الجزء السادس
بقلم ...... رشا الاسدي
هند.. الرجل المجهول يسال عليج ويريد يحجي وياج
ااوف استغفر الله
نورا .... ومنين حصل رقمج هند
هند .،، تذكرون مره اتصلت عليه علمود هديل
لمى .. اي صحيح اذكر ... بس لاتكولين حافظه لرقمج
هند .. اي بله عليج ... هديل شو ساكته
لان مالي خلك احجي بهذا الموضوع
عفيه بنات سدوه لان مليت منه
هند .. هديل انتي معضمه الموضوع شوفي شيريد يمكن صدك يحبج ماخسرانه شي
نورا ... ولكم راح اموت واعرف هذا منو
لمى .. والله صحيح بس نريد نعرفه منو هذا
نورا ... يعني هسه انتي من يدزلج رسايل ويكلج احبج كلبج ما يحن ما تكليلي قلب لوحجاره من امده حظي عود مزوجه ما يوم سمعته يكلي حبي حته لو بالجذب
خلي اغم اروحي احسن
هند ... عمي قلبها يا حجاره حته لحجاره اهون هي ماادري شنو
ههه اسمع من يتكلم هنود اذكرج لو مايحتاج ام قلب الحنين
هند .. اهووو هديل هسه عوفيني اني ظرفي خاص
بس انتي غير
يعني شلون احجي وياه واهلي وليث الي مشتغلي مراقب
هند .. اتفقي وياه بس مسجات ولا يحجي وياج حبيات يعني اعتبري صديق
يمكن صدك يحبج ويطلع خوش ولد وحلو
نورا .. والله شكلج مااتصوره حلو هسه يطلع اقجم وقزم وسمين ووصخ لو حلو جان راوه روحه
ههههههه نعله ع يومج لعبتي روحي
والحل ست هديل
اغلس مثل كل مره
هند ..،. ماكو فايده راسها يابس
هند .... اكلكم بنات سمعت اكو بنيه بالبايلوجي تاخذ خيره بجف الايد
وخيرتها مضبوطه
شنو رأيكم نروحلها نشوف بختنا المايل
لا مستحيل هند حراام
نورا .... اهووو حجت الشيخه هديل يموعده هسه احنه مطبيق الدين بحذافيره
صحيح مامطبيقه بس الخيره من الامور الغيبيبه وكلنا نعرف لايعلم الغيب الا الله
نورا .... عوفو المؤمنه هديل وخلي نروح
هند تباوعلي ومبتسمه ..... ايه ياشيخه ترحين ويانه لو تظلين هنا لوحدج
روحو اني ما اروح
لا لا اكوفو اروح شعندي ظاله لوحدي
رحنا لقسم البايلوجي واجت البنيه خذتنا لمكان معزول
بنات بس اكلكم لا يعلم الغيب الا الله ومو شرط الكلام الي اكوله الكم صح
بس اني اقرى الي مكتوب الكم بالجف حسب ماتعلمته
هند ... يمعوده كولي كلنا اذانٌ صاغيه
يله بيمن ابدي
نورا ... اني عفيه شوفي حظي العاثر
هههههههه .....
