الجزء العاشر
للكاتبة ... رشا الاسدي
ياسر واكف هو ولد المرحله
اشوفه من بعيد تعبان ولحيته طويله ويدخن
صحتله .... ياسر من رخصت شوي
ياسر ... ها هديل شلونج
تمام انته شلونك
مثل ماتشوفين هذا حالي ... لمى شخبارها اليوم مامداومه ؟؟؟؟
ياسر انته شمسوي
والله مامسوي شي .. بس هي لمى ماادري شبيها تغيرت علي بدون سبب
ياسر من كم سنه وانته تعرف لمى
سنتين تقريبا
وبهاي السنتين ماعرفت لمى شنو بداخلها شنو تحب وشنو تكره و شنو يفرحها وشنو يزعلها
اي اكيد
وتتوقع لمى من تقاطعت وياك وعافتك بدون سبب
بس هديل اني مامسوي شي وياها والله ... والله لمى غاليه علي لو تطلب روحي ماترخص عليها والله ... وحته اهلي يدون بحبي الها وخواتي دايمن يتصلون عليها ويراسلوها
ياسر اذكر انته شنو مسوي بهاي الفتره بحيث لمى تغيرت عليك
لازم اكو سبب خله لمى تعوفك
ماكو والله
لا ياسر اكو
شنو
ذاك اليوم من كلت لمى رايح لصديقي بالهندسه وين جنت
هو يم صديقي
احلف
لا رحت لزراعه نبأ رادتني بموضوع ورحتلها
اي كمل شنو صار
( ياسر ارتبك وماعرف شيكول )
هديل لاتحجين بالالغار دخلي بالموضوع
حجيت لياسر الصار
ضرب ايده بالحايط حيل ... ماكو غير نبأ هي مرتبه الموضوع
اني الج يانبا .... امشي وياي هديل
وين
لزراعه وهناك اواجهه كدامج لان اذا حجيت ماراح تصدكيني
اوكف لحظه خلي اصيح للبنات لان اذا رحت وحدي مايصدكوني همين
اوك انتظر بس اصيحلهم
بس لحظه ياسر عندي سؤال ...
سالي
انته اكو احد جاي سائلك ع لمى بهذي الايام
هااا... اي يمكن
ليش يمكن ومتردد باجابتك ... وشنو جابوبته
هديل يعني ششتوقعين اجاوبه ... اكله خوش بنيه وشايف خير ومستاهلها
لمى الي وماتصير لغيري افتهمي
يعني انته الي حاجي عليها
اي هديل خلي نفسج مكاني شخص تحبيه لدرجه الجنون يجي واحد يريد ياخذه منج
شنو تكون ردت فعلك
بس تصرفك خطأ ...
مو بيدي هديل اني مو زين عندي عقل براسي ومقاوم لسه
حته لو ... انته تدري ليش لمى مامداومه اليوم
لا
لان اخوها منعها تدوام .... تدري ليش ...
احجي هديل اسمعج ..
لان الشخص الي ساللك عنها ... راح حجه لاخوها عن كل كلمه قلتها اله
لا بربج هديل كولي غيرها
والله ... لعد شتتوقع .. وع فكره هذا الشخص نسيب اخوها
اووف ياربي اني شسويت
شسويت دمرتها لمىً شوهت سمعتها ودمرت مستقبلها
ااوف يالهي لطفك ساعدني ياربي
لمى روحي صيحي البنات خلي اروح لنبأ الادبسسز
اوك انتظر
رحت للبنات وصحتهم وكلتلهم بالطريق احجيلكم
اخذنا ياسر اجرنا تكسي واتصل بنبأ
وصلنا للزراعه ونبأ واكفه باب الكليه تنتظر
اول ما شافتنا تفاجأت ... سلمت علينه
نبأ... لعد لمى وين شو ماكو
ياسر ... نبأ انتي شمسويه
شنو مامسويه شي اني
هند ... نبأ ترى كلش عرفنا .. البنيه الي تصلت بلمى عرفناها و حجت كلشي
( هند جذبت عليها بس رادت تعرف شنو جوابها)
نبأ سكتت وارتبكت
لا اني مالي علاقه يابنيه هاي يا اتصال
ياسر لزم ايد نبأ وضغط عليها عليها وجرها ... تحجين لو احجيج بالقوى
اووي هد ايدي هدها ... اي اني .. اني لان احبك ياياسر وانته تدري بيه احبك ... لذلك ردت ابعد لمى عن طريقي
مانحس اله بياسر يضرب نبأ كف ع وجهها
طبع اصابعه صار ع خدها من قوته
ياسر ... صبريلي اني اعلمج بس مو هنا بالبيت وكدام خوانج بعد يا....
