ذلك الغريب ٨
زينب الموسوي
رجعت البيت ماما سألتني ليش رجعتي ماما حسيت نفسي تعبانه رجعت. من السهر طول اليل وسوالف بالتلفون اني ادري ويامن تحچين. ويه صديقاتي ماما ريم جايين عليها ناس خطابه اشو مگالت ليش هو انتي تدرين بينا تجين من الدوام ولزمتي التلفون وهاي الطلعات كل شويه بعذر الله يدري شنو براسچ. ماما ترى كل البنات هيچ مو بس اني
بعد ساعه اجى سنان للبيت سال ماما وين مريم هسه تجي نزلت على صوته الضربه الي ضربني بيها خلتني ارجع متر ليورا. هنيال ابوچ وامچ عرفوا يربون تعاي يمه شوفي مريم تحب امريكي صار سنه واخابره يگلي اخابر الشرطه اذا تأذوها
صدوگ ولچ يامعزايه تخبلتي بعقلچ
لا ماما وابشرچ بعد يريد يتزوجها ويبقى على دينه امداچ لچ حتى هاي ماعرفتيها ميصير انطيني التلفون وباب البيت اذا وصلتيه اذبحچ ولاتخوفينه بالشرطه والله ادفنچ ومحد يدري وهي طياره اصبح بالعراق سافله يگلي صديقتي صار سنه
هاي كانت مقدمه بسيطه للي راح يصير بعدين بابا وسنان اجتمعوا ورا ما بابا اعتبرني خارجه عن الدين ولازم يهدر دمي نهاية الاجتماع كان صمت ماعرفت شراح يصير مرت يومين اني بغرفتي والكل يغلط ويضرب ويلوم كان خطوبه ريم اودري ام جي زارت ماما وحبت تفهمها على علاقتي
علاقتهم كانت گدام عيونه ومريم فهمته على الي يجوز وميجوز وابني تفهم وحبها لمريم ومافي داعي تمنعوها من التلفون ومن الكليه ترى عمرها راح يصير عشرين تگدر اي محكمه تزوجهم بدون موافقتكم
ماعدنا بنيه تتزوج بدون موافقة اهلها حتى لو عمرها اربعين وليش تشجعين بنتي على الخطا
وين الخطا اثنين يحبون بعض
النقاش كان طويل صعب تقنع اودري هذا خطا وصعب تقنع امي مصار شي خطا طلعت من بيتنا باليل بحفلة الخطوبه كانت حاضره رحاب وگلتلي
جي منتظر تخابرين اليوم اخذي جهازي ترى كل شويه يگول شرطه
خلي يخابر الشرطه من يجوون انكر اهلي ضاربيني وحابسيني
لچ والله حرام عليچ شتريديه يسوي هذا لو عربي ظليتي تركضين ورا وكل يوم يطلع بسالفه وعذر
لچ ماكو امل اذا هو لحد الان ميفتهم لازم يترك دينه يله يتزوجني
البارحه گال اذا تتزوجني اصير مسلم
يامسلم هذا عباله بس يگول صرت مسلم وهاي هيه
لعد شتريديه يهاجر للحبشه وين المسلم الي تشوفيه هنا ملتزم بدينه مريم انتي ماتحبيه لجي عندچ شي ردتي تفيكين بيه گدام البنات وخلص بس هو خطيه
اني الخطيه وغبيه همين خسرت ثقة اهلي وكليتي وحريتي هو شنو الي خسره
بعد خطوبة ريم شفت معاملة اهلي تغيرت توقفت الحرب الاعلاميه ضدي ليش شديصير لحد مااجاني سنان لغرفتي شفته فزيت اكيد راح يضرب
باچر تروحين تداومين للكليه وتمتحنين اخر السنه وهذا تلفونچ ادري جي راح يتصل بيچ عندچ خيارين لو اهلچ لو هو
انتم مااريده غلطه وصارت ورجعت لعقلي
دتگولين هيچ لان خايفه لو مقتنعه
خايفه بس مااگدر بدونكم
من يتصل بيچ فضيها وياه والتهديد بالشرطه لايعيده ترى والله اروح بيه مؤبد وهاي اخر فرصه الچ واخر ذرة ثقه بيچ لاتخسريها
راد يطلع من الغرفه
سنان من كنت تگول اذا عرفتوا احد گولولي اعتبروني صديقكم كنت تعني الي تگوله لو وسيله حتى نعترف وتضرب وتغلط وتحبس
وانتي الي سويتيه اكو احد يتحمله
قصدك لان امريكي يعني لو عراقي او عربي توگف وياي وتتقبل اعترافي
لا. اكو شغلات محد يتحملها
اني اعترفتلك لان صدگتك لو مااعترافي كان هسه بعدني وياه وبعدك تثق بيه
تگدرين ترجعين ثقتي باچر اطرديه وخلي يبطل يخابرني كلمة اني احبها تشگ گلبي من يگولها فهميه وخلي ينقلع
