وحمودي يهوفوني تدنك علي وتكلي ماما انته سبع لاتخاف انته خوفهم ادور
وجهي عليهم واشوفهم يضحكون علي ويكلون جبان
واكلهم انه مو جبان انه بطل واروح يمهم وبيبي تصيح علينا كافي صياح دخنا
وتجي امي شايله صينيه العشا شوربا وبتيتا كلي واستكاين الجاي والخبز واكعد يم رجلها وتوكلني وفرح واحمد يضحكون علي يكلون مايعرف ياكل .....
جانو يغرون مني لان اني الصغير والمدلل
ومن يجي الليل انام بخضن امي ونسمع بيبي تحجينا قصص لحد ما نام
امي جانت حنينه علينه ومتعلقه حيل بينا مااذكر يوم ضربتنا
او اذتنا ...
من اشوف وجها اتخيلها ملاك من السما واشوفها احلا وحده بالعالم كله كد ماجنت احبها
اختي فرح جانت الجبيره واحمد بعدها واني الصغير ...
بابا ما شايفه لان مات قبل لااجي ع الدنيا وبيبي جانت ام والدي ...
بيتنا صغير وبسيط جان يخر علينا من تمطر الدنيا .. ماعندي لا عمام ولا خوال
امي جانت تشتغل تخيط وتحف للنسوان وعايشين من شغلها ...
كبرت وصرت بالمدرسه وامي جانت توصينا وتكلنا اهم شي دراستكم ما اريد منكم شي بس اريدكم تاخذون الشهاده وترفعون راسي
اني جنت شاطر بالمدرسه وجانت دايما تكلي انته تصير طبيب
واحمد يصير مهندس وفرح تصير معلمه
وتكبرون وتزوجون ويصير عدكم اطفال ويكلولي بيبي
واني اربيهم مثل ماربيتكم
وانتو تباروني مثل مااباري بيبيكم
فد يوم تمرضت امي وحالتها كلش اتازمت
نشوفها نايمه تون من الالم بطنها وكمنا نشوف دم بملابسها ...
وتصير بينا خالة ذعر عليها ونظل نبجي
تحظنا وتكول لاتخافون مابيه شي
ودتها بيبي للمستشفى وظلينا اني واخواني ننتظرهم ...
اجت امي تبجي وتكول
منين اجيب فلوس العمليه انه كوه كادره ع لكمتهم ..
بيبي تكلها روحي لخوانج ..
امي تكلها غير يذبحوني ..
لعد جهالج منو الهم روحي الهم بلكي يرحمون بحالج ويتسون الفات....
