الجزء الحادي عشر
بقلم .... رشا الاسدي
خلص الكورس الاول وبدا الكورس الثاني
لمى ازوجت بالعطله ...
فد يوم اجت هند ... بنات امشو نروح لكليه الصيدله
لمى ... خير شصاير
هند .. ماصاير بس اريد اعرفكم ع الكبل الجديد وهو عازمني وكال جيبي صديقاتج وياج اتعرف عليهم
نورا ... لعد وثائر شنو
هند .. ازاعلنا
شنو ... شبسع ازاعلتو شبسع كبلتي
هند .. هسه هذا مو موضوعنه يله الولد ينتظر وعازمنه
جنا ظايجين من المحاضرات وجوعانين ... العزومة اجت بوقتها
يله نروح نغير جو
دزيت مسج لمجهول وكتله اني رايحه للكليه الصيدله ويه البنات
ورد علي ... روحي
وصلنا للكلية ورحنا دخلنا للكافتريه شفنا اكو ميز عليه كيكه ونفاخ ولد واكف جان كلش حلو... بشرته حنطيه وجسمه حلو و انيق ويباوعلي ومبتسم
نورا ... نعله ع يومج هنيده بس لاهذا الصاك عازمنه😳
هند ... ههههه ايه هو😍
رحنا للطاوله نفسه نفسها الكيكة مكتوب عليها عيد ميلاد سعيد هدهد
اباع ع الولد هذا شايفته قبل
اي يمكن بقسم الحاسبات
عرفتنا هند بيه
شعل الشمعه وكف بصفي
ظلو يغنون واني بس صافنه
بهلاثناء اجه ثائر وكف يم هند
ااها شنو الموضوع
سلمو عليه البنات
وبعدين هو كلي كل عام وانتي بخير هدولتي
واشوف هند تحجي ويه البنات وتاشر عليه وثائر واكف يمها ويبتسم
ياجماعه شنو الموضوع كلولي وانته منو ؟؟؟
هند... هاي شبيج اليوم عيد ميلادج وحبينا نفاجئج اني وعمار
باوعت عليه... يا عمار ... انته منو ؟؟؟ نفسك ؟؟؟
عمار .. اي ان المجهول جوجو مثل ماتسميني
قررت اعرفج بيه بس كلت لازم تشوفيني بمكان وتوقيت مميز
اتفقت ويه هند وثائر انسوي عيد ميلادج وافاجأجج بشوفتي
هااا
بذيج اللحظه الله ذب عليه فهاوه ماصايره
ع كد ماحلو 😩
كملنا العيد ميلاد وكلينا الكيك واني داخل نفسي تفكير يجيبني ويودي
ما تخيلته ابد هذا شكله حلو ومرتب وشخصيه شنو بحلم اني ..
واني شبيه هم حلوى ...
عمار ... هديل امشي نطلع نتمشى
اوك
كمنا من يمهم وطلعنا اني وعمار بالحديقه
جوجو اني شايفتك قبل .. يمكن ويه علا بالتربيه اخت سرى زوجت ليث
عمار ... اي صحيح اني كبلت وياها حته احصل رقمج
اها ... معقوله علا ... والله ما شكيت بيها ابد بس شلون تنطيك رقمي
عمار ... هي مانطتني اني جنت اخذ تلفونها بحجت اشوف صورها واخذ رقمج من غير ماتدري وبعدين من ظلينا نتراسل اني وياج عفتها...
انته داهيه
عمار ... ههههه الي يريد شي يسوي المستحيلات .. احبج هديل
والله اني من شفتك حبيتك اكثر من الاول...
عمار ... هههههه
هديل بس راح تضل علاقتنا من بعيد لبعيد لان تعرفين اهلج
لحد مايجي الوقت المناسب واتقدملج
هاا .. اي اي ان شالله
بدا يحجي عن هواي امور مسويه من غير عملي مثلا طلاب بلكليه رادو يتقربولي وهو بعدهم عن طريقي بدون ما اعرف .... وجان هو من غير محافظه وكاعد اقسام داخليه وغرفته ويه طلاب مرحتلتنا لذلك هو جان يعرف كلشي يصير بمرحتلتنا ...
