دقات قلب بريئة

البارت الاول

يكتب لنا القدر احداث حياتنا فتمر الايام شيئا فشيئا..مجبرين ان نعيش الحياة بحلوها ومرها..
بحزنها وفرحها..وبابستامه ترتسم على الشفتين رغم الجروح والالام☺
🕳🕳🕳🕳🕳🕳🕳🕳🕳🕳🕳🕳🕳
مرحبا✋
اعرفكم بالشخصيات🕳🕳
🕳 شمس عمري 22 سنه خريجة جامعة وكاعده وساكته بالبيت ماكو تعيين بفضل حكومتنا مكضيتها كنس ومسح ههههه ...مواصفاتي بيضة عيوني عسليه طولي 160 وزني 62 شعري طويل وثخين جوزي بس اني محجبه الحمدلله ملتزمه من اني وزغيره صلاه صوم حجاب واقرا قران ...عائلتي متكونه من بابا وماما و3 خوات واخ واحد اني تسلسلي الكبيره بينهم...
احنا ساكنين ابغداد احب بغداد وابد  مااحب اطلع منها احس بس اسمها كافي وافتخر من يكولولي بغداديه ماعرف ليش هيج احس بس حبها يمشي بدمي من الصغر...
🕳 علي عمري 29 سنه دادرس اخر مرحله دكتوراه كليه طب اختصاص جراحة دادرس باامريكا عائلتي عايشه بالشمال ..عائلتي متكونه من بابا وماما واخ واحد واخت وحده اني الاصغر بينهم ..مواصفاتي حنطاوي عيوني جوزيات صاحب لحيه خفيفة وعضلات طولي 190 وزني 85 ....
🕳🕳🕳🕳🕳🕳🕳🕳
شمس⚎تعرضت لازمه صحية ونفسيه دمرتني
ودمرت شكلي وصلت للموت ..
ابدايه كل سنه جديده نتمنى تكون سنه خير تطوي كل السنين المضت ..اني دوم اشوف انو ماعدي حظ شريد ميصير واذا صار ينكلب عليه .. ابدايه سنه 2014 بشهر 1 توفى والدي تاذيت حيل شفته فوتو بتابوت كدامي متت انتهيت حضنت التابوت وكمت ابجي لما كولت بس وجهي صار احمر كد البجي اختنكت حيل الكل يسال شبي ابوج ليش توفى ..بابا كان قوي والقوة لله الكل تفاجأ بموته بس الحمد لله ع كولشي نرجع ونكول الاعمار بيد الله..ماعدي جواب اكولهم غير والله ماعرف البارحه الضهر كان يتغدة ويانا العصر كال راسي يوجعني وبليل تخربط ودينا للمستشفى ..موت والدي كان فجائي وهالشي اثر عليه هوااااي..  كان فراق والدي يوم ورى يوم يكون اصعب من القبلة حسيت من راح راح سندي راحت قوتي كولشي حلو بهالدنيا راح صارت بيه حالة  نفسيه كمت اخاف اطلع لباب البيت وحدي واخاف اباوع ع  سياره ابويه حتى من انام مع انو اهلي موجودين يمي كمت اخاف انام انام والدمعه بعيني ومثل اي شخص يمر بهيج ضروف يكوم يدور ع سند يسند نفسه علي ...اني كنت احب ابن عمتي و ع علاقة بي هو اول ايام ظل يتصل بيه ويواسيني صح غصة بكلبي دوم من ورا سوالفه وخياناته الهواي بس كلبي كان يحبه ومتعلق بي هواي كنت اتغاضى عن كولشي في سبيل مااخسره ...
طول ايام الفاتحه اشوف اختي المزوجه شلون زوجها واكف يمها وشلون دايرباله عليها وخطيب اختي الزغيره كذلك يخاف عليها من الهوة الطاير واني محد وكف يمي صح احمد يتصل بيه ويطمن عليه بس كنت اتمنى احضنه وابجي بحضنه بس كان بعيييد عني كولش بعيد موجود كدامي بس بنفس الوقت بعيد حيل..
صحتي بدت تسوء اول اسبوع بعد الفاتحه تمرضت كولش كمت اذب دم من صدري وادوخ وافقد ومااحس ع نفسي وبدى جسمي يورم ووجهي كذلك بالبداية ماهتميت وتوقعت ارتفاع  بالضغط بس كولمت اقيس الضغط يطلع صاعد درجتين ومريت ع هالحاله اكثر من شهرين ماعرف شنو علتي ..احمد تغير عليه هواي بس اول اسبوع اهتم بيه بعدها رجع لسوالفه ومخابراته ورى 12 بليل كام ميسال عني واني من حبي اله بقيت متمسكه بي خطيب اختي محمد دوم يتردد ع اختي الزغيره حنين يحبها كولش وميريد يحسسها بفراق والدي ..تختلف طباعه هواي عن اخوه احمد ع رغم من انهم اخوه بس مختلفين عن بعض جذريا كان يسولفلي ويكولي عده علاقات هواي وهسه عده وحده يحجي وياها اسمها درة ومعايفها من سنتين وياها كنت اساله عليها ينكر ماكو هيج وحده عنده ويحلف بالله وباهل البيت وبشرف امه واخواته وكنت اصدك بي ومن اساله ع مخابراته يكولي ويه اصدقائي ..
كان انسان منافق شهواني وكذاب ويدور بس مصلحته وماصحيت ع عقلي اله بيوم اختي فصخت خطوبتها من اخوه لان كانت متحبه ع رغم هو كان خوش ولد بس منكدر نجبرها بعد لان كضوها كولها مشاكل ..كنت بحضره الامام الحسين والعباس راسلني احمد كلي باجر نجيكم دنريد ننهي كولشي شفته شلون يحجي وياي ابرود كتلة اوكي عيني واذا تريد حتى احنا هم خل ننتهي بديت بيها قبل ليبدي هو بيها جاوبني اي بعد احسن لان ابويه بعد لو يجي مدري منو ميفوت كرابه بعد كتله هاهيه رحم الله والديك ابن عمتي شكرا ع كل الوعود الاطيتنياها ..بداخلي متت قهر لان بطبعي من احب شخص احب من كلبي دخت من الاني بي ماكدرت ابجي كدام امي وخواتي لان جانوا يمي كتلهم ماتحمل بعد ح تقيا ..تقياات وحابسه دموعي ماريد احد يحس بيه مكلت لاحد ع هالحجي ضليت ساكته والقهر ياكلني كاعده بالحضره وادعي بكلبي بس ماكدر ابجي ..