هند سحبت ياسر وكلتله عوفها تولي ..
رجعنا للكليه نتمشى وحجينا بالموضوع لهند ونورا
واحنه نمشي اتصل بيه جوجو
عفتهم يمشون كدامي واني رجعت وراهم
اللووو
الووو ... انتي وين هديل
اني جنت بالزراعه وين البنات
شسويت هناك وشلون ترحين بدون ماتطيني علم
ليش انطيك علم. .. تخاف علي لو تغار
هديل لاتلعبين ع اعصابي تدرين بيه اغار عليج
احلف
والله هديل .. احجي شنو شصاير
حجيتله ع الصار
حبيبي هم يجي يوم وتخوني
هدولتي انتي شتحجين مستحيل اخونج والله .. ولج اني خايف لايجي يوم وتعوفيني انتي
اني اعوفك اذا ماخليتني اشوفك
عن قريب والله بس صبري
ان شاالله اصبر ... انما لصبر حدود
سديت الخط
ها بشرو وين وصلتو
ياسر ... هديل اني راح اخطب لمى خلال هاي الايام ادز اهلي عليها
اي احسن حل
هند ... اليوم راح اتصل بام هديل وافاتحها بالموضوع
ان شالله
وصلنا للكليه وفاتت علينه محاضرة
ثاني داومنا
هند ... بنات البارحه اتصلت ع ام لمى علمود احجي وياها بالموضوع
اي
كالت لايجي ولايتعب لان زوج اختها راح يخطبها
نورا ... ليش رجل اختها مو ازوج
اي زوج وطلق مرته لان صارت مشاكل بينهم وما رتاح وياها
نورا .... هند بس شلون وافقت لمى عليه
هند ... علمود تكمل دراستها رضت بيه
هي لمى متصله بيه وحاجيتله كلشي وكايلته اوافق ازوجك بس شرط اكمل
وهو موافق
نورا ... وهو شلون قبل بلمى وهي تحب واحد ثاني
هند ... علمود اطفاله قبل
نورا .... هديل وين صفنتي
هااا ... تدرون وين صفت
اي وين
تذكرون من جنا مرحله اولى من رحنا للبايلوجي واخذنا خيره
هند .... اي صح بس شذكرج هسه بيها
بعد اذكرت
تذكرون شاكلت لمى ... كالتلها راح تخسرين شي غالي عليج
نورا ... اي صح وبوقتها لمى جانت خايفه لا اخسر ياسر
هند ... اووف بس لا كلامها يصير صدك
نتتظر الايام تمر ونشوف
وصينا نورا تخبر ياسر بموضوع اهلها لان هي عدها جرئة اكثر منا
وحجيها طك بطك
ياسر بهاي الايام صار شخص ثاني مو ياسر الانيق والوسيم والمرح
تحول الىً انسان ثاني مبهذل ولحيته طويله وبس يدخن
وكئيب وحزين ومعزول عن العالم
لمى داومت الاسبوع الثاني واجت مخطوبة وحالتها النفسية مثل حالة ياسر
مرت الايام ويوم عن يوم الحزن والندم يزيد بينهم
بحيث مرة من المرات كاعدين بالقاعة وتصل بيها خطيبها بطلعتها
ياسر صار مقابيها اثنينهم دمعت عينهم بنفس اللحظه
اثنينهم اتحملو مسؤليه تصرفاهم الخاطئ
وكلام ام الخيره تحقق ... بالفعل صدق المنجمين ولو كذبو
اولا ازوجت وثانيا خسرة ياسر .. وظل ياسر حسرة بقلبها وراح تظل طول العمر تتحسر عليها
واني جاي اعيش احلى قصة الحب
بقوى هند ونورا الله يستر
اني جوجو ماتغيرت علاقتنا بينا بس الاتصال
هند تعرفت ع طالب بقسم الحاسبات اسمه ثائر
جان معجب بيه وعدها يتقدملها للزواج
نورا لاجديد نفس مشاكلها ونفس همومها
نورا زواجها راح يكون بالعطله
بدت امتحانات نهاية الكورس الاول وانتهت
وبدا الدوام وراح تبدي قصص جديده......
