ذلك الغريب
بارت2
زينب الموسوي
وسط هاي الضغوط من الاهل بدات حاله من التمرد بالبيت خاصه اخوي سنان بدا يطلع واصدقائه يعلموه سياقه ومره قرر ياخذنا من المدراسه بدون مننتظر ماما وتمشينا هو وريم كان عمرهم ١٧واني ١٥سنه كنت خايفه
سنان ماما اذا اجت وملگتنا تموتنا كتل
امشي مريم هنا محد يكتل ويضرب معلموچ بالمدرسه
يعني تريد ماما وبابا ينحبسون
مثل مااحنا محبوسين شوفي اصدقائي كلهم سيارات وشوفي صديقاتكم يسوقون واحنا كله ممنوع وممسوين شي غلط نتمشى
بس هاي امريكا خطف وقتل
شفتي بعينچ خطف قتل لو ماما وبابا گالوا هذا الحچي
ماادري احنا شكلنا اليوم ننبسط وهسه تشوفون
كنا نمشي وسنان يغني بصوت عالي وصوته نشاز واحنا نضحك شويه سيارة ماما طبگت. يمنا باوعت ماما وجهه احمر وعيونها شرار
يله صعدوا بالبيت نتفاهم
صعدنا ماعدا سنان
مااصعد عاجبني امشي واتاخر واتغدى برا اليوم
حسابك ويه ابوك
ماما سامعه ب٩١١ هذا رقم بس يتصل بيه طفل الشرطه تحاصر البيت فكري زين انتي وبابا
رجعنا البيت بابا كان موجود
ليش تاخرتوا وين سنان
طالعين يتمشون وسنان يهددني ٩١١
ماشاء الله حچي جديد هذا بعد مدارس ماكو يله على المطبخ من اليوم مكانچن المطبخ
ماتجرات وحده بينا تحچي بس دموعنا حچت باليل رجع سنان اني وريم كنا واگفين على الدرج ونسمع شراح يصير
وين چنت سنان
ويه اصدقائي نفتر بالسيارات وناكل ونسمع اغاني
ومن يمتى هذا الشي مسموح بهذا البيت
من اليوم بابا احنا بامريكا وهاي حياة امريكا محد يتحمل تخنگه وميحاول يفك قيدك عنه من حقنا نطلع نزور اصدقاء نسوق واخواتي اذا واثقين من تربيتكم الهن خلوهن يتنفسن
تريد اخواتك يفترن بسيارات ويه الولد ويجن تالي الليل
محد من بنات العربيات مسويه الي تگول عليه الا كم وحده وذني اصلا تربيتهن صگط بس مابيها شي لو اخواتي راحن لعيد ميلاد. يتمشن باسواق يسوقن
بابا ضرب سنان دائما الطرف الضعيف يلجئ للتخويف حتى يسكت الطرف المقابل
صعد سنان لغرفته واني وريم رحنا عليه ريم التؤام وياه يعني اذا هو تاذه هي هم تتأذه حظنته وظلوا يسولفون واني راقب الدرج اشوف بابا راح نام لو يصعد ويكمل النقاش
لاتهتم سنان بابا باچر يصالحك وينسى
مااريده يصالحني راح اترك البيت واشتغل بعد المدرسه واسوق
لاعفيه سنان والله اماما تموت اذا سمعت
ليش تموت كل الي بعمري هيچ يسوون
تدري بابا بطلنا من المدرسه گال تبقون بالبيت
مو بكيفه باچر من الصبح تروحن وياي واذا ماقبل اتصل بالخدمات الاجتماعيه
شبيك انت سنان تريد تسجن بابا
لا بس خلي يعوفنا نعيش تشوفون البنات بالاعداديه المكبوته هي الي تغلط والي منطيها ثقه محافظه على اسمها وعائلتها من الصبح تطلعن وياي
انت وريم اطلعوا اني اخاف
لاتخافين تروحين وياي الصبح بدلنا واخذنا الجنط سنان ماخذنا من ادينا اثنينه بابا شافه ماحچه وقبل لانطلع
سنان گال لماما لاتجين علينا اني اجيب اخواتي ونتغدا برا امي جاوبته
لك انت صدوگ مستهتر بناتي مالك علاقه بيهن
بناتچ اخواتي واذا اني مااطلعهن غيري يستغل حبستهن ويطلعهن من وراكم
بتلك اللحظه تاكدت ان الله يحبني ورزقني باخ مثل سنان..يتبع