يله انطيني ايدج ..... شنو اسمج الاول
نورا
ياشهر عليج
ثامن
تكومين بالسلامه ... بيج ولد صح لو لا؟؟؟
بلي
شوفي حياتج كظيتيها كلها تعب بتعب ماكو راحه
صح
بس راح تفرج عليج بس الفرج يطول اسنين يله
كل العليج صبري وفوضي امرج لربج ومايضيع صبرج
ونعم بالله
وبعد الصبر اكو نصر
ياالله
بس اكو شغله راح يصير الج بيه حيره وخوف
يعني بين قوسين اكو مشكله جبيره راح تصيرلج بحياتج
حاولي تاخذين حذرج وتكونين حريصه
اوف خوفتيني
لاتخافين صدكي اكو نصر بحياتج والله اعلم بس كتلج فوضي امرج لله وصبري
يله منو بعدها
هند ... اني قلب اني
هنوده .... اوف حياتج حيل متعبه
صح
شوفي راح تواجهين بحياتج هواي صعوبات ومتعاب راح تاخذ من صحتج
هند ... لا بربج
اي .. اكو شي موقف او حادثه صارت بالماضي جاي تاثر عليج وع مستقبلج
صح كلامي لو لا
اي صح
برأي الشخصي عوفي الماضي وبلشي حياتج من جديد
اي
اكو سفر بحياتج وغربه
والله اعلم
واكو فرج بس بعيييد
اووف
وكتلج لا يعلم الغيب الا الله
منو بعد
لمى .... اني
ماشاالله ايدج حلوى مثل وجههج
واكو زواج قريب يعني بعد سنه او سنتين
بس اكو خساره بحياتج
شي غالي وعزيز عليج راح تخسريه
اي اختي توفت
لا مو بالماضي بالمستقبل اقصد
بس هذا الشي راح تظلين العمر كله تتحسرين عليه
اووف
لا تضوجين كتلج مو شرط كلامي صحيح
هاي مجرد تهيأت
بس حياتج حلوى
ها وانتي تردين اخذلج لو لا
هند.... هي اهم وحد بينه
اترددت بين اخذ بين لا
لمى ... يله هديل شوفي ماخسرانه
يله خلي اخذ عود ومن ارجع اصلي واستغفر
ههههههه
يله انطيني ايدج
ايدج كلش حلوى ماشالله
شوفي هديل راح تزوجين واحد اقاربج
بس ماعندي احد من الاقارب مامزوج
يعني اقصد الي بعمري والاكبر مني كلهم ازوجو
ماادري حبيتي بس شوفي هاي الخطوط شلون ملتصقه
اي صح
زواجج راح ترتاحين بيه وتكونين سعيده ويكون عن حب
بس اكو شي ماجاي اعرف افسره الج
شنو
اكو عين تراقبج
أي
ديري بالج منها و كوني حذره
شلون يعني
ماعرف كتلج ماجاي اعرف افسرها الج
عين اوحقد واانتقام بس كوني حذره بحياتج
وبنفس الوقت اكو قصة حب بالطريق
شلون يعني ....
اكو شخص يحاول يتقربلج
البنات ظلو يباعولي
اي
رن تلفونها .... يله استاذن البنات ينتظروني
يله حبيتي شكرا جزيلا اخذنا من وقتج
هديل ديري بالج كوني حذره بحياتج
ان شاالله
رجعنا للقسم وكل وحده بينا صافنه بالكلام الي كالته
لمى .... ياترى شنو الشي العزيز علي راح اخسره
نورا ... اخاف قطعة ذهب او فلوس
لمى .... او ياسر احتمال
لا لمى لاتشائمين .... الله يخليكم لبعض
هند ..،،. لا حبيبتي ان شاالله مو ياسر لاتنسين هي كالت راح تزوجين عن قريب بلكي ياسر
لمى ... بنات اني احب لياسر بس ودايما عندي خوف يجي يوم واخسره
بس لمى هي كالت مو شرط الكلام الي تكوله صحيح
لا تخليه بالج هذا الموضوع وتفائلي بالخير
نورا .... واني شنو رايكم بخيرتي
هند ... حبيبتي مادام اكو نصر وفرج لا تخافين
بس المشكله انه كل كلمه كالتها صحيح
بس لاتنسي هند شون كلتلج تركي الماضي وعيشي حياة جديده
لمى مو بيدي والله اصلا اني تعودت ع حياتي هاي
ومرتاحه هيج
اي وانتي هدهد شو ماحجيتي شي
لمى ... شعليها هدهد قصة حب تطرق الابواب
هههههههه
يعني عفتو كلشي ورحتو للحب
والعين الي تراقب تحركاتي
نورا ... شوفي عزيزتي العين معناها اهلج وابن عمج
اما الحب فهو الرجل المجهول المتيم في هواج
ههههه لا يمكن العكس
احتمال هذا المجهول يكون هو الي يراقبني
يمعوده هذا كله كلام فاضي مثل كلام الابراج
هند ..... لا مو شرط ولج ذكرتيني والله مساع يتوسل بيه علمود تحجين وياه
خلي يولي ...
توادعنا ورجعت للبيت
وكل كلمه كالتها ام الخيره تدور براسي وافكر بيها
بس منو هذا من الاقارب الي راح ازوجه واكون سعيده وياه
ولد عمي كلهم مزوجين ولد خوالي عايشين بالخارج
لا هاي تسفط حجي شتفتهم..........