واتفقنا محد يدري بعلاقتنا بالكليه بس صديقاتي علمود اهلي
جنت اشوفه من بعيد لبعيد وبينا بس النظرات والابتسامات
صح صارت بينا مشاكل هواي بهذي الفتره بس نرجع نتصافه اني وياه ويزد تعلقي بيه اكثر وجان دائما هو يصالحني ويعتذر
جان مايكدر ع زعلي وع فراكي ... حبيته لدرجه مااكدر اعيش من دونه صار كلشي بحياتي
مااكدر اوصف حبي اله ومعزته بقلبي
حاولت اكون حريصه بهذي الفترة خفت لا اهلي يحسون بيه
بس كلام البنيه الي اخذتلي خيرة جان دايما يرن ببالي
العين الي تراقب ... كوني حذره ... الحب ... بس
اذكرت كالت تزوجين اقاربج هاي واكفة بعقلي شوي
اقنع نفسي مو شرط الكلام الي كالته يكون كله صح
نورا بدت تتغير ظلت تغار اكثر من قبل واحس اكو موضوع ضامته عنه
وبالاخص عني اني
دايما سرحانه وتليفون مايطيح من ايدها وتجيها اتصالات وتروح بعيد عنا
ومن نسالها تكول زوجي او اهلي
حته محاضرات كامت تضربهم
سالت هند عنها تجاوب مااعرف عنها شي
قبل الامتحانات النهائيه هند وثائر انفصلو عن بعض
والسبب مو من هند هلمرة من ثائر لان سمع ولد مرحلته يحجون عليها
هو جان مرحله اخيره وراد ينهي كلشي وياها
ع الرغم هو كلش يحب لهند وهي صارت زينه ع ايده مو مثل قبل
بس يبقى المجتمع الشرقي ونظرته للمرءة
وان بصمة العار تظل ترافقها طول العمر حته وان كان هي تابت
هند تاثرت هلمره اكثر
اني ولمى رحنا لثائر وحجينا وياه وحاولنا نقنعا يرجع بس ماقبل
ثائر ... بنات فهموني دخيل الله ... اذا رجعت معناها ارجع حته اكضي وقت وياها حالي حال القبلي
لمى ... ثائر انته من اجيت لهند اجيت ع اساس تتقدملها وتخطبها
وانته تعرف بماضيها
صح لمى اني وياج والله شاهد حته اهلي عدهم علم بالموضوع
وصح ادري بيها عدها علاقه قبلي بس ماجنت اعرف هلكد علاقات عدها
ثائر انته تحب هند وهند تحبك وصارت زينه وياك ونست كلشي
صح احبها ويمكن ماراح تجي وحده بعدها وتاخذ قلبي مثل ماخذته هند
ولا اكدر احبها الحب الي حبيته لهند
بس صعبه ازوجها حته وان تابت
شيكولون عني جماعتي ... اهووو زوجته هاي الي ماظلت بنفس احد
ويعيروني بيها باجر عكبه
لمى ... هذا اخر كلام عندك يعني ماكو امل
اي اخر كلام والله يوفقها ويرزقها بالاحسن مني
واعتذرولي منها وكولولها تسامحني
ماتصور تقبل اعتذارك
يله من رخصتك
هند دررت بينا رحنا لثائر وماقبلت لان رحناله وزعلت علينه
بهاي الفتره هند اعتزلت ع العالم وزاد الكره بقلبها اكثر لجنس ادم
بس جانت تكول اني صح مقهوره بس مو لان ثائر عافني
مقهوله ع كلام الناس ونظرتهم الي
اكثر شخص وكف ويه هند وسانده هو عمار
صار بالنسبه الها اكثر من صديق حاول يوكف ويها وينطيها امل بالحياة ويرفع من معنوياتها
وتحاول تعتبر الي فات مجرد درس الها
وتبدي حياة جديده بدون علاقات
مرات جنت اغار من اشوف هند وعمار كاعدين سوى ويسولفون
اخاف يعوفني ويروح لهند
بس اكول لا لو رايدها جان من الاول وهي مو بعيده عليه ولا صعبه
حاولت اضم غيرتي بس حسو بيه وجانو ينصبون علي مرات
واني ازعل وانقهر
بس مجرد مايدزي مسج بيه كلام حلو او شعر
انسى كلشي
الي عرفته من عمار عن هند
يكول من كلامها ع ثائر تكول هي ماحبته بس تعودت عليه وبس
وجانت رايده تفتح صفحة جديده وياه بس هو غدر بيها
والي اثر عليها هو كلام الناس مو بعده عنها
اما ست نورا ففي عالم اخر لا احد يعلم بيه الا الله
والله يستر منها ......
بدت الامتحانات
وخلصت وبدت العطله وصعدنا مرحله رابعة ...
وراح تبدي احداث الاكثر اكشن ...،
