ذلك الغريب ٦
زينب الموسوي
حچيت ويه ماما على شغلي ماما بس تلث ايام بالاسبوع تعرفين احتاج سياره من اداوم كليه الله يخليچ احچي ويه بابا واذا مقبل عوفي الموضوع
راح احچي وياه هو انتي الوحيده الي ظليتي تاخذين رائينا اصلا سنان نسى عنده ام واب
خلي اليوم نمر عليه اني وياچ للشقه ونجيبه هنا ويتعشى يمنا وبلكي هو وبابا يتصالحون
دگومي خابريه شوفي اخاف عنده شغل باليل
خابرت سنان ها حبيبي سنان انت وين بالشغل ها مريم محتاج شي لا بس ماما واني وكلنا مشتاقيلك نجي عليك لللشقه ونتعشى سوا
تعالوا ونتعشى برى. لا سنان بيتنا انت وبابا لازم تتصالحون حبيبي انت زين لعد اني اجي عليكم واجيب عشى خلي ماما ترتاح. شوف ماما ربحت بشي واحد بحياته خلفتك وانتي وريم شبيكم مابينا شي بس انت تختلف تنگط حنيه فدوه لعينك روحي لوگيه
من وصل سنان لبيتنا وتصالح هو وبابا حجيت وياه على شغلي وافق وقنع بابا انتظرت ثاني يوم بالوقت الي حدده اليه جي واتصلت بيه
هذا حدث تاريخي اول مره تتصلين
لا منا وجاي الاحداث التاريخيه راح تكثر وانت عليك تسجل راح اشتغل يمك
اوكي خبر حلو تعالي وقدمي طلب ويمكن نرفضه
شنو ترفضوني مو المطعم لاهلك ليش ترفضوني
خلص احچي وياهم ويقبلوچ ويمتى تبدين
بعد الامتحانات باقي عشر ايام واني معدلاتي زينه انقبل بكليات زينه
ادرسي الطبخ
لا صدوگ هو احنا العربيات مخلصين حياتنا نطبخ انوب ادرسه
والايطاليات هم يطبخن وعادي يدرسن طبخ
اني مو ايطاليا احنا الي تريد تدرس هندسه طب محاماه مو گالت الجدور وحچت الطاوات من ارجع لبلدي يضحكون عليه
وليش ترجعين للعراق هذا بلدچ
اني
مولده بامريكابس بلدي بلد ماما وبابا
يعني اني لازم يكون بلدي ايطاليا
بكيفك هو البلد انتماء واني مااحس بالانتماء هنا
غلط متوهمه هسه لو ترجعين للعراق شهر تعرفين متگدرين تعيشين الا بامريكا
ليش مااگدر
انتي معايشه بالعراق ولا يوم طفولتچ ذكرياتچ دراستچ اصدقائج هنا مو لان امچ وابوچ عراقيين لازم انتي تكونين عراقيه صح تحبين العراق بس راح تفتقدين امريكا اذا عفتيها
انت كلشي متعرف العراق يختلف عن بلدان العالم كلها واني احبه وهو بلدي
اني گلت رائي يجوز خطا
وصلتني ريم للمطعم شفت امه وابوه ويمكن حاچي عني شي لان الامريكان ميعرفون يخفون مشاعرهم وامه مبينه فرحانه ان ابنها دخلت حياته بنيه بعد موت صديقته وظلت تسالني على الحجاب وگالت حلو الوانه وحتى مخلوني املي طلب راسا انطتني الجدول وحچت ويه الاب وصتهم خلوها على الكاشير المطبخ حار وهذا الحجاب يموتها حر
بقيت نص ساعه وياهم بعدين خابرت ريم تجي عليه ظلينا اني وجي ننتظر بالبارك
امك وابوك طيبين ينحبون
اني يمتى اشوف امچ وابوچ
والله ضحكتني بياصفه تشوفهم
صديق بنتهم ميريدون يعرفوني
تدري ماما وبابا اذا عرفوا اني اعرف ولد حتى لو عربي يذبحوني ويذبحوك
ليش شنو جريمه
عدنا جريمه ميصير بس هاي الجريمه معظم البنات ترتكبها بس بالسر محد يدري خاصة اهلها
لكن لو يعرفون احسن على الاقل ينصحوها يراقبونها يشوفون الولد يمكن مجرم حرامي تاجر مخدرات
هذا نقاش عقيم منوصل لنتيجه بيه تعودنا هيچ والسريه الي نعيشها بعلاقتنا تخلي لهاي العلاقه قيمه من تخاف وانت تتصل او تواعد تكتب رساله تحس الشي الي تخاف عليه ثمين وتريد تحافظ عليه
حياتكم معقده احنا اسهل بس احب اجرب العلاقه على طريقتكم
خلص جرب. ومن هذا اليوم لتگل لامك وابوك وانتظر ينامون يله تتصل
الدور عليچ انتي تتصلين
لا انت مو تريد تجرب السريه واحچي بصوت ناصي من تتصل
جتي ريم هاي اختي تعال سلم عليها تعرف بيك
سلم على ريم وندار عليه ودعني صعدت السياره ريم گالت
لعد مو اتفقنا تعوفيه
ريم ترى لحد الان مابينه شي نحچي وبس
بس تدرين ماالمومچ الولد حلو
مو قصة حلو بس احسه مختلف ممكن اغير بيه شغلات يصير.صوره روعه للقاء الشرق والغرب
شبيچ تهذين ياشرق ياغرب خلي يعرف الوالد اذا ماصار ترحيلچ من الغرب للشرق برمشة عين
الله كريم بذاك الوقت الله يحلها لچ امه وابوه فد حبابين المره مكيفه هاي لو عدنا چان من هسه شدت وياي
