ذلك الغريب
بارت3
زينب الموسوي
من خلص الدوام اخذنا سنان ورحنا نتغدا بمطعم لان اكل المدرسه مرات مو حلال وحچى ويانا على لبسنا
ريم مريم العصر اگول لماما تاخذكم اشتروا ا ثياب غير هاي البسوا مثل البنات مستور بس مودرن هسه بقت بنيه تلبس تنوره سوده بامريكا
اي اكو اني ومريم
لاجديات اني اشوف البنات تنتقدكم ليش تبقن من الي يجي ينتقد شوفوا انتم اثنينكم صديقاتي واخواتي واني عشت الاعداديه وشفتها اي شي يصادفكم احچولي عنه لاتخلون بينا اسرار وخجل الصراحه حلوه
سنان شبيك انت دتتحول امريكي تدري بنفسك
ليش شبيهم الامريكان مو كل حياتهم غلط ناخذ منهم الزين مابيها شي اذا اكون قريب من اخواتي
حچيت ويه سنان اگلك سنان اني عندي شي اريد اگوله بس تذكر انت گلت اصدقاء اني احب واحد بصفي
لچ منو هذا ومن يمتى احچي
وصار ساعه واصدقاء والصراحه حلوه سنان انت عراقي فدوه اروحلك
ميخالف بس خلينا قريبن احسن
يله گوموا نروح للبيت يمكن ماما وبابا غيروا اقفال الابواب ونبقى بالشارع
بدا التغيير يدخل لبيتنا والنقاشات كثرت بين بابا وسنان لحد فد يوم بابا راد يضربه سنان لزم ايده وبابا طرده من البيت طلع توسلنا بيه يگول وين رايح مارد علينا ثاني يوم بالمدرسه شفناه عرفنه يم صديقه وراح يشتغل ويطلع بشقه ويه اصدقائه رجعنا للبيت خبرنا ماما وظلت تبچي وبابا اتصل بسنان حتى يرجع لكن مارجع واستقل بحياته ومن اشترى سياره ظل يجي علينا ياخذنا ونطلع فد يوم دخلت للغرفه لگيت ريم
هاي شتدسوين ريم
اسوي حواجبي شصار يعني
وخاله ميكب همين منين جبتيه
صديقتي جابتلياه ليش اني زغيره
اي زغيره بابا اذا شافچ يذبحچ
ماكو ذبح بامريكا واذا معاجبكم اطلع مثل سنان
اشش ماما فوگ بغرفة سنان لتسمعچ
خلي تسمعني اني مليت ياريت يطردوني من البيت حتى المدرسه كرهتها من وراهم لانلبس لانروح سفرات شنو سجن
ماكو داعي للعصبيه اتفاهمي وياهم مو الا عناد
اتفاهم ليش انتي معايشه بالبيت ويانا وتعرفين اسلوبهم
والله ماادري شديصير ياريت مجاين لامريكا
لچ امريكا مالها علاقه الي تريد تنحرف حتى لو بسجن تنحرف واحنا نختلف بتفكيرنا نصلي نصوم نقرا قران مابيها شي اذا رتبنا شكلنا گدام الناس
اگلچ انتي دتسوين هذا الشي علمود شخص معين
لا والله بس حتى اصير مثل صديقاتي
فدوه لعينچ ابقي مثل ماانتي احسن
وبدا التمرد الثاني بيتنا ريم تطلع ويه صديقاتها وتخلي مكياج وتغير لبسها واشتغلت بالعطله ماما وبابا عرفوا الامر طلع عن السيطره ولازم يفكون الحبل شويه احسن مابتهم تاخذ شقه وتطلع بقيت اني وكل يوم الى متى ابقى اتحمل وليش مااصير مثل اخواني يمكن مو كل الناس الله خلقها ثوار في ناس تقبل وتسكت وظليت ساكته لحد صار عمري ١٧سنه سنان وريم دخلوا كليه وظلينا منلتقي بسبب همه بالدراسه لو شغل واني مدرسه لو بالبيت بيوم نهاية الاسبوع بالمدرسه طلعنا من الدوام صديقتي رحاب وصديقتي سما قنعوني اروح اني وياهم لمطعم بيتزا ايطالي بسيارة رحاب
بس لازم اتصل بماما مااگدر اذا متعرف
امچ راح تگلچ لا تعاي هي ساعه زمان ونرجع
اقتنعت ورحت وياهم بالمطعم كلهم امريكان وياهم شاب ظل يراقبنا احنا متعودين من ندخل مكان ويشوفونه محجبات يراقبونه بس هو كان يراقب ويبتسم وتعمد هو الي يجيب الطلب النا وسالنه
اول مره نجون لهنا
جاوبت سما اول مره بس اذا اكلكم طيب نجي كل مره
اكيد راح يعجبكم هذا مطعم ايطالي متوارثي اب عن جد ومهنه للعائله كلها
سالته رحاب يعني هذا المطعم الك انت
لا لوالدي وماما واني وصديقتكم الثالثه ليش متحچي
جاوبت رحاب هاي من تشوف واحد حلو تنسى الحچي ظلوا يضحكون
وجاوبتها اسكتي رحاب ترى هسه اطلع
راح الولد بس كنت اشوفه بعده يراقب واحنا ضحكنا واصل لاخر ميز بالمطعم..يتبع